«تەڭىزدە» جەر قىرتىسى تەربەلدى مە؟

اتىراۋدا «تەڭىز» اتاۋى بەرىلگەن ەڭ ءىرى كەنىش بار. ونىڭ قويناۋى مۇناي مەن گاز قورىنا تولى بولعانمەن, وتە تەرەڭنەن وندىرىلەدى. ءدال وسى كەنىشتىڭ جەراستى قىرتىسىندا 3,9 بالدىق تەر­بەلىستىڭ تىركەلگەنى انىقتالىپ وتىر. جەراستى ءدۇمپۋى 8 مامىرعا قاراعان تۇندە بىلىنگەن. «گەوفيزيكالىق زەرتتەۋلەر ينستيتۋتى» رمك-ءنىڭ جەدەل اقپاراتىنا سايكەس, 2016 جىلعى 8 مامىردا استانا ۋاقىتىمەن 1 ساعات 27 مينۋتتا (7 مامىردا گرينۆيچ بويىنشا 19 ساعات 27 مينۋتتا) ەپيورتالىعى تەڭىز كەنىشىنىڭ اۋماعىندا جەر سىلكىنىسى تىركەلگەن. «ەپيورتالىق كوورديناتتارى: 45.99 گرادۋس سولتۇستىك ەندىكتە, 53.97 گرادۋس شىعىس بويلىقتا. ماگنيتۋداسى mb=3.9. ەنەرگەتيكالىق سىنىبى K=8.5» دەلىنگەن حابارلامادا» دەپ جازادى جەرگىلىكتى «اقجايىق» گازەتى. جەرگىلىكتى تابيعات جاناشىرى, اكادەميك مۇفتاح دياروۆتىڭ, سو­نى­مەن بىرگە, قازاقستان ۇلتتىق عىلىم اكادەمياسىنىڭ سەيسمولوگيا ينستيتۋتىنىڭ مالىمەتتەرىنە قارا­عاندا, اتىراۋ وبلىسىنىڭ اۋماعى, سونداي-اق, كاسپي تەڭىزىنىڭ اكۆاتورياسى دا ريحتەر باعانىمەن 6 بالعا دەيىنگى ماگنيتۋدادا جەر سىلكىنىسى بولۋى مۇمكىن جەر قىرتىسى تەلىمىنە كىرەدى. بۇعان كاسپي تەڭىزىندەگى «قاشاعان», «قايران», «اقتوتى», «كورولەۆسكوە» جانە «تەڭىز» تۇزاستى كەنىشتەرى دە جەر قىرتىسىنىڭ تەكتونيكالىق بەلسەندى تەلىمدەرىنە ورنالاسقانىنا نازار اۋدارىلادى. جولداسبەك شوپەعۇل, «ەگەمەن قازاقستان» اتىراۋ