امەريكانىڭ بىرنەشە شتاتتارىندا

ءبىزدىڭ سالتىمىزعا نەگىزدەلىپ ەت اسىلا باستادى قازاقتىڭ ۇلتتىق تاعامى – ەت اسۋدى دارىپتەگەن امەريكالىق قىز گرەيس گارەت الەۋمەتتىك جەلىنىڭ جۇلدىزىنا اينالدى. اتالمىش اكتسيانى «امەريكالىقتى ەتپەن سىيلا!» دەگەن اتپەن الماتىداعى اقش كونسۋلدىعى ۇيىمداستىرعان ەدى. اقش-تىڭ الماتىلىق كەڭسەسى باستاعان «ەت اسۋ» اكتسياسى امەري­كا جەرىندە جالعاسىن تاۋىپ, الەمدىك جەلى قولدانۋشىلاردىڭ قىزىعۋ­شىلىعىن تۋدىرىپ وتىر. 2015 جىلى ءال-فارابي اتىنداعى قازاق ۇلتتىق ۋنيۆەرسيتەتىندە ورىس ءتىلى ماماندىعى بويىنشا ءدارىس العان گرەيس گارەت ەسىمدى قىز ءوز ەلىندەگى پورتلەند شاھارىندا ەل الدىندا ەت اسىپ, قازاق حالقىنىڭ ۇلتتىق تاعامىنىڭ ازىرلەنۋىن تاماشالاۋعا كەلگەن جۇرتتى ءبىر تويدىردى. «سىزدەر الماتى قالاسىندا ءبىلىم الا وتىرىپ, ءوزىنىڭ قازاقستان تۋرالى قىزىقتى ۆيدەو-بلوگىمەن, ءتۇرلى سۇحباتتارىمەن تانىس بولعان گرەيس ەسىمدى ستۋدەنت قىزدى ءالى ۇمىتا قويماعان بولارسىزدار. مىنە, سول گرەيس اقش-تىڭ الماتىداعى كونسۋلدىعى ۇيىمداستىرعان «امە­ريكالىقتى ەتپەن سىيلا!» اكتسيا­سىن مۇحيتتىڭ ارعى جاعىندا جال­عاستىرىپ وتىر», دەپ جازادى كون­سۋلدىقتىڭ فەيسبۋكتەگى پاراق­شاسىندا. رەسمي كەڭسە قىزمەتكەرلەرى اتال­مىش اكتسيانى امەريكانىڭ وزگە دە شتاتتارىندا جالعاستىرۋدى ۇسى­نىپ, وسى ارقىلى قازاق حالقى­نىڭ تۇرمىس-سالتى مەن مادەنيەتىن ناسيحاتتاۋدى ۇندەپ وتىر. قازىردىڭ وزىندە امەريكالىق ينتەرنەت قولدا­نۋشىلار بۇل ۇسىنىسقا قىزۋ قولداۋ كورسەتۋدە. قانات ەسكەندىر, «ەگەمەن قازاقستان» الماتى