ۇزدىكتەر ءۇزىلىپ شىعا باستادى

قازىرگى كۇندەرى رەسەيدىڭ ماسكەۋ ءجا­نە سانكت-پە­تەر­بۋرگ قالالا­رىن­دا ءوتىپ جات­قان حوككەيدەن الەم چەمپيوناتى ىرىك­تەۋ ءتۋرنيرى بەل ورتاسىنان اۋدى. بەيسەنبى كۇنى دانيا قۇ­راماسىن 10:1 ەتىپ تالقانداپ شىققان رەسەي قۇراماسى ەندى 9 ۇپايمەن ا توبىن­داعى ەكى ليدەردىڭ ءبىرى بولىپ شىعا كەلدى. ال نورۆە­گيانى 7:0 ەسەبىمەن ويسىراتا جەڭگەن چەحيا ۇپاي سانىن 11-گە جەتكىزىپ, بۇرىنعى پوزي­تسياسىن ءبىراز نىعايتا ءتۇستى. ءۇشىنشى ورىنعا سونىڭ الدىندا قازاقستان قۇراماسىن تىزە بۇكتىرگەن شۆەتسيا ورنالاستى. ونىڭ 8 ۇپايى بار. ءبىزدىڭ جىگىتتەردەن 1-تۋردا ۇتىلىپ قال­عان شۆەيتساريا كەيىن 7 ۇپايعا قول جەتكىزىپ, ءتورتىنشى ورىنعا كوتەرىلدى. بۇرناعى كۇنى گەرمانيادان 5:2 ەسەبىمەن باسىم تۇسكەن كانادا ۇپاي سانىن 12-گە تولتىرىپ, ءبىرىنشى تۇعىرعا تۇراقتادى. ۆ تو­بىندا ودان باسقا فيندەردە دە وسىنشاما ۇپاي بار. بۇل ەكى قۇ­راما تۋرنيردە ازىرگە بىردە-ءبىر ۇپاي جوعالتپاعان, بارلىق ويىندا نەگىزگى ۋاقىتتا جەڭىسكە جەتكەن ۇجىم­دار بولىپ تۇر. وسى كۇنى اقش فرانتسيانى 4:0 ەتىپ جەڭىپ, 6 ۇپايمەن ءۇشىنشى پوزيتسياعا قادام باستى. ونىمەن ۇپاي قورى بىردەي سلوۆاكيا كەلەسى ورىندا كەلەدى. كەشە تۇندە 5-تۋردىڭ ويىندارى وينالدى. قازاقستان قۇ­راماسى چەحيا كومانداسىمەن بەت­تەستى. بۇدان باسقا, اقش – ۆەن­گريا, دانيا – لاتۆيا, گەر­­مانيا – بەلارۋس تەرمە جا­ما­عاتتارى ءوزارا كۇش سىناستى. ال بۇگىن ءبىزدىڭ جىگىتتەر ءوز­دە­رى­نىڭ باستى باسەكەلەستەرىنىڭ ءبىرى لات­ۆيا قۇراماسىمەن كەز­دە­سەدى. وسى ويىندا كوماندانى ەليتا توبىندا قالاتىن-قال­ماي­تىنى بەلگىلى بولا باستايدى. تۋر­دا تا­عى سونداي-اق رەسەي – شۆەي­تسا­­­ريا, نورۆەگيا – شۆەتسيا, فران­­­تسيا – فينليانديا, ۆەنگريا – بەلارۋس, كانادا – سلوۆاكيا قۇرامالارى وينايدى. ەرتەڭ قازاق­ستان قۇراماسى دانيا حوك­كەي­شىلەرىمەن تارتىسقا تۇسەدى. كوماندانىڭ الداعى جىلعى تاعدىرىنا وسى ويىننىڭ قوسا­تىن ۇلەسى دە از بولماق ەمەس. رۋسلان يگىلىك