قازاقستان رەسپۋبليكاسى ىشكى ىستەر مينيسترلىگىنىڭ بۇيرىعى  №138 

2015 جىلعى 23 اقپان, استانا قالاسى قازاقستان رەسپۋبليكاسىنىڭ اۋماعىندا كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرۋ قاعيدالارىن جانە بىرىڭعاي كەزەكشىلىك-ديسپەتچەرلىك «112» قىزمەتىنىڭ وكىلەتتىكتەرىن بەكىتۋ تۋرالى «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ 12-بابى 1-تارماعىنىڭ 70-20) تارماقشاسىنا سايكەس بۇيىرامىن: 1. قوسا بەرىلىپ وتىرىلعان: 1) وسى بۇيرىققا 1-قوسىمشاعا سايكەس قازاقستان رەسپۋبليكاسىنىڭ اۋماعىندا كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرۋ قاعيدالارىن; 2) وسى بۇيرىققا 2-قوسىمشاعا سايكەس قازاقستان رەسپۋبليكاسىنىڭ اۋماعىنداعى بىرىڭعاي كەزەكشىلىك-ديسپەتچەرلىك «112» قىزمەتىنىڭ وكىلەتتىكتەرى بەكىتىلسىن. 2. قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى (ۆ.ۆ. پەتروۆ) زاڭنامادا بەلگىلەنگەن تارتىپتە: 1) وسى بۇيرىقتى قازاقستان رەسپۋبليكاسى ادiلەت مينيسترلiگiندە مەملەكەتتiك تiركەۋدى; 2) وسى بۇيرىقتى مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى ىشكى ىستەر مينيسترلىگىنىڭ ينتەرنەت-رەسۋرسىنا ورنالاستىرۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى ىشكى ىستەر ءمينيسترىنىڭ ورىنباسارى ۆ.ك.بوجكوعا جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسىنىڭ ىشكى ىستەر ءمينيسترى پوليتسيا گەنەرال-لەيتەنانتى ق.قاسىموۆ «كەلىسىلدى» قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى _________________ ت.دۇيسەنوۆا 2015 جىلعى 5 ناۋرىز «كەلىسىلدى» قازاقستان رەسپۋبليكاسىنىڭ ينۆەستيتسيالار جانە دامۋ ءمينيسترى _________________ ءا. يسەكەشەۆ 2015 جىلعى 6 ءساۋىر «كەلىسىلدى» قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ توراعاسى _________________ ن.ابىقاەۆ 2015 جىلعى 27 ناۋرىز قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 23 اقپانداعى №138 بۇيرىعىنا 1-قوسىمشا قازاقستان رەسپۋبليكاسىنىڭ اۋماعىندا كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسىنىڭ اۋماعىندا كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرۋ قاعي­دالارى «ازاماتتىق قورعاۋ تۋرالى» 2014 جىلعى 11 ساۋىردەگى قازاقستان رەسپۋبليكاسى زاڭىنىڭ (بۇدان ءارى – زاڭ) 12-بابى 1-تارماعىنىڭ 70-20) تارماقشاسىنا سايكەس ازىرلەندى جانە توتەنشە جاعدايلار تۋىنداعان كەزدە, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە جاعدايلاردا كەزەكشىلىك-ديسپەتچەرلىك قىزمەتتەردىڭ جۇمىسىن ۇيلەستىرۋ ءتارتىبىن ايقىندايدى. 2. بىرىڭعاي كەزەكشىلىك-ديسپەتچەرلىك «112» قىزمەتىنىڭ نەگىزگى مىندەتتەرى حالىق پەن ۇيىمداردان توتەنشە جاعدايلار قاتەرى نەمەسە ونىڭ تۋىنداۋى تۋرالى, وقيعالار, قىلمىستىق قۇقىق بۇزۋشىلىقتار, تىرشىلىكتى قامتاماسىز ەتۋ جۇيەلەرى جۇمىس ىستەۋىنىڭ بۇزىلۋى تۋرالى اقپارات بار حابارلاردى قابىلداۋ, سونداي-اق كەلىپ تۇسكەن حابارلامالاردى وڭدەۋ جانە تالداۋ, كەلىپ تۇسكەن حابارلاماعا دەن قويۋعا تارتىلاتىن كۇشتەر مەن قۇرالدار اۋقىمىن جانە قۇرامىن ايقىنداۋ, ولاردىڭ مەنشىك تۇرلەرىنە جانە ۆەدومستۆولىق تيەسىلىگىنە قاراماستان كەزەكشىلىك-ديسپەتچەرلىك قىزمەتتەردىڭ ءوزارا ءىس-قيمىلىن ۇيىمداستىرۋ بولىپ تابىلادى. 3. وسى ەرەجەدە مىنا تەرميندەر مەن انىقتامالار قولدانىلادى: 1) اۆاريالىق-قۇتقارۋ قۇرالىمى – اۆاريالىق-قۇتقارۋ جۇمىستارى مەن كەزەك كۇتتىرمەيتىن جۇمىستاردى جۇرگىزۋگە ارنالعان دەربەس نەمەسە اتتەستاتتالعان اۆاريالىق-قۇتقارۋ قىزمەتىنىڭ قۇرامىنا كىرەتىن ازاماتتىق قورعاۋ كۇشتەرىنىڭ ۇيىمدىق-قۇرىلىمدىق بىرلىگى; 2) بىرىڭعاي كەزەكشىلىك-ديسپەتچەرلىك «112» قىزمەتى – توتەنشە جاعدايدىڭ تۋىنداۋ العىشارتتارى نەمەسە تۋىنداۋى, ءورت, ادامداردىڭ ومىرىنە تونگەن قاتەر مەن دەنساۋلىعىنا زيان كەلتىرۋ قاتەرى تۋرالى جانە ءوز قۇزىرەتى شەگىندە شۇعىل قىزمەتتەردىڭ دەن قويۋ جونىندەگى ءىس-قيمىلدارىن كەيىننەن ۇيلەستىرە وتىرىپ شۇعىل كومەك شارالارىن قولدانۋدى قاجەت ەتەتىن وزگە دە جاعدايلار تۋرالى جەكە جانە زاڭدى تۇلعالاردان كەلىپ تۇسەتىن حابارلامالاردى قابىلداۋ جانە وڭدەۋ قىزمەتى; 3) قازاقستان رەسپۋبليكاسى Iشكi iستەر مينيسترلiگi (بۇدان ءارi – ازاماتتىق قورعاۋ سالاسىنداعى ۋاكىلەتتى ورگان) قازاقستان رەسپۋبليكاسى iشكi iستەر ورگاندارىنىڭ جۇيەسiنە, تابيعي جانە تەحنوگەندىك سيپاتتاعى توتەنشە جاعدايلاردىڭ الدىن الۋ جانە ولاردى جويۋ, ازاماتتىق قورعانىس سالاسىندا باسشىلىق ەتۋدi, سونداي-اق زاڭنامادا كوزدەلگەن شەكتە قىلمىسقا قارسى كۇرەس, قوعامدىق ءتارتiپتi ساقتاۋ جانە قوعامدىق قاۋiپسiزدiكتi قامتاماسىز ەتۋ, ءورت قاۋىپسىزدىگى, توتەنشە جاعدايلاردىڭ الدىن الۋ مەن ولاردى جويۋدىڭ مەملەكەتتىك جۇيەسىنىڭ جۇمىس ىستەۋى مەن ودان ءارى دامۋىن قامتاماسىز ەتۋ, ءورتتىڭ الدىن الۋ مەن ونى ءسوندىرۋدى ۇيىمداستىرۋ سالاسىنداعى سالاارالىق ۇيلەستiرۋدi جۇزەگە اسىراتىن قازاقستان رەسپۋبليكاسىنىڭ ورتالىق اتقارۋشى ورگانى بولىپ تابىلادى. 2. قازاقستان رەسپۋبليكاسىنىڭ اۋماعىندا ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەر 4. قازاقستان رەسپۋبليكاسى اۋماعىندا, قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنىڭ (بۇدان ءارى – كوميتەت) اۋماقتىق ءبولىنىسىنىڭ جاۋاپتى ايماقتارىندا ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەردىڭ قۇرامىنا: 1) كوميتەتتىڭ اۋماقتىق بولىنىستەرىنىڭ بىرىڭعاي كەزەكشىلىك-ديسپەتچەرلىك «112» قىزمەتىنىڭ ءبولىنىسى (بۇدان ءارى – «112» بكدق); 2) قازاقستان رەسپۋبليكاسى ىشكى ىستەر مينيسترلىگىنىڭ جەدەل باسقارۋ ورتالىعى نەمەسە اۋماقتىق ورگانىنىڭ كەزەكشىلىك ءبولىمى; 3) جەرگىلىكتى اتقارۋشى ورگاننىڭ جەدەل مەديتسينالىق جاردەم اقپاراتتىق-ديسپەتچەرلىك ءبولىنىسى; 4) قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ سانيتاريالىق اۆياتسيا قىزمەتى; 5) قازاقستان رەسپۋبليكاسى ۇلتتىق قاۋىپسىزدىك كوميتەتى اۋماقتىق ورگانىنىڭ كەزەكشىلىك قىزمەتى; 6) قازاقستان رەسپۋبليكاسى ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتىنىڭ «قازاەروناۆيگاتسيا» رەسپۋبليكالىق مەملەكەتتىك كاسىپورنىنىڭ اۋە قوزعالىسىن جوسپارلاۋدىڭ باس ورتالىعى; 7) الەۋمەتتىك جانە تۇرعىن ءۇي-كوممۋنالدىق ينفراقۇرىلىم وبەكتىلەرىندەگى اۆاريالىق-قالپىنا كەلتىرۋ جۇمىستارىن باقىلاۋدى جۇزەگە اسىراتىن جەرگىلىكتى اتقارۋشى ورگاننىڭ كەزەكشىلىك-ديسپەتچەرلىك قىزمەتتەرى; 8) بايلانىس وپەراتورلارىنىڭ انىقتامالىق قىزمەتى كىرەدى. 3. قازاقستان رەسپۋبليكاسى اۋماعىندا كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرۋ ءتارتىبى 5. توتەنشە جاعدايلار تۋىنداعان, ادامداردىڭ ومىرىنە قاۋىپ جانە دەنساۋلىعىنا زيان كەلتىرگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە جاعدايلاردا «112» بكدق ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەردىڭ قىزمەتىن ۇيلەستىرەدى. ول ءۇشىن «112» بكدق ءبولىنىسى ءوزى ورنالاسقان جەردە مۇددەلى مەملەكەتتىك ورگاندار مەن ۇيىمداردىڭ اقپاراتتىق جۇيەلەرىمەن, سونداي-اق اكىمشىلىك-اۋماقتىق بىرلىك اۋماعىنداعى بايلانىس ينفراقۇرىلىمىمەن ىقپالداسادى. 6. «112» بكدق بولىنىستەرىنىڭ كەزەكشىلىك-ديسپەتچەرلىك قىزمەتتەرمەن ءوزارا ءىس-قيمىل جاساۋى كۇندەلىكتى قىزمەت جانە توتەنشە جاعدايلاردى جويۋ رەجيمىندە ۇيىمداستىرىلادى. كۇندەلىكتى قىزمەت رەجيمىندە: 1) «112» بكدق جەدەل كەزەكشىسى كەزەكشىلىككە تۇسكەن كەزدە بايلانىس ارنالارى مەن قۇرالدارىن تەكسەرەدى, ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەردىڭ جەدەل كەزەكشىلەرىنىڭ بايلانىس دەرەكتەرىن, نومىرلەرىن, شاقىرتۋلارى مەن باسقا قاجەتتى اقپاراتتى كورسەتە وتىرىپ, قوسىمشا بايلانىس قۇرالدارىنىڭ بولۋى تۋرالى مالىمەتتى ناقتىلايدى; 2) كەزەكشىلىك كەزىندە ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەر توتەنشە جاعدايلار, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە جاعدايلار تۋرالى اقپارات الماسۋدى جۇزەگە اسىرادى; 3) توتەنشە جاعدايلار تۋىنداعان كەزدە, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە جاعدايلاردا كەزەكشىلىك-ديسپەتچەرلىك قىزمەتتەر ءتيىستى شۇعىل قىزمەتتەردى تارتا وتىرىپ, ولارعا دەن قويۋ بويىنشا ءىس-شارالاردى ۇيىمداستىرادى; 4) ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەرگە وزدەرىنە توتەنشە جاعداي تۋرالى اقپارات كەلىپ تۇسكەن كەزدە ول «112» بكدق جەدەل كەزەكشىسىنە شۇعىل تۇردە حابارلايدى; 5) كەزەكشىلىك-ديسپەتچەرلىك قىزمەتتەر توتەنشە جاعدايلار تۋىنداعان, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە جاعدايلارمەن بايلانىستى وقيعالارعا شۇعىل دەن قويۋ بويىنشا ءىس-ارەكەتى تۋرالى زاڭنىڭ 6-بابىنا سايكەس «112» بكدق-عا حابار بەرەدى. توتەنشە جاعدايدى جويۋ رەجيمىندە: 1) «112» بكدق جەدەل كەزەكشىسى توتەنشە جاعدايلار تۋرالى حابارلامانى العان كەزدە «تابيعي جانە تەحنوگەندiك سيپاتتاعى توتەنشە جاعدايلاردىڭ سىنىپتاماسىن بەلگىلەۋ تۋرالى» قازاقستان رەسپۋبليكاسى ۇكىمەتىنىڭ 2014 جىلعى 2 شىلدەدەگى № 765 قاۋلىسىنا سايكەس الىنعان اقپاراتتى سايكەستەندىرەدى; 2) «112» بكدق جەدەل كەزەكشىسى توتەنشە جاعداي ايماعىنا ءتيىستى بەيىندەگى اۆاريالىق-قۇتقارۋ قۇرالىمدارىن ء(ورت ءسوندىرۋ قىزمەتى, قۇقىق قورعاۋ قىزمەتى, جەدەل مەديتسينالىق قىزمەت, اۆاريالىق قىزمەت) شۇعىل تۇردە جىبەرەدى; 3) توتەنشە جاعداي ايماعىنا قوسىمشا شۇعىل دەن قويۋ قۇرالىمدارىن جىبەرۋ قاجەت بولعان كەزدە «112» بكدق جەدەل كەزەكشىسى ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەردىڭ ءتيىستى جەدەل كەزەكشىلەرىنە ول تۋرالى شۇعىل تۇردە حابار بەرەدى; 4) ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەردىڭ جەدەل كەزەكشىلەرى توتەنشە جاعداي ايماعىنا قوسىمشا شۇعىل دەن قويۋ قۇرالىمدارىن جىبەرۋ تۋرالى اقپاراتتى العان كەزدە كورسەتىلگەن ءىس-شارالاردى شۇعىل تارتىپپەن جۇزەگە اسىرادى جانە «112» بكدق-عا ولاردىڭ قۇرامى, توتەنشە جاعداي ايماعىنان كەتۋ جانە كەلۋ ۋاقىتى تۋرالى دەرەكتەر بەرەدى; 5) ءوزارا ءىس-قيمىل جاساساتىن كەزەكشىلىك-ديسپەتچەرلىك قىزمەتتەر الماساتىن بارلىق حابارلامالار, سونداي-اق زارداپ شەككەندەردىڭ سانى, ولاردى ورنالاستىرۋ ورىندارى تۋرالى مالىمەتتەر نىساندارىن ءتيىستى ۋاكىلەتتى ورگاندار بەكىتەتىن جۋرنالدارعا تىركەلەدى. 7. جەكە جانە زاڭدى تۇلعالاردان «101» ء(ورت ءسوندىرۋ قىزمەتى), «102» (قۇقىق قورعاۋ قىزمەتى), «103» (جەدەل مەديتسينالىق قىزمەت), «104» (اۆاريالىق قىزمەت) تەلەفون نومىرلەرى ارقىلى كەلىپ تۇسكەن حابارلامالاردى قابىلداۋ جانە ولارعا دەن قويۋدىڭ بۇرىن قابىلدانعان ءتارتىبى ساقتالادى. قازاقستان رەسپۋبليكاسى ىشكى ىستەر ءمينيسترىنىڭ 2015 جىلعى 23 اقپانداعى №138 بۇيرىعىنا 2-قوسىمشا قازاقستان رەسپۋبليكاسىنىڭ اۋماعىنداعى بىرىڭعاي كەزەكشىلىك-ديسپەتچەرلىك «112» قىزمەتىنىڭ وكىلەتتىكتەرى بىرىڭعاي كەزەكشىلىك-ديسپەتچەرلىك «112» قىزمەتىنىڭ (بۇدان ءارى – «112» بكدق) قازاقستان رەسپۋبليكاسىنىڭ اۋماعىنداعى وكىلەتتىكتەرىنە: 1) جەكە جانە زاڭدى تۇلعالاردان توتەنشە جاعدايلاردىڭ, ورتتەردىڭ العىشارتتارى نەمەسە تۋىنداۋى, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە وقيعالار تۋرالى حابارلاردى قابىلداۋ جانە وڭدەۋ; 2) شۇعىل قىزمەتتەردىڭ توتەنشە جاعدايلارعا, ورتتەرگە, ادامداردىڭ ومىرىنە قاۋىپ تونگەن جانە دەنساۋلىعىنا زيان كەلتىرىلگەن كەزدە جانە شۇعىل كومەك كورسەتۋ شارالارىن قابىلداۋدى تالاپ ەتەتىن وزگە وقيعالارعا دەن قويۋ ءىس-قيمىلدارىن ۇيلەستىرۋ; 3) توتەنشە جاعدايلاردى جويۋ جانە اۆاريالىق-قۇتقارۋ جۇمىستارىن جۇرگىزۋ كەزىندە ازاماتتىق قورعاۋ سالاسىنداعى ۋاكىلەتتى ورگاننىڭ شۇعىل قىزمەتتەرىنىڭ, ازاماتتىق قورعاۋ كۇشتەرى اۆاريالىق-قۇتقارۋ قۇرالىمدارىنىڭ ءىس-قيمىلىن ۇيلەستىرۋ; 4) جەكە جانە زاڭدى تۇلعالاردى توتەنشە جاعدايلاردىڭ العىشارتتارى نەمەسە تۋىنداۋى, حالىقتىڭ ءومىرى مەن دەنساۋلىعىنا قاتەر تونگەن جاعدايدا, سونداي-اق قالىپتاسقان جاعدايداعى ءىس-قيمىل جاساۋ ءتارتىبى تۋرالى قۇلاقتاندىرۋ جانە حابارلاۋ جاتادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 6 مامىرداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 10972 بولىپ ەنگىزىلدى.