قوعامدىق كەڭەستەردىڭ كوتەرەر جۇگى اۋىر

كەشە ورتالىق كوممۋنيكاتسيالار قىزمەتىندە مەملەكەتتىك ورگاندار مەن اكىمدەر جانىنداعى قوعامدىق كەڭەستەردىڭ جۇمىسى جونىندە ءباسپاسوز ءماسليحاتى ءوتتى. وعان پارلامەنت ءماجىلىسىنىڭ دەپۋتاتتارى نۇرلان ءابدىروۆ پەن سەرىك سەيدۋمانوۆ قاتىسىپ, اتالعان جايتتىڭ جاي-جاپسارى تۋرالى ايتىپ بەردى. «100 ناقتى قادام» ۇلت جوس­پارىنىڭ 99-قادامى وسى ماسەلەگە ارنالىپ, قوعام­دىق كەڭەستەردىڭ وكىلەتتىك­تەرى مەن مارتەبەسىن زاڭ­مەن بەكىتۋ مىندەتى العا قويىل­عانى بەلگىلى. وسىعان وراي «قوعامدىق كەڭەستەر تۋرالى» زاڭ قابىلدانىپ, 2016 جىل­دىڭ 1 قاڭتارىنان باستاپ كۇشىنە ەنگەن بولاتىن. ن.ءابدى­روۆتىڭ ايتۋىنشا, ول زاڭدا كەڭەس مۇشەلەرىنىڭ جۇمى­سىنا قاجەتتى بارلىق جاعداي قامتىلعان. اتاپ ايتقان­دا, ولارعا مەملەكەتتىك ورگان­دار مۇشەلەرىمەن بىرلەسىپ, ەڭ وزەكتى ماسەلەلەردى قاراس­تى­رۋعا مۇمكىندىك بەرىلىپ وتىر. «قوعامدىق كەڭەستەر قىزمەتىنىڭ اۋقىمى وتە كەڭ. ەڭ باستىسى – ءتۇرلى ءما­سەلەلەرگە قاتىستى قوعامنىڭ كوزقاراسىن بيلىك ورگاندارىنا جەتكىزىپ, ەكى تاراپتىڭ ءوزارا ءتيىمدى بايلانىسىن قامتاماسىز ەتۋ. ءوز كەزەگىندە بيلىك قوعامدىق كەڭەستەر قابىلداعان ءار شەشىمدى قاراۋعا مىندەتتى بولىپ تابىلادى. ياعني, زاڭدا كورسەتىلگەندەي, بيلىك ورگاندارى كوتەرىلگەن ماسەلەگە قاتىستى سۇراققا لايىقتى دەڭگەيدە جاۋاپ بەرىپ, ونى ءتيىستى قوعامدىق كەڭەستىڭ اتىنا جولداۋى كەرەك. سونداي-اق, مۇنداي كەڭەستەردىڭ قۇزىرىنا دامۋ ستراتەگياسىن جانە ازاماتتاردىڭ قۇقىقتارى مەن مىندەتتەرىن قاراستىراتىن ءتيىستى نورماتيۆتىك اكتىلەردى تالقىلاۋ جۇمىستارى جاتاتىنىن اتاپ وتكەن ءجون. سوندىقتان, قوعامدىق كەڭەس­تەردىڭ قۇرىلۋى جەرگى­لىكتى ءماسليحاتتاردىڭ جۇمىس­تارىنا قولداۋ بولارى انىق», – دەدى ءماجىلىس دەپۋتاتى. سونىمەن قاتار, ن.ءابدىروۆ قوعامدىق كەڭەستىڭ جۇمىس مەرزىمى ءۇش جىلدان اسپايتىنىن ايتتى. ونىڭ سوزىنە قا­راعاندا, كورسەتىلگەن ۋا­قىتتان كەيىن جاڭادان تاعايىنداۋلار جۇرگىزىلەدى. ال كەڭەستىڭ قۇرامى جونىندە دەپۋتات: «كەڭەس قۇرامىنىڭ ۇشتەن ەكىسى قوعام قايراتكەرلەرى مەن جەكە ازاماتتاردان قۇرالادى. ال قالعان ءبىر بولىگىنە بيلىك وكىلدەرى ەنەدى. وسى رەتتە, ءبىر مينيسترلىكتىڭ جانىنان قۇرىلعان قوعامدىق كەڭەستىڭ قۇرامىنا وزگە ۆەدومستۆو وكىلدەرى دە مۇشە بولا الاتىنىن ايتقىم كەلەدى», – دەدى. ودان بولەك, جيىندا قوعامدىق كەڭەستىڭ مۇشەلىگىنە ازاماتتاردىڭ 18 جاستان باس­تاپ قابىلداناتىنى بەلگىلى بولدى. العاشىندا 25 جاستان باستاۋ ماسەلەسى ءسوز بولعان ەكەن. الايدا, اتالعان زاڭدى ازىرلەۋشىلەر ادەيى بۇل تالاپتى جەڭىلدەتىپ, 18 جاسقا دەيىن تومەندەتكەن. سەبەبى, قازىرگى تاڭدا جاستاردىڭ باسىم بولىگى الەۋمەتتىك جەلىلەردى بەلسەندى قولدانىپ, سول جەرلەردە وزەكتى ماسەلەلەردى تالقىلايتىنى بەلگىلى. ن.ءابدىروۆ الداعى ۋا­قىتتا سونداي بەلسەندى جاس­تار­دى قوعامدىق كەڭەستەر الا­ڭى­نا شاقىرىپ, بىرلەسىپ جۇ­مىس ىستەۋگە ۇسىنىس جاسادى. سونداي-اق, ن.ءابدىروۆ ءبۇ­گىندە وزەكتىلەردىڭ قاتارى­نان سانالاتىن جەر ماسەلە­سىن تالقىلاۋ بارىسىندا دا قوعامدىق كەڭەس مۇشە­لەرىنىڭ قاتىسۋى ەرەكشە ءرول اتقا­راتىنىن تىلىنە تيەك ەتتى. ءوز كەزەگىندە س.سەي­دۋمانوۆ اتالعان كەڭەستىڭ جۇمى­سى 99-قادامدا كورسەتىل­گەن ستراتەگيالىق جوسپار­لار مەن اۋماقتىق دامۋ باع­دار­لامالارىن, بيۋدجەتتەردى, ەسەپتەردى, ماقساتتى ينديكا­تور­لارعا قول جەتكىزۋدى, ازامات­تاردىڭ قۇقىقتارى مەن بوس­تاندىقتارىن قوزعاي­تىن نورماتيۆتىك-قۇقىقتىق اكتى­لەر جوبالارىن, باعدارلا­مالىق قۇجاتتار جوبالارىن تالقىلاۋ بولىگىندەگى رولدەرىن كۇشەيتۋگە جانە مەملەكەتتىك شەشىمدەردى قابىلداۋ اشىق­تىعىن ارتتىرۋعا سەپتىگىن تيگى­زەتىنىن اتاپ ءوتتى. ەلامان قوڭىر, «ەگەمەن قازاقستان»