شىمكەنتتە سوعىستا قازا تاپقاندارعا تاعزىم ەتىلدى

شىمكەنت. 12 مامىر. شىمكەنتتەگى تۇركىستان سارايىندا «وتان قورعاۋشىلار كۇنى اتالىپ ءوتتى. بۇل تۋرالى egemen.kz ءتىلشىسى حابارلادى. جيىندا ءسوز العان وبلىس اكىمى بەيبىت اتامقۇلوۆ: «قارۋلى كۇشتەر قاتارىندا اسكەري قىزمەت اتقارۋ – وتان الدىنداعى كەز كەلگەن ەر ازاماتتىڭ اسىل جانە ابىرويلى پارىزى. ءبىز بۇگىن ەرلىك پەن باتىلدىقتىڭ ولشەۋسىز ۇلگىسىن كورسەتكەن ۇلى وتان سوعىسى مەن اۋعان سوعىسىنىڭ وتتى جولدارىنان وتكەن جاۋىنگەرلەردىڭ رۋحىنىڭ الدىندا تاعزىم ەتىپ, باسىمىزدى يەمىز. سىزدەر اسكەر ساپىندا اتا-انالارىڭىزدىڭ, سۇيىكتى جارلارىڭىز بەن بالالارىڭىزدىڭ تىنىشتىعىن كۇزەتىپ, اسا جاۋاپتى قىزمەت ەتىپ جاتىرسىزدار. اعا ۇرپاق پەن جاس بۋىننىڭ وتانىمىزدى قورعاپ, قىزمەتتە ايتۋلى ۇلەس قوسقانىن ءبىز ارقاشاندا ماقتان تۇتامىز!», دەدى. سالتاناتتى كەشتە ەلدىڭ قورعانىس قابىلەتىن كۇشەيتىپ, ۇلتتىق قاۋىپسىزدىكتى قامتاماسىز ەتىپ جۇرگەن ازاماتتار ماراپاتتالدى. مەرەكەلىك باسقوسۋ «ەل قورعانى ەرلەرىم» تەاترلانعان كورىنىسىنە ۇلاستى. باقتيار تايجان. دەرەك, فوتو: egemen.kz