ەلىمىزدە جەر رەفورماسى جونiندەگi كوميسسيا قۇرىلدى

استانا. 12 مامىر. پرەزيدەنتتiڭ تاپسىرماسىمەن ەلiمiزدە جەر رەفورماسى جونiندەگi كوميسسيا قۇرىلدى. بۇل تۋرالى bnews.kz-كە سىلتەمە جاساعان egemen.kz تiلشiسi حابارلادى كوميسسياعا پرەمەر-ءمينيستردىڭ بiرiنشi ورىنباسارى باقىتجان ساعىنتاەۆ توراعالىق ەتەدi. «ەلباسىنىڭ تاپسىرماسىنا سايكەس, جەر رەفورماسى جونىندەگى كوميسسيا قۇرىلدى. كوميسسيا قۇرامىنا 75 ادام كىرەدى, ولاردىڭ iشiندە سەنات جانە ءماجiلiس دەپۋتاتتارى, ۇكiمەت مۇشەلەرi, مەملەكەتتiك ورگانداردىڭ, ساياسي پارتيالاردىڭ, اگروبيزنەس وكiلدەرi, عالىمدار, قوعام بەلسەندiلەرi بار. كوميسسيادا بارلىق وڭiرلەردiڭ وكiلدەرi قامتىلعان. بiز ەلiمiزدى, ونىڭ بەيبiت بولاشاعى ءۇشiن الاڭدايتىن ازاماتتاردى ىنتىماقتاسۋعا شاقىردىق», – دەيدى باقىتجان ساعىنتاەۆ. سونداي-اق, كوميسسيا توراعاسىنىڭ ايتۋىنشا, حالىقتى بارىنشا قامتۋ ءۇشiن وبلىستىق اكiمدiكتiڭ جانىنان قۇرىلعان قوعامدىق كەڭەستەر دە وسى جۇمىسقا بەلسەندى ارالاسپاقشى. «كوميسسيا بiزدiڭ ازاماتتارىمىزدىڭ پiكiرتالاستارىنىڭ بارىسى تۋرالى بارىنشا شىنايى اقپاراتتى بۇقارالىق اقپارات قۇرالدارى ارقىلى اشىق تۇردە الۋى ءۇشiن جۇمىس iستەيدى», – دەيدi ول. بۇدان بولەك, ارنايى Jerturaly.kz پورتالى iسكە قوسىلدى. پورتالدا كوميسسيانىڭ جۇمىسى تۋرالى بارلىق اقپارات جاريالانادى. «بۇل سايتتا ادامدار كوكەيتەستi سۇراقتارىن قويىپ, ءوز ۇسىنىستارىن قالدىرا الادى. قوسىمشا ارنايى Call-center جۇمىس ىستەيدى», – دەيدi كوميسسيا توراعاسى. ايتا كەتەيىك, جەر رەفورماسى جونiندەگi كوميسسيانىڭ العاشقى وتىرىسى 14 مامىر كۇنى استانادا وتەدi. سونداي-اق, كوميسسيا مۇشەلەرi وڭiرلەرگە بارۋدى جوسپارلاپ وتىر. تالعات رايىمبەك. دەرەك: bnews.kz. فوتو: egemen.kz.