الاياقتار زەينەتكەردىڭ 4 ملن. تەڭگەدەن استام اقشاسىن الىپ كەتتى

قوستاناي. 12 مامىر. قوستانايدا ءوزىن «ساقتاندىرۋ اگەنتى» دەپ تانىستىرعان ايەل 80 جاستاعى قاريانىڭ 4 ميلليوننان اسا تەڭگەسىن الىپ كەتكەن. بۇل تۋرالى وبلىستىق ىشكى ىستەر دەپارتمەنتى ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. قوستاناي كوشەلەرىنىڭ بىرىندە كەلە جاتقان 80 جاستاعى قاريانى جاس ايەل توقتاتىپ, ءوزىن ساقتاندىرۋ اگەنتىمىن دەپ تانىستىرعان. ول كەمپىرگە اقشانى قۇنسىزداندىرماي ساقتاۋدىڭ جولدارىن تۇسىندىرەدى, سوندىقتان جيعان اقشاسىن ساقتاندىرۋدى ۇسىنادى. قاريانىڭ ايتۋىنشا, ايلاكەر ايەل ونى «اقشا قۇنسىزدانىپ جاتىر, سابان بولىپ قالادى» دەپ قورقىتقان. «ساقتاندىرۋ» ءۇشىن قاريا بانكتەن 4 ميلليون  تەڭگەدەن اسا اقشاسىن العان. «اگەنت» ايەل بانكتەن شىققان سوڭ زەينەتكەرگە بانك قىزمەتكەرىن شاقىرۋدى وتىنەدى. ول بانكتەن قايتا شىققاندا «ساقتاندىرۋ اگەنتىنىڭ» ءىزى دە قالماعان. پوليتسيا وبلىس تۇرعىندارىن وزدەرى انىق بىلمەيتىن كۇدىكتى ۇسىنىستارعا اباي بولۋعا شاقىردى. قازىر الاياقتاردى ۇستاۋعا پوليتسيا كۇشى جابىلدى, وسى ءىس بويىنشا سوتقا دەيىنگى تەرگەۋ جۇمىستارى جۇرگىزىلۋدە. ءنازيرا جارىمبەتوۆا. دەرەك, فوتو: قوستاناي وبلىستىق ىشكى ىستەر دەپارتمەنتىنىڭ ءباسپاسوز قىزمەتى.