پەتروپاۆل. 12 مامىر. قىزىلجار اۋدانىنىڭ تۇرعىنى ۆيكتور ەمەليانوۆ كەلەسى جىلى 1,5 توننا فورەل بالىعىن ساۋدا ورىندارىنا وتكىزۋدى مەجەلەپ وتىر. بۇل تۋرالى egemen.kz ءتىلشىسى حابارلادى.
جاس كاسىپكەر اۋماعى 20 گەكتاردى قامتيتىن, تەرەڭدىگى 14 مەتردى بويلايتىن «كامەننايا ستاريتسا» سۋ قويماسىن جالعا الىپ, بالىقتىڭ بىرنەشە ءتۇرىن وسىرۋگە بەلسەنە كىرىستى. ول ءۇشىن بىلتىر رەسەيدىڭ تۇمەن وبلىسىنان 300 فورەل شاباعىن اكەلىپ, كولگە جىبەرگەن. ولار تۇگەلگە جۋىق قىستان امان شىعىپ, ارقايسىسىنىڭ سالماعى جارتى كيلودان كەم بولماعان.
«فورەل بالىعى تازا سۋدا تەز وسەتىندىكتەن, توعانداردىڭ تالاپقا ساي بولۋىن قاتتى قاداعالايمىز. ۇلكەن سۇرانىسقا يە. ءبىر كيلوسى 2-2,5 مىڭ تەڭگەگە جەتەعابىل», – دەيدى ول.
ايتا كەتەيىك, كاسىپكەر فورەل بالىعىن وتكىزۋگە ساۋدا نۇكتەلەرىمەن كەلىسىم-شارت جاساسقان.
ءومىر ەسقالي.
دەرەك, فوتو: egemen.kz.
