سولتۇستىك قازاقستاندا 925 شەتەل ازاماتى اكىمشىلىك جازاعا تارتىلدى.

پەتروپاۆل. 12 مامىر. سولتۇستىك قازاقستان وبلىسىندا كوشى-قون زاڭدارىن بۇزعانى ءۇشىن 925 شەتەلدىك ازاماتقا اكىمشىلىك شارا كورىلىپ, ايىپپۇل سالىندى. بۇل تۋرالى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen ءتىلشىسى حابارلادى. ەلىمىزدە 2014 جىلدان بەرى شەتەلدىكتەرگە زاڭدى تۇردە جۇمىسقا ورنالاسۋ رۇقساتى بەرىلسە دە, جۇمىس كۇشىن زاڭسىز پايدالانۋ تىيىلماي كەلەدى. وسى سەبەپتى 152 وبلىس تۇرعىنى اكىمشىلىك جاۋاپكەرشىلىككە تارتىلىپ, 1,6 ميلليون تەڭگە ايىپپۇل سالىندى. كوشى-قون نورمالارىن ساقتاماعانى ءۇشىن 925 شەتەل ازامىنا اكىمشىلىك شارا كورىلدى. «جىل باسىنان بەرى 558 شەتەلدىك ازاماتقا زاڭدى ەڭبەكپەن اينالىسۋعا رۇقسات بەرىلدى. ولاردىڭ باسىم كوپشىلىگى وزبەكستان, ءازىربايجان, تاجىكستان ەلدەرىنەن كەلگەن. كوكتەمگى-جازعى دالا جۇمىستارىنىڭ باستالۋىنا بايلانىستى شەتەلدىكتەردىڭ كەلۋ تاسقىنى كوبەيەدى دەپ كۇتىلۋدە. سوندىقتان جان-جاقتى ساقتىق شارالارىن كۇشەيتۋدەمىز», – دەيدى وبلىستىق كوشى-قون پوليتسياسى باسقارماسىنىڭ باسشىسى ەركەتاي تۇتقىشەۆ. ءومىر ەسقالي. دەرەك, فوتو: سولتۇستىك قازاقستان وبلىستىق ىشكى ىستەر دەپارتامەنتىنىڭ ءباسپاسوز قىزمەتى.