پاۆلوداردا كەمبريدج ارحەولوگى زەرتتەۋ جۇرگىزۋدە

پاۆلودار. 10 مامىر. س. تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە جۇمىس ساپارمەن كەمبريدج ۋنيۆەرسيتەتىنىڭ ارحەولوگيا دوكتورى ميليانا راديۆوەۆيچ كەلدى. كەزدەسۋ بارىسىندا دوكتور ميليانا ءبىزدىڭ ەلىمىزدىڭ, كەرەكۋ ءوڭىرى- پاۆلودار جەرى ەرەكشە گەومادەني مۇراعا باي ەكەنىن ايتىپ ءوتتى. بۇل تۋرالى egemen.kz ءتىلشىسى حابارلايدى. ارحەولوگ ميليانانىڭ ءبىزدىڭ ءوڭىرىمىزدى زەرتتەۋىنە – قازاق دالاسىندا بۇرىنعى زامانداردا مەكەن ەتكەن كوشپەندى تايپالاردىڭ تىنىس-تىرشىلىگى سەبەپ بولىپتى. تايپالاردىڭ سول كونە ءداۋىر كەزىنەن-اق مەتالدى ءوندىرۋ جانە وڭدەۋدىڭ كونە ادىستەرىنە عالىمدارمەن بىرگە ميليانانىڭ دا قىزىعۋشىلىعى ويانعان. ءوزى ارنايى ساپارمەن كەلگەن وقۋ ورنىنداعى «ارحەولوگيالىق ورتالىقتىڭ» جانە ورتالىق جەتەكشىسى ۆيكتور مەرتستىڭ زەرتتەۋ جۇمىستارىن ەرەكشە باعالاۋدا. شەتەلدىك عالىمنىڭ پىكىرىنشە, مەرتس سەكىلدى عالىم زەرتتەۋشى, ارحەلوگتار-باتىستىق عىلىمي ورتادا ۋنيۆەرسيتەتتىڭ بەدەلىن قالىپتاستىرادى. ءبىزدىڭ جەرلەسمىز ۆيكتور مەرتس تە كەمريدج سىندى الەمگە ايگىلى ۋنيۆەرسيتەتتەگى ارىپتەستەرىنىڭ جوعارى باعاسىن الۋدا. مىنا سۋرەتتەر وڭىردەگى ماي اۋدانىنان مەرتس تاپقان دۇنيەلەر. قازىر دوكتور راديۆوەۆيچ پروفەسسور مەرتسپەن بىرلەسىپ ءوڭىردى ارالايتىن عىلىمي-زەرتتەۋ ەكسپەديتسياسىن ۇيىمداستىرۋ جوباسىن جاساۋدا. ولاردىڭ بىرلەسكەن بۇل جوباسى تاعى دا تىڭ ارحەولوگيالىق جاڭالىقتار اشادى دەگەن ويدامىز. فاريدا بىقاي. دەرەك, فوتو: egemen.kz.