جەمقورلىققا قاتىسى بار ادامدى جۇمىسقا العان باسشى جازالاندى

قاراعاندى. 4 مامىر. تەمىرتاۋ قالاسىندا سىبايلاس جەمقورلىق قىلمىسىنا قاتىسى بار ادامدى قىزمەتكە العانى ءۇشىن مەملەكەتتىك مەكەمە باسشىسىنا ءىرى كولەمدە ايىپپۇل سالىندى. بۇل تۋرالى تەمىرتاۋ قالالىق مامانداندىرىلعان اكىمشىلىك سوتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى  حابارلادى. «تەمىرتاۋ قالالىق مامانداندىرىلعان اكىمشىلىك سوتىنىڭ قاۋلىسىمەن س. ەسىمدى ازامات اكىمشىلىك قىلمىستىق كودەكستىڭ  681-بابىندا قاراستىرىلعان قىلمىس بويىنشا ايىپتى دەپ تانىلدى. وعان 100 ايلىق ەسەپتىك كورسەتكىش كولەمىندە ايىپپۇل سالىندى. بۇل  212 100 تەڭگەنى قۇرايدى», – دەلىنگەن حابارلامادا. سوتتا ءمالىم بولعانداي, كوممۋنالدىق مەملەكەتتىك مەكەمە ديرەكتورى بۇرىن سىبايلاس جەمقورلىق قىلمىسىنا قاتىسى بولعان, اتاپ ايتساق, قىزمەتتىك بابىن اسىرا پايدالانعانى ءۇشىن سوتتالعان ەر ادامدى اعا شەبەر قىلىپ جۇمىسقا ورنالاستىرعان. قاۋلى زاڭدى كۇشىنە ەندى. قايرات ءابىلدينوۆ. دەرەك: تەمىرتاۋ قالالىق مامانداندىرىلعان اكىمشىلىك سوتىنىڭ ءباسپاسوز قىزمەتى. فوتو: territoriaprava.ru.