«شىن جۇرەكتەن»

رەسپۋبليكالىق تەلەمارافونى باستالدى كەشە «قازاقستان» ۇلت­تىق ارناسىندا «شىن جۇرەكتەن» قايىرىم­دى­لىق تەلەمارافونى باس­تاۋ الدى. مەيىرىمدىلىك پەن ىزگىلىكتى ناسيحاتتاپ, تاعدىر تالايىمەن ءتۇر­لى دەرت­كە ۇشىراعان سىر­قات جان­دارعا كومەك قولىن سوزۋ­دى كوزدەيتىن بۇل شاراعا ۇلتتىق ارنا­نىڭ ايماقتارداعى تىلشىلەرى قوسىلىپ, ءتۇن­گى 22.00-گە دەيىن كۇنى بويى تىكەلەي ەفير جۇرگىزىلدى. ەستەرىڭىزگە سالا كەتەيىك, «قازاقستان» تەلەار­نا­سى بىرنەشە جىل قاتارىنان كۇن سايىن اينالاسىنا جاقسىلىق جاسايتىن ادامدار تۋرالى سىر شەرتەتىن «شىن جۇرەكتەن» اتتى الەۋمەتتىك-قايىرىمدىلىق تەلەجوباسىن ۇسىنىپ كەلەدى. اتالعان ارنا ۇيىم­داستىرىپ جاتقان تەلەمارافوندا ءاۋ باستا 4 بالا­عا كومەك كورسەتۋ جوسپارلانعان-دى. بىراق, قايى­رىمدىلىق ءىسى تەك مۇنىمەن شەكتەلىپ قالماق ەمەس. بۇل ورايدا «قازاقستان» رترك» اق قىز­مەتكەرلەرى دە قولىنداعى بارىن ايانىپ قال­ماي, اركىم شاماسىنا قاراي قارجىلاي كومەك كور­سەتە ءبىلدى. ال تەلەمارافون ستۋدياسىنا كەلگەن قوناق­تار بولسا, قالىڭ بۇقاراعا ادام بالاسىنا جاقسىلىق جاساۋدىڭ, ءبىر-بىرىنە كومەك بەرۋدىڭ ءمان-ماڭىزىنا توقتالىپ, عيبراتتى اڭگىمەلەر قوزعادى. سونداي-اق, تەلەارنا ستۋدياسىنا قايىرىمدىلىق جاساۋدان قالىس قالمايتىن مەملەكەت جانە قوعام قايراتكەرلەرى, دەپۋتاتتار, باق جانە قايى­رىم­دىلىق ۇيىمدارىنىڭ وكىلدەرى, سپورتشىلار جي­نالدى. ولاردىڭ بارلىعى دا وسىنداي يگى باستاماعا قولداۋ كورسەتۋدى ءجون ساناعان ەكەن. ستۋدياعا قازاقستان حالقى اسسامبلەياسى توراعا­سىنىڭ ورىنباسارى ەرالى توعجانوۆ, پارلا­مەنت ءما­جى­لىسىنىڭ دەپۋتاتى, بالالار ومبۋدس­مەنى زاعيپا باليەۆا, قازاقستاننىڭ ەڭبەك سىڭىرگەن قايراتكەرى, جازۋشى سۇلتان ورازالين سىندى ازامات­تار كەلىپ, يگى باستاماعا ىزگى نيەتتەرىن ءبىلدىردى. بۇگىندە «قازاقستان» ۇلتتىق ارناسىنىڭ مەكەن­جايىنا كومەككە ءزارۋ جانداردان وتىنىشتەر كوپتەپ تۇسۋدە. كۇيىپ قالىپ, شەتەلدىك مامانداردىڭ ەمىنە ءزارۋ بولعان پولات باقىتجان, تۇركيادا ەكى ءبۇي­رە­گىنە دە وتا جاسالۋىن كۇتىپ جۇرگەن ءادىلحان ءمادى­بەك ۇلى, شەتەلدە ومىرتقاسىنا وتا جاساتۋعا مۇقتاج جۇماحان اسىلوۆ, رەسەيدە ەمدەلۋدى قاجەت ەتەتىن ءادىلحان بەيسەنباي ۇلى جانە باسقالار قايرىمدىلىقتان ءۇمىت ەتەدى. باستىسى, كومەككە ءزارۋ جاندار ءۇشىن اشىلعان ەسەپ-شوت بۇقارا حالىققا ۇزدىكسىز تانىستىرىلىپ جا­تىر. كەلىپ تۇسكەن اقپاراتقا سايكەس, «قازاقستان حالقى اسسامبلەياسىنىڭ قورى» قوعامدىق قورى­نىڭ ەسەپ-شوتىنا وتانداستارىمىز مولىنان قارجى اۋدا­­رۋ­دا. قۋانتارلىق جايت, اتالعان ەسەپ-شوتقا ءتۇس اۋعان­شا 5 ميلليوننان استام قاراجات ءتۇسىپ ۇلگەرىپتى. بۇل كورسەتكىش ءالى دە وسە تۇسەرىنە سەنىم مول. راۋشان تاۋىرحانقىزى, «ەگەمەن قازاقستان»