فوتو: depositphotos.com
قالا اكىمدىگىنىڭ مالىمەتىنشە, وعان II دارەجەلى كوما, تراۆمالىق جانە گەمورراگيالىق شوك, اياق-قولداردىڭ, ومىرتقا مەن جامباستىڭ كوپتەگەن سىنىقتارى, سونداي-اق كەۋدە قۋىسىنىڭ اۋىر جاراقاتى دياگنوزى قويىلدى.
«ەڭ كۇردەلى زاقىمداردىڭ ءبىرى ديافراگمانىڭ جىرتىلۋى بولدى. سونىڭ سالدارىنان اسقازان, كوكباۋىر جانە ىشەكتىڭ ءبىر بولىگى كەۋدە قۋىسىنا ىعىسقان.
حيرۋرگتەر شۇعىل تۇردە كۇردەلى وتا جاساپ, بارلىق اۋىر زاقىمداردى قالپىنا كەلتىرىپ, ناۋقاستىڭ جاعدايىن تۇراقتاندىردى», دەلىنگەن حابارلامادا.
وتادان كەيىن قىز 12 تاۋلىك بويى جانساقتاۋ بولىمىندە ەم قابىلدادى. كەيىن وعان سۇيەك پەن بۋىندى قالپىنا كەلتىرۋگە باعىتتالعان تاعى 4 وتا جاسالعان. جالپى ەمدەۋ كۋرسى 58 كۇنگە سوزىلعان. ول اۋرۋحانادان شىعارىلىپ, وڭالتۋ كۋرسىنان ءوتىپ ءجۇر.
ءسويتىپ, دارىگەرلەردىڭ ارقاسىندا ناۋقاستىڭ ءومىرىن ساقتاپ قالۋ مۇمكىن بولدى.
