قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى № 262

2015 جىلعى 31 جەلتوقسان,  الماتى قالاسى بانكارالىق كليرينگ جۇيەسىنىڭ جۇمىس ىستەۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى قازاقستان رەسپۋبليكاسىنىڭ زاڭىنا سايكەس, بانكارالىق كليرينگ جۇيەسىنىڭ جۇمىس ىستەۋ ءتارتىبىن جەتىلدىرۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى: 1. قوسا بەرىلىپ وتىرعان بانكارالىق كليرينگ جۇيەسىنىڭ جۇمىس ىستەۋ قاعيدالارى بەكىتىلسىن. 2. وسى قاۋلىنىڭ قوسىمشاسىنا سايكەس تىزبە بويىنشا قازاقستان رەسپۋبليكاسى ۇلتتىق بانكىنىڭ باسقارماسى قاۋلىلارىنىڭ كۇشى جويىلدى دەپ تانىلسىن. 3. تولەم جۇيەلەرىن دامىتۋ جانە باسقارۋ دەپارتامەنتى (مۇساەۆ ر.ن.) زاڭنامادا بەلگىلەنگەن تارتىپپەن: 1) قۇقىقتىق قامتاماسىز ەتۋ دەپارتامەنتىمەن (دوسمۇحامبەتوۆ ن.م.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى; 2) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنىڭ «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن. 4. حالىقارالىق قاتىناستار جانە جۇرتشىلىقپەن بايلانىس دەپارتامەنتى (قازىباەۆ ا.ق.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىندا رەسمي جاريالاۋعا جىبەرۋدى قامتاماسىز ەتسىن. 5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع.و. پىرماتوۆقا جۇكتەلسىن. 6. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى جانە 2016 جىلعى 1 قاڭتاردان باستاپ تۋىنداعان قاتىناستارعا قولدانىلادى. ۇلتتىق بانك توراعاسى د.اقىشەۆ قازاقستان رەسپۋبليكاسى ۇلتتىق بانكى باسقارماسىنىڭ 2015 جىلعى 31 جەلتوقسانداعى №262 قاۋلىسىنا قوسىمشا قازاقستان رەسپۋبليكاسى ۇلتتىق بانكى باسقارماسىنىڭ كۇشى جويىلعان قاۋلىلارىنىڭ تىزبەسى 1. «قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگىزۋ قۇقىعى بار رەسپۋبليكالىق مەملەكەتتىك كاسىپورىننىڭ كليرينگ جۇيەسىندە وپەراتسيالار جۇرگىزۋ ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 1999 جىلعى 3 شىلدەدەگى №157 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №905 تىركەلگەن). 2. «قازاقستان رەسپۋبليكاسىنىڭ ادiلەت مينيسترلىگىندە № 905 تiركەلگەن, قازاقستان رەسپۋبليكاسىنىڭ ۇلتتىق بانكi باسقارماسىنىڭ «قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگiزۋ قۇقىعى بار رەسپۋبليكالىق مەملەكەتتىك كاسiپورنىنىڭ كليرينگ جۇيەسiندە وپەراتسيالار جۇرگiزۋ ەرەجەسىن بەكىتۋ تۋرالى» 1999 جىلعى 3 شiلدەدەگi №157 قاۋلىسىنا وزگەرىستەر ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2003 جىلعى 27 مامىرداعى №160 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №2368 تىركەلگەن, 2003 جىلعى 1 شىلدەدە «ەگەمەن قازاقستان» گازەتىندە №188-189 جاريالانعان). 3. «قازاقستان رەسپۋبليكاسىنىڭ ادىلەت مينيسترلىگىندە № 905 تىركەلگەن قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگiزۋ قۇقىعى بار رەسپۋبليكالىق مەملەكەتتىك كاسiپورىننىڭ كليرينگ جۇيەسiندە وپەراتسيالار جۇرگiزۋ ەرەجەسىن بەكىتۋ تۋرالى» 1999 جىلعى 3 شىلدەدەگى №157 قاۋلىسىنا تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2003 جىلعى 27 قازانداعى №369 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №2590 تىركەلگەن, 2003 جىلعى 14 جەلتوقساندا «ەگەمەن قازاقستان» گازەتىندە №325 (23624) جاريالانعان). 4. «قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگiزۋ قۇقىعى بار رەسپۋبليكالىق مەملەكەتتىك كاسiپورنىنىڭ كليرينگ جۇيەسiندە وپەراتسيالار جۇرگiزۋ ەرەجەسىن بەكىتۋ تۋرالى» 1999 جىلعى 3 شىلدەدەگى №157 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسى ۇلتتىق بانكى باسقارماسىنىڭ 2004 جىلعى 29 جەلتوقسانداعى №193 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №3406 تىركەلگەن). 5. «قازاقستان رەسپۋبليكاسىنىڭ ۇلتتىق بانكى بولىمشەلەرىنىڭ اراسىندا فۋنكتسيالاردى بولۋگە بايلانىستى ماسەلەلەر بويىنشا قازاقستان رەسپۋبليكاسى ۇلتتىق بانكىنىڭ كەيبىر نورماتيۆتىك قۇقىقتىق اكتىلەرىنە وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2005 جىلعى 17 قاراشاداعى №147 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №3993 تىركەلگەن). 6. «قازاقستان رەسپۋبليكاسىندا بانكارالىق كليرينگتى جۇزەگە اسىرۋ ەرەجەسىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2000 جىلعى 16 ماۋسىمداعى №273 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №1212 تىركەلگەن). 7. قازاقستان رەسپۋبليكاسىنىڭ ادىلەت مينيسترلىگىندە №1212 تىركەلگەن قازاقستان رەسپۋبليكاسىنىڭ ۇلتتىق بانكى باسقارماسىنىڭ «قازاقستان رەسپۋبليكاسىندا كليرينگتى جۇزەگە اسىرۋ ەرەجەسىن بەكىتۋ تۋرالى» 2000 جىلعى 16 ماۋسىمداعى №273 قاۋلىسىنا وزگەرىستەر مەن تولىقتىرۋلار ەنگىزۋ تۋرالى قازاقستان رەسپۋبليكاسى ۇلتتىق بانكى باسقارماسىنىڭ 2004 جىلعى 27 اقپانداعى №27 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №2796 تىركەلگەن, 2004 جىلعى 6 تامىزدا «ەگەمەن قازاقستان» گازەتىندە №198-199 (23834) جاريالانعان). 8. «قازاقستان رەسپۋبليكاسى ۇلتتىق بانكىنىڭ كەيبىر نورماتيۆتiك قۇقىقتىق اكتىلەرىنە ليتسەنزيالاۋ ماسەلەلەرi بويىنشا وزگەرىستەر مەن تولىقتىرۋلار ەنگىزۋ جانە كۇشi جويىلدى دەپ تانۋ تۋرالى» قازاقستان رەسپۋبليكاسى ۇلتتىق بانكi باسقارماسىنىڭ 2005 جىلعى 27 تامىزداعى №93 قاۋلىسىنا (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №3847 تىركەلگەن) قوسىمشانىڭ 2-تارماعى. 9. «قازاقستان رەسپۋبليكاسى ۇلتتىق بانكىنىڭ كەيبىر نورماتيۆتىك قۇقىقتىق اكتىلەرىنە ليتسەنزيالاۋ ماسەلەلەرى بويىنشا وزگەرىستەر ەنگىزۋ جانە كۇشى جويىلدى دەپ تانۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2007 جىلعى 28 مامىرداعى №57 قاۋلىسىنىڭ (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №4780 تىركەلگەن, 2007 جىلعى 1 تامىزدا «زاڭ گازەتى» گازەتىندە №116 (1145) جاريالانعان) 1-تارماعى. قازاقستان رەسپۋبليكاسى ۇلتتىق بانكى باسقارماسىنىڭ 2015 جىلعى 31 جەلتوقسانداعى №262 قاۋلىسىمەن بەكىتىلگەن بانكارالىق كليرينگ جۇيەسىنىڭ جۇمىس ىستەۋ قاعيدالارى 1. جالپى ەرەجەلەر 1. وسى بانكارالىق كليرينگ جۇيەسىنىڭ جۇمىس ىستەۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى (بۇدان ءارى – ۇلتتىق بانك تۋرالى زاڭ), «اقشا تولەمى مەن اۋدارىمى تۋرالى» 1998 جىلعى 29 ماۋسىمداعى (بۇدان ءارى – تولەمدەر تۋرالى زاڭ) قازاقستان رەسپۋبليكاسىنىڭ زاڭدارىنا سايكەس ازىرلەندى جانە وپەراتورى «قازاقستان رەسپۋبليكاسى ۇلتتىق بانكىنىڭ قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنى (بۇدان ءارى – ورتالىق) بولىپ تابىلاتىن بانكارالىق كليرينگ جۇيەسىنىڭ (بۇدان ءارى – جۇيە) جۇمىس ىستەۋ ءتارتىبىن بەلگىلەيدى. 2. جۇيە پايدالانۋشىلاردىڭ نۇسقاۋلارىن كوپجاقتى كليرينگتەۋ جولىمەن ونىڭ قاتىسۋشىلارى (پايدالانۋشىلارى) اراسىندا تولەمدەر مەن اقشا اۋدارىمدارىن جۇزەگە اسىرۋعا ارنالعان تولەم جۇيەسى بولىپ تابىلادى. كليرينگ ناتيجەلەرى بويىنشا اقشا اۋدارۋ جۇيەدە ونىڭ پايدالانۋشىلارىنىڭ بانكارالىق اقشا اۋدارۋ جۇيەسىندە (بۇدان ءارى – بانكارالىق جۇيە) اقشانى پايدالانۋى ارقىلى جۇزەگە اسىرىلادى. 3. قاعيدالاردا تولەمدەر تۋرالى زاڭدا, «ەلەكتروندىق قۇجات جانە ەلەكتروندىق تسيفرلىق قولتاڭبا تۋرالى» 2003 جىلعى 7 قاڭتارداعى قازاقستان رەسپۋبليكاسىنىڭ زاڭىندا كوزدەلگەن ۇعىمدار جانە مىناداي ۇعىمدار پايدالانىلادى: 1) اۋديتورلىق iز – جۇيەدە ەلەكتروندىق حابارلاردى وڭدەۋ جونىندەگى وقيعالاردى جۇيەلى تىركەۋ, جۇيە بويىنشا اقپاراتتى ورتالىق جانە جۇيە پايدالانۋشىلارى ساقتايدى; 2) اۋتەنتيفيكاتسيا – تولەم جانە اقپاراتتىق حابارلار الماسۋ كەزىندە جۇيە پايدالانۋشىلارىنىڭ تۇپنۇسقالىعىن راستاۋ ءۇشىن شارالار كەشەنى; 3) باعدارلامالىق-تەحنيكالىق جۇيە كەشەنى – جۇيەنىڭ جۇمىسىن قامتاماسىز ەتەتىن, اقپاراتتىق جۇيەدەن, سەرۆەردەن جانە جۇيە تەرمينالىنان, كوممۋنيكاتسيا قۇرالدارىنان (دەرەكتەردى بەرۋدەن) تۇراتىن تەحنيكالىق, باعدارلامالىق نەمەسە باسقا دا قۇرالدار; 4) باسىمدىق كودى – جۇيەدە تولەم حابارلارىن وڭدەۋ كەزەكتىلىگىن ايقىندايتىن كود. تولەم حابارىنا باسىمدىق كودىن پايدالانۋشى-جونەلتۋشى تاعايىندايدى; 5) دەبەتتىك اۋدارىم – پايدالانۋشى-باستاما جاساۋشى پايدالانۋشى-بەنەفيتسيار بولىپ تابىلاتىن اقشا اۋدارىمى; 6) دەبەتتىك تولەم حابارى – پايدالانۋشى-اقشا جونەلتۋشىگە بەلگىلى ءبىر اقشا سوماسىن تولەۋ تۋرالى تالاپتان تۇراتىن, دەبەتتىك اۋدارىمعا باستاما جاسايتىن تولەم حابارى; 7) جۇيەلىك تاۋەكەل – ءبىر نەمەسە بىرنەشە پايدالانۋشىنىڭ مىندەتتەرىن ورىنداماۋىنان تۋىنداعان, ءبىر نەمەسە بىرنەشە اقشا اۋدارىمى بويىنشا ءبىر نەمەسە بىرنەشە پايدالانۋشى مىندەتتەمەلەرىنىڭ ورىندالماۋ تاۋەكەلى; 8) جۇيەنىڭ وپەراتسيالىق كۇنى (بۇدان ءارى – وپەراتسيالىق كۇن) – تولەم حابارلارىن قابىلداۋ, وڭدەۋ ءارى بەرۋ جانە ولار بويىنشا اقشا اۋدارىمدارىن جۇزەگە اسىرۋ ءۇشىن جۇيە اشىق بولاتىن ۋاقىت كەزەڭى; 9) جۇيەنiڭ پايدالانۋشىسى (بۇدان ءارى – پايدالانۋشى) – ورتالىقپەن جۇيەدە قىزمەتتەر كورسەتۋ تۋرالى شارت جاساسقان زاڭدى تۇلعا; 10) كرەديتتىك اۋدارىم – پايدالانۋشى-باستاما جاساۋشى پايدالانۋشى-اقشا جونەلتۋشى بولىپ تابىلاتىن اقشا اۋدارىمى; 11) كرەديتتىك تاۋەكەل – قارسى اگەنتتىڭ ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەل; 12) وپەراتسيالىق تاۋەكەل – اقپاراتتىق جۇيەلەردىڭ نەمەسە ىشكى پروتسەستەردىڭ كەمشىلىكتەرىمەن, ادامداردىڭ قاتەلىكتەرىمەن, جۇيەنى باسقارۋداعى, ونىڭ ىشىندە سىرتقى وقيعالاردىڭ سالدارىنان بولاتىن ىركىلىستەرمەن نەمەسە بۇزۋشىلىقتارمەن بايلانىستى تاۋەكەل; 13) وتىمدىلىك تاۋەكەلى – پايدالانۋشى-اقشا جونەلتۋشىنىڭ اقشا اۋدارۋ جونىندەگى ءوز مىندەتتەمەلەرىن تولىق كولەمدە ۋاقتىلى ورىنداماۋىنىڭ (ورىنداماۋىنىڭ) مۇمكىن بولۋىمەن بايلانىستى تاۋەكەلى; 14) پايدالانۋشىنىڭ دەبەتتىك كەزەگى – وسى پايدالانۋشىنىڭ باسقا پايدالانۋشىعا قاتىستى اقشالاي مىندەتتەمەلەرى بويىنشا بەلگىلى ءبىر كۇنگە جۇيەدەگى ورىندالماعان تولەم حابارلارىنىڭ جۇيەلى قاتارى; 15) پايدالانۋشىنىڭ كرەديتتىك كەزەگى – باسقا پايدالانۋشىلاردىڭ وسى پايدالانۋشىعا قاتىستى اقشالاي مىندەتتەمەلەرى بويىنشا بەلگىلى ءبىر كۇنگى جۇيەدەگى ورىندالماعان تولەم حابارلارىنىڭ جۇيەلى قاتارى; 16) پايدالانۋشى-اقشا جونەلتۋشى – پوزيتسياسىنان اقشا اۋدارىلاتىن (ەسەپتەن شىعارىلاتىن) پايدالانۋشى; 17) پايدالانۋشى-باستاما جاساۋشى – تولەم حابارىن جۇيەگە جىبەرگەن پايدالانۋشى. پايدالانۋشى-باستاما جاساۋشى پايدالانۋشى-اقشا جونەلتۋشى نەمەسە پايدالانۋشى-بەنەفيتسيار بولىپ تابىلادى; 18) پايدالانۋشى-بەنەفيتسيار – پوزيتسياسىنا اقشا اۋدارىلاتىن پايدالانۋشى; 19) تازا پوزيتسيا – جۇيەدە ەسەپ ايىرىسۋلار پايدالانۋشىلاردىڭ نۇسقاۋلارىن كليرينگتەۋ جولىمەن جۇزەگە اسىرىلاتىن جاعدايدا بارلىق پايدالانۋشىلاردىڭ ءبىر پايدالانۋشىنىڭ پايداسىنا جىبەرگەن نۇسقاۋلارىنىڭ سوماسى مەن وسى پايدالانۋشىنىڭ قالعان پايدالانۋشىلار پايداسىنا جىبەرگەن نۇسقاۋلارىنىڭ سوماسى اراسىنداعى ايىرمانىڭ ءمانى. تازا پوزيتسيا ءمانى تەرىس بولعان كەزدە پايدالانۋشىنىڭ دەبەتتىك تازا پوزيتسياسى, وڭ بولعان كەزدە كرەديتتىك تازا پوزيتسياسى بولادى; 20) تولەم كۇنى – تولەم حابارىن ورىنداۋ كۇنى; 21) ەلەكتروندىق اقپاراتتىق حابار (بۇدان ءارى – اقپاراتتىق حابار) – ەلەكتروندىق تسيفرلىق قولتاڭباسى بار, تولەم حابارلارىنا جاتپايتىن جانە اقپاراتتىق سيپاتتاعى, ونىڭ ىشىندە ءۇزىندى-كوشىرمەلەر بار ەلەكتروندىق حابار; 22) ەلەكتروندىق تولەم حابارى (بۇدان ءارى – تولەم حابارى) – جۇيەدەگى پايدالانۋشىلاردىڭ پوزيتسيالارى بويىنشا اقشا اۋدارىمدارىن جۇزەگە اسىرۋعا نەگىز بولاتىن, ەلەكتروندىق تسيفرلىق قولتاڭباسى بار ەلەكتروندىق حابار; 23) ەلەكتروندىق حابار – ورتالىق ازىرلەگەن فورماتتاعى ەلەكتروندىق تۇردەگى اقپارات جيىنتىعى. قاعيدالاردا پايدالانىلاتىن تاۋەكەلدەر ۇعىمى قاعيدالار شەڭبەرىندەگى جۇيەگە قاتىستى قولدانىلادى جانە حالىقارالىق ەسەپ ايىرىسۋ بانكىنىڭ تولەمدەر مەن نارىقتىق ينفراقۇرىلىمدار جونىندەگى كوميتەتى (بازەل, شۆەيتساريا, 2003 جىلعى ناۋرىز) ازىرلەگەن تولەم جانە ەسەپ ايىرىسۋ جۇيەلەرىندە پايدالانىلاتىن تەرميندەر گلوسساريىنە سايكەس جازىلعان. 4. قازاقستان رەسپۋبليكاسىنىڭ ۇلتتىق بانكى (بۇدان ءارى – ۇلتتىق بانك) جۇيەنىڭ جۇمىس ىستەۋىن جانە باسقارۋدى ۇيىمداستىرادى جانە قامتاماسىز ەتەدى. 5. وپەراتسيالىق جانە تەحنولوگيالىق فۋنكتسيالاردى, سونداي-اق پايدالانۋشىلارمەن جۇيەدە قىزمەت كورسەتۋ جانە جۇيەنىڭ جۇمىس ىستەۋى ءۇشىن قىزمەتتەر كورسەتەتىن ءۇشىنشى تۇلعالارمەن شارتتار جاساسۋدى ورتالىق جۇزەگە اسىرادى. وپەراتسيالىق فۋنكتسيالار كليرينگ ناتيجەلەرى بويىنشا جۇيەدە اقشا اۋدارۋدى جۇرگىزۋدى, پايدالانۋشىلاردىڭ (پايدالانۋشىلارعا) تولەمدىك جانە اقپاراتتىق حابارلارىن وڭدەۋدى جانە بەرۋدى قامتيدى. تەحنولوگيالىق فۋنكتسيالار جۇيەنىڭ ينفراقۇرىلىمىنىڭ جۇمىس ىستەۋىن, جۇيەنىڭ اقپاراتتىق قاۋىپسىزدىگى جانە قىزمەتىنىڭ ۇزدىكسىزدىگى شارالارىنىڭ ساقتالۋىن قامتاماسىز ەتۋدى قامتيدى. 2. جۇيەگە قاتىسۋ تالاپتارى 6. نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە №9247 تىركەلگەن «قازاقستان رەسپۋبليكاسىنىڭ ۇلتتىق بانكى مەن بانكتەر, سونداي-اق بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمدار اراسىندا كوررەسپوندەنتتىك قاتىناستاردى ورناتۋ قاعيدالارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2014 جىلعى 3 اقپانداعى №14 قاۋلىسىندا (بۇدان ءارى – №14 قاۋلى) بەلگىلەنگەن تارتىپپەن پايدالانۋشىنىڭ ۇلتتىق بانكتە اشىلعان تەڭگەدەگى كوررەسپوندەنتتىك شوتىنىڭ بولۋى جانە پايدالانۋشىنىڭ بانكارالىق جۇيەگە قاتىسۋى پايدالانۋشىنىڭ مارتەبە الۋى ءۇشىن مىندەتتى تالاپ بولىپ تابىلادى. 7. قاعيدالاردىڭ 6-تارماعىندا كوزدەلگەن تالاپتاردى ورىنداۋ كەزىندە زاڭدى تۇلعا ورتالىقپەن جۇيەدە قىزمەتتەر كورسەتۋ تۋرالى شارت جاسايدى. 8. جۇيەدە قىزمەتتەر كورسەتۋ تۋرالى شارت جاساسۋ ءۇشىن زاڭدى تۇلعا ورتالىققا مىناداي قۇجاتتار ۇسىنادى: 1) جۇيەگە قوسۋعا ارنالعان ەركىن نىسانداعى ءوتىنىش; 2) جارعىنىڭ كوشىرمەسى نە كليەنتتىڭ ۇلگى جارعى نەگىزىندە قىزمەتتى جۇزەگە اسىرۋ فاكتىسىن راستايتىن قۇجات; 3) «قازاقستان رەسپۋبليكاسىنداعى بانكتەر جانە بانك قىزمەتى تۋرالى» 1995 جىلعى 31 تامىزداعى قازاقستان رەسپۋبليكاسىنىڭ زاڭىنا سايكەس ۋاكىلەتتى ورگاننىڭ ليتسەنزياسىسىز بانكتىك وپەراتسيالاردى جۇزەگە اسىرۋ جاعدايلارىن قوسپاعاندا, بانك وپەراتسيالارىن جاساۋعا بەرىلگەن ليتسەنزيانىڭ كوشىرمەسى; 4) پايدالانۋشىنىڭ ۇلتتىق بانكپەن تەڭگەدەگى كوررەسپوندەنتتىك شوتتى اشۋعا جاسالعان كوررەسپوندەنتتىك شوت شارتىنىڭ (بۇدان ءارى – كوررەسپوندەنتتىك شوت شارتى) كوشىرمەسى. زاڭدى تۇلعانىڭ جۇيەدە قىزمەتتەر كورسەتۋ تۋرالى شارتتى جاساسۋ ءۇشىن ۇسىنعان قۇجاتتارى ورتالىقتا ءاربىر پايدالانۋشى بويىنشا جەكە اشىلعان ارنايى ىستە ساقتالادى. وسى تارماقتىڭ ءبىرىنشى بولىگىنىڭ 2), 3) جانە 4) تارماقشالارىندا كورسەتىلگەن قۇجاتتاردى پايدالانۋشىمەن بانكارالىق جۇيەدە قىزمەتتەر كورسەتۋ تۋرالى شارت جاساسۋ كەزىندە ونىڭ بۇعان دەيىن قالىپتاستىرىلعان ىسىندە ولار بولعان جاعدايدا ۇسىنۋ تالاپ ەتىلمەيدى. وسى تارماقتىڭ ءبىرىنشى بولىگىنىڭ 2) جانە 3) تارماقشالارى شەت مەملەكەتتىڭ ورتالىق (ۇلتتىق) بانكى, قازاقستان رەسپۋبليكاسىنىڭ بەيرەزيدەنت بانكى (قازاقستان رەسپۋبليكاسىنىڭ بەيرەزيدەنت-بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمى) ورتالىقپەن جۇيەدە قىزمەتتەر كورسەتۋ تۋرالى شارتتى جاساسۋى كەزىندە قولدانىلمايدى. 9. زاڭدى تۇلعالار ورتالىقپەن جۇيەدە قىزمەتتەر كورسەتۋ تۋرالى شارت جاساعاننان كەيىن پايدالانۋشى مارتەبەسىن يەلەنەدى. جۇيەدە قىزمەتتەر كورسەتۋ تۋرالى شارتتى بۇزۋ زاڭدى تۇلعانىڭ پايدالانۋشى مارتەبەسىن جوعالتۋىنا اكەپ سوعادى. 10. ۇلتتىق بانك ورتالىقپەن جۇيەدە قىزمەتتەر كورسەتۋ تۋرالى جاساسقان شارت نەگىزىندە پايدالانۋشى مارتەبەسىن الادى. 3. جۇيەنىڭ جۇمىس ىستەۋىنىڭ قۇقىقتىق نەگىزى 11. تولەمدەر تۋرالى زاڭ, قاعيدالار, پايدالانۋشىلار مەن ورتالىق اراسىندا جاسالعان جۇيەدە قىزمەتتەر كورسەتۋ تۋرالى شارتتار جۇيەنىڭ جۇمىس ىستەۋىنىڭ قۇقىقتىق نەگىزىن قۇرايدى. 12. جۇيەدەگى قىزمەت كورسەتۋ تۋرالى شارت مىنالاردى قامتيدى: 1) شارتتىڭ ءمانى; 2) پايدالانۋشىنىڭ جانە ورتالىقتىڭ قۇقىقتارى مەن مىندەتتەرى; 3) ورتالىقتىڭ قىزمەتتەرىنە اقى تولەۋ ءتارتىبى; 4) پايدالانۋشى مەن ورتالىقتىڭ شارتتىڭ تالاپتارىن ورىنداماعانى ءۇشىن جاۋاپكەرشىلىگى; 5) اقپاراتتىق قاۋىپسىزدىك جانە كونفيدەنتسيالدىلىق رەجىمىنىڭ ساقتالۋى, بانك قۇپياسىنىڭ ساقتالۋى جانە دەربەس دەرەكتەردى قورعاۋ; 6) شارتتىڭ تالاپتارىن وزگەرتۋ جانە بۇزۋ ءتارتىبى; 7) داۋلاردى شەشۋ ءتارتىبى; 8) تاراپتاردىڭ كەلىسۋى بويىنشا باسقا تالاپتار. 13. جۇيەدە قىزمەتتەر كورسەتۋ تۋرالى شارتتىڭ جەكەلەگەن ەرەجەلەرىنىڭ قولدانىلۋى № 14 قاۋلىدا جانە (نەمەسە) كوررەسپوندەنتتىك شوت شارتىندا كوزدەلگەن نەگىزدەمەلەر بويىنشا پايدالانۋشىنىڭ شىعىس وپەراتسيالارىن توقتاتۋ تۋرالى ۇلتتىق بانكتىڭ حابارلاماسى نەگىزىندە ۋاقىتشا توقتاتىلا تۇرادى. ۇلتتىق بانكتىڭ پايدالانۋشىنىڭ شىعىس وپەراتسيالارىن توقتاتا تۇرۋ تۋرالى حابارلاماسى زاڭدى تۇلعانى پايدالانۋشى مارتەبەسىنەن ايىرمايدى. 4. ورتالىقتىڭ جۇيەدە كورسەتەتىن قىزمەتتەرى جانە وپەراتسيالار تۇرلەرى 14. ورتالىقتىڭ جۇيەدەگى پايدالانۋشىعا كورسەتەتىن قىزمەتتەرىنىڭ قۇنىن (تاريفتەرىن) ۇلتتىق بانك قازاقستان رەسپۋبليكاسى پرەزيدەنتىنىڭ 2003 جىلعى 31 جەلتوقسانداعى №1271 جارلىعىمەن بەكىتىلگەن قازاقستان رەسپۋبلي­كاسىنىڭ ۇلتتىق بانكى تۋرالى ەرەجەنىڭ 25-تارماعى ەكىنشى بولىگىنىڭ 12) تارماقشاسىنا سايكەس ورتالىقتىڭ كەلىسە وتىرىپ بەكىتەدى. 15. ورتالىق جۇيەدە پايدالانۋشىعا: 1) تولەم حابارلارىن قابىلداۋ مەن وڭدەۋ بويىنشا; 2) جاسالعان وپەراتسيالار بويىنشا پايدالانۋشىلارعا اقپاراتتىق حابارلاردى قابىلداۋ, وڭدەۋ جانە ۇسىنۋ بويىنشا; 3) جۇيەنىڭ جۇمىس ىستەۋىن قامتاماسىز ەتۋدە وپەراتسيالىق جانە تەحنولوگيالىق فۋنكتسيالاردى ورىنداۋ بويىنشا قىزمەتتەر كورسەتەدى. 16. جۇيە ارقىلى پايدالانۋشىلاردىڭ تولەم حابارلارى نەگىزىندە دەبەتتىك جانە كرەديتتىك اۋدارىمدار جۇزەگە اسىرىلادى. 17. جۇيەدە اعىمداعى جانە بولاشاق تولەم كۇندەرى بار تولەم حابارلارى قولدانىلادى. پايدالانۋشى-باستاما جاساۋشى تولەم حابارىن ورتالىققا بەرۋ كۇنىن قوسپاعاندا, تولەم كۇنىن اعىمداعى كۇننەن 3 ء(ۇش) وپەراتسيالىق كۇنگە دەيىن بەلگىلەيدى. بولاشاق تولەم كۇنى بار تولەم حابارلارى تولەم حابارىندا كورسەتىلگەن تولەم كۇنى باستالعانعا دەيىن جۇيەدە ساقتالادى. 18. ورتالىققا بەرىلگەن اعىمداعى نەمەسە بولاشاق ۆاليۋتالاۋ كۇنى بار تولەم حابارىن پايدالانۋشى ورتالىققا تولەم حابارىن كەرى قايتارۋ تۋرالى اقپاراتتىق حاباردى جىبەرۋ جولىمەن كەرى قايتارادى. 19. كەرى قايتارىلعان تولەم حابارلارى كۇشى جويىلعان دەپ سانالادى جانە ولاردى ورتالىق پەن پايدالانۋشى ەلەكتروندىق نىساندا تىركەيدى. پايدالانۋشىنىڭ تولەم كۇنىنە سايكەس كەلەتىن وپەراتسيالىق كۇن وتكەننەن كەيىن جۇيەدەن تولەم حابارلارىن كەرى قايتارۋىنا جول بەرىلمەيدى. 20. پايدالانۋشى-بەنەفيتسيار جۇيەنىڭ وپەراتسيالىق كۇنىنىڭ اعىمداعى كۇنىنەن كەمىندە 2 (ەكى) وپەراتسيالىق كۇنگە اساتىن تولەم كۇنىمەن بەلگىلى ءبىر پايدالانۋشى-اقشا جونەلتۋشىنىڭ مەكەنجايىنا جۇيەگە دەبەتتىك تولەم حابارىن جىبەرەدى. دەبەتتىك تولەم حابارىن قويۋ تۋرالى تالاپ پايدالانۋشى-اقشا جونەلتۋشى مەن پايدالانۋشى-بەنەفيتسيار اراسىنداعى شارتتا كوزدەلەدى. 21. پايدالانۋشى-اقشا جونەلتۋشى مەن پايدالانۋشى-بەنەفيتسيار اراسىنداعى شارتقا قول قويىلعان كۇننەن باستاپ 3 ء(ۇش) جۇمىس كۇنى ىشىندە پايدالانۋشى-اقشا جونەلتۋشى ورتالىققا مىناداي مالىمەتتەردى جىبەرەدى: 1) پايدالانۋشى-اقشا جونەلتۋشىنىڭ اتاۋى, ونىڭ بانكتىك سايكەستەندىرۋ كودى; 2) پايدالانۋشى-بەنەفيتسياردىڭ اتاۋى, ونىڭ بانكتىك سايكەستەندىرۋ كودى; 3) شارتتىڭ ءنومىرى مەن كۇنى, ونىڭ قولدانىلۋ مەرزىمى; 4) بەنەفيتسياردىڭ اتاۋى جانە جەكە سايكەستەندىرۋ كودى; 5) پايدالانۋشى-اقشا جونەلتۋشى مەن پايدالانۋشى-بەنەفيتسيار اراسىنداعى شارتتا تاراپتار كەلىسكەن وزگە دە مالىمەتتەر. دەبەتتىك تولەم حابارلارى قازاقستان رەسپۋبليكاسىنىڭ قارجى مينيسترلىگى قازىناشىلىق ورگاندارىنىڭ پايداسىنا جىبەرىلمەيدى. 22. ورتالىققا جىبەرىلگەن, تولەم كۇنى كەمىندە 2 (ەكى) وپەراتسيالىق كۇن بولاتىن دەبەتتىك تولەم حابارى پايدالانۋشى-بەنەفيتسياردىڭ كرەديتتىك كەزەگىنە جانە پايدالانۋشى-اقشا جونەلتۋشىنىڭ دەبەتتىك كەزەگىنە كەلىپ تۇسەدى, وعان وسى تولەمدى ورىنداۋ كۇنىنە بەلگىلى ءبىر اقشا سوماسىن تولەۋ تۋرالى تالاپ قويىلادى. 23. ورتالىق دەبەتتىك تولەم حابارىن العان كۇننەن باستاپ وپەراتسيالىق كۇننەن كەشىكتىرمەي ونى پايدالانۋشى-اقشا جونەلتۋشىگە جىبەرەدى. 24. پايدالانۋشى-اقشا جونەلتۋشى ورتالىقتىڭ دەبەتتىك تولەم حابارىن وڭدەۋىنە جانە ول بويىنشا تولەم جاساۋىنا كەلىسپەگەن جاعدايدا, پايدالانۋشى-اقشا جونەلتۋشى ورتالىققا پايدالانۋشىنىڭ دەبەتتىك كەزەگىنەن دەبەتتىك تولەم حابارىنىڭ كۇشىن جويۋ تۋرالى حابار جىبەرەدى. 25. ەگەر دەبەتتىك تولەم حابارى بويىنشا تولەمدى ورىنداۋ مەرزىمى باستالعانعا دەيىن ورتالىق پايدالانۋشى-اقشا جونەلتۋشىنىڭ ونىڭ دەبەتتىك كەزەگىنەن دەبەتتىك تولەم حابارىنىڭ كۇشىن جويۋ تۋرالى حابارىن الماسا, دەبەتتىك تولەم حابارىن ورتالىق ورىندايدى. 26. دەبەتتىك تولەم حابارىن كەرى قايتارۋ ونى ورتالىق ورىنداعانعا دەيىن جۇزەگە اسىرىلادى. 27. دەبەتتىك تولەم حابارى كەرى قايتارىلعاننان نە كۇشى جويىلعاننان كەيىن ورتالىق بۇل تۋرالى پايدالانۋشى-بەنەفيتسيارعا جانە پايدالانۋشى-اقشا جونەلتۋشىگە حابارلايدى. 5. جۇيەنىڭ جۇمىس ىستەۋ جانە جۇيەدە ەلەكتروندىق حابارلارمەن الماسۋ ءتارتىبى 28. پايدالانۋشىلار ورتالىق ازىرلەگەن جانە جۇيەدە قولدانىلاتىن الماسۋ راسىمدەرىنە جانە فورماتتارىنا (بۇدان ءارى – راسىمدەر) سايكەس ەلەكتروندىق حابارلارمەن الماسادى. 29. راسىمدەردى ورتالىق جۇيەدە قىزمەتتەر كورسەتۋ تۋرالى شارتتا بەلگىلەنگەن مەرزىمدەردە پايدالانۋشىلارعا جىبەرەدى. 30. ەلەكتروندىق حابارلاردى بەرۋ فاكتىسىن ايقىنداۋ جانە ولاردى بەرگەن كەزدە قاتەلەردى انىقتاۋ ءۇشىن جۇيەدە ورتالىق بەلگىلەگەن اقپاراتتىق قاۋىپسىزدىكتى قامتاماسىز ەتۋ راسىمدەرى ساقتالادى. 31. ورتالىق ەلەكتروندىق حابارلاردى اۋتەنتيفيكاتسيالاۋ ءتارتىبىن ازىرلەيدى. 32. تولەمدىك جانە اقپاراتتىق حابارلاردى, ونىڭ ىشىندە تولەم حابارلارىن كەرى قايتارۋ تۋرالى اقپاراتتىق حابارلاردى بەرۋ جانە قابىلداۋ جۇيەدە ەلەكتروندىق تاسىلمەن ۇلتتىق بانك ورتالىقتىڭ تولەم جۇيەلەرىندە تولەم قۇجاتتارىن قابىلداۋ جانە وڭدەۋ كەستەسىنە سايكەس ايقىنداعان وپەراتسيالىق كۇن ىشىندە جۇزەگە اسىرىلادى. 33. ەگەر تولەم حابارىن نەمەسە اقپاراتتىق حاباردى ورتالىق وپەراتسيالىق كۇن اياقتالعاننان كەيىن السا, ولاردى ورتالىق كەلەسى وپەراتسيالىق كۇننىڭ باسىندا الدى دەپ ەسەپتەلەدى. ورتالىق باستاما جاساۋشى پايدالانۋشىعا تولەم حابارىن وتكىزبەۋ تۋرالى سەبەبى كورسەتىلگەن اقپاراتتىق حاباردى جىبەرە وتىرىپ ورتالىققا وتكەن وپەراتسيالىق كۇننىڭ تولەم كۇنىمەن كەلىپ تۇسكەن تولەم حابارىن ورىنداۋدان باس تارتادى. 34. ەگەر پايدالانۋشى جۇيە ءۇشىن وپەراتسيالىق كۇن بولىپ تابىلاتىن جۇمىس كۇنى جۇيەدە وپەراتسيالاردى جۇزەگە اسىرماسا, ورتالىق وسى پايدالانۋشىنىڭ پايداسىنا كەلىپ تۇسەتىن تولەم حابارلارىن قابىلدايدى, ونىڭ تازا پوزيتسياسىن ايقىندايدى جانە كليرينگ ناتيجەلەرى بويىنشا اقشا اۋدارىمىن جۇزەگە اسىرادى. 35. ورتالىق جانە پايدالانۋشىلار اقپاراتتىڭ ساقتالۋىن قامتاماسىز ەتەدى جانە جىبەرىلەتىن جانە الىناتىن ەلەكتروندىق حابارلارىنىڭ مونيتورينگىن جۇزەگە اسىرادى. ورتالىق جانە پايدالانۋشىلار وڭدەگەن بارلىق ەلەكتروندىق حابارلاردىڭ ورتالىقتىڭ جانە پايدالانۋشىلاردىڭ ىشكى باعدارلامالىق جۇيەلەرىندە اۋديتورلىق ءىزى قالادى. 36. ورتالىق تولەم حابارلارىن وڭدەگەن كەزدە ولاردى وزگەرتۋگە جول بەرمەيدى. 6. كليرينگ ءراسىمى 37. وپەراتسيالىق كۇن اياقتالعاننان كەيىن ورتالىق اياقتالعان وپەراتسيالىق كۇنى تولەم حابارلارىن قابىلداۋدى توقتاتادى, قابىلدانعان تولەم حابارلارىنىڭ كليرينگىن جۇرگىزەدى جانە ءاربىر پايدالانۋشىنىڭ تازا پوزيتسياسىن ايقىندايدى. 38. كليرينگ ءراسىمى باسىمدىق كودتارىنا سايكەس جۇرگىزىلەدى. باسىمدىقتىڭ ءبىر كودىنىڭ شەگىندە ءبىر كەزەككە جاتقىزىلعان تولەم حابارلارى ولاردىڭ جۇيەگە كەلىپ ءتۇسۋ تارتىبىمەن وڭدەلەدى. 39. باسىمدىق كودتارىن ورتالىق ۇلتتىق بانكپەن كەلىسۋ بويىنشا ازىرلەيدى. 40. كەزەكتە تۇرعان تولەم حابارىنىڭ باسىمدىعىن وزگەرتۋدى پايدالانۋشى-باستاما جاساۋشى جۇيەگە تولەم حابارىن كەرى قايتارماي باسىمدىقتى وزگەرتۋ تۋرالى اقپاراتتىق حاباردى جىبەرۋ ارقىلى جۇزەگە اسىرادى. 41. ءاربىر پايدالانۋشىنىڭ تازا پوزيتسياسىن ايقىنداعاننان كەيىن ورتالىق دەبەتتىك تازا پوزيتسياسى بار پايدالانۋشىلاردان وسى پايدالانۋشىنىڭ دەبەتتىك تازا پوزيتسياسىنا تەڭ اقشا سوماسىن بانكارالىق جۇيەدە رەزەرۆتەيدى. 42. كليرينگ ناتيجەلەرى بويىنشا اقشا اۋدارۋ بانكارالىق جۇيەدەگى جۇيە پوزيتسياسى (بۇدان ءارى – جۇيە پوزيتسياسى) ارقىلى جۇزەگە اسىرىلادى. 43. بانكارالىق جۇيەدەگى كليرينگ ناتيجەلەرى بويىنشا اقشا اۋدارۋ قاعيدالاردىڭ 41-تارماعىنا سايكەس رەزەرۆتەلگەن اقشا سوماسىن پايدالانا وتىرىپ ءاربىر پايدالانۋشىنىڭ تازا پوزيتسياسىنا سايكەس جۇرگىزىلەدى. اقشا اۋدارۋ ورتالىقتىڭ ءاربىر پايدالانۋشىنىڭ تازا پوزيتسياسى سوماسىنا اقشانى ەسەپتەن شىعارۋ (ەسەپتەۋ) تۋرالى نۇسقاۋلارى نەگىزىندە جۇرگىزىلەدى. 44. ورتالىق بانكارالىق جۇيەدە كليرينگ ناتيجەلەرى بويىنشا دەبەتتىك تازا پوزيتسياسى بار پايدالانۋشىلاردىڭ پوزيتسيالارى تۇرعىسىنان اقشا اۋدارۋدى جۇيە پوزيتسياسىنا جۇزەگە اسىرادى, ودان كەيىن بانكارالىق جۇيەدەگى جۇيە پوزيتسياسىنان كليرينگ ناتيجەلەرى بويىنشا كرەديتتىك تازا پوزيتسياسى بار پايدالانۋشىلاردىڭ پوزيتسيالارىنا اقشا اۋدارۋدى جۇزەگە اسىرادى. كليرينگ ناتيجەلەرى بويىنشا اقشا اۋدارۋ اياقتالعاننان كەيىن جۇيەنىڭ بانكارالىق جۇيەدەگى پوزيتسيالارىنا قالدىق 0-گە (نولگە) تەڭ بولادى. 7. وپەراتسيالىق كۇننىڭ ىشىندە جانە سوڭىندا اقپاراتتىق حابارلاردى ۇسىنۋ 45. وپەراتسيالىق كۇن ىشىندە پايدالانۋشىنىڭ سۇراتۋى بويىنشا ورتالىق پايدالانۋشىعا: 1) وسى پايدالانۋشىنىڭ ورتالىققا بەرگەن جانە وسى پايدالانۋشىنىڭ پايداسىنا كەلىپ تۇسكەن تولەم حابار­لارىنىڭ تىزبەسىن قامتيتىن پايدالانۋشى پوزيتسياسىنىڭ جاي-كۇيى تۋرالى ءۇزىندى-كوشىرمە تۇرىندەگى اقپاراتتىق حابار; 2) ءاربىر تولەم حابارىن وتكىزبەۋ سەبەپتەرىن كورسەتە وتىرىپ وتكىزىلمەگەن تولەم حابارلارىنىڭ تىزبەسىن قامتيتىن وتكىزىلمەگەن تولەم حابارلارى تۋرالى اقپاراتتىق حابار جىبەرەدى. 46. ورتالىق پايدالانۋشىلارعا اعىمداعى, سول سياقتى بولاشاق تولەم كۇنى بار تولەم حابارلارى تۋرالى اقپارات­تى قامتيتىن اقپاراتتىق حابارلاردى ۇسىنادى. پايدالانۋشىنىڭ ءۇزىندى-كوشىرمە تۇرىندەگى اقپاراتتىق حاباردى الۋعا ارنالعان سۇراتۋىندا پايدالانۋشىنىڭ ءۇزىندى-كوشىرمە تۇرىندەگى اقپاراتتىق حابارىن الۋدى سۇراتقان كۇنى كورسەتىلەدى. 47. ورتالىق اقشا اۋدارىمىن اياقتاعاننان كەيىن پايدالانۋشىعا ءۇزىندى-كوشىرمە تۇرىندە, جۇيەدە وڭدەلگەن تولەم حابارلارى تۋرالى اقپاراتتى جانە پايدالانۋشىنىڭ كليرينگ ناتيجەلەرى بويىنشا تازا پوزيتسياسى تۋرالى اقپاراتتى قامتيتىن سوڭعى اقپاراتتىق حاباردى, سونداي-اق وتكىزىلمەگەن تولەم حابارلارىنىڭ ۆەدوموسىن جانە وسى پايدالانۋشىنىڭ پايداسىنا كەلىپ تۇسكەن جانە سوڭعى اقپاراتتىق حاباردا ءۇزىندى-كوشىرمە تۇرىندە كورسەتىلگەن بارلىق تولەم حابارلارىن جىبەرەدى. 48. ەگەر پايدالانۋشىنىڭ جۇيەدەگى پوزيتسياسىنىڭ جاي-كۇيى تۋرالى ءۇزىندى-كوشىرمە تۇرىندەگى اقپاراتتىق حابارىندا پايدالانۋشىنىڭ ورتالىققا بەرگەن ەلەكتروندىق حابارى تۋرالى اقپارات بولماسا, پايدالانۋشى بۇل تۋرالى ورتالىققا حابارلايدى جانە ورتالىقپەن بىرلەسىپ كەلەسى وپەراتسيالىق كۇننەن كەشىكتىرمەي ەلەكتروندىق حاباردى جوعالتۋ سەبەبىن انىقتايدى. ەلەكتروندىق حابارلاردى ۋاقتىلى الماعان نەمەسە ولار بولماعان جاعدايدا پايدالانۋشى ورتالىققا حابارلايدى. 8. جۇيەدەگى تاۋەكەلدەردى باسقارۋ 49. جۇيەنىڭ باعدارلامالىق-تەحنيكالىق كەشەنىنىڭ جۇمىس ىستەۋ ەرەكشەلىكتەرى ورتالىقتىڭ قۇجاتتارىمەن بەلگىلەنەدى. 50. پايدالانۋشىنىڭ تازا پوزيتسياسىن (پايدالانۋشىلاردىڭ تازا پوزيتسيالارىن) ەسەپتەۋ ءۇشىن بانكارالىق جۇيەدە اقشا جەتكىلىكسىز بولعان كەزدە وتىمدىلىك تاۋەكەلىن, كرەديتتىك جانە جۇيەلىك تاۋەكەلدەردى باسقارۋ ماقساتىندا جۇيە قاجەتتى سوماعا تولەم حابارلارىنىڭ كۇشىن جويادى جانە پايدالانۋشىلاردىڭ تازا پوزيتسيالارىن قايتا ەسەپتەيدى (كەزەكتى تارقاتۋ ءادىسى). 51. ۇلتتىق بانك وپەراتسيالىق تاۋەكەلدى باسقارۋ ءۇشىن ۇلتتىق بانك تۋرالى زاڭعا سايكەس جۇيەنىڭ ۇيىمداستىرىلۋىن جانە جۇمىس ىستەۋىن, پايدالانۋشىلاردىڭ قىزمەتىن تەكسەرۋدى جۇزەگە اسىرادى. 52. ۇلتتىق بانك ورتالىقپەن جانە پايدالانۋشىلارمەن بىرلەسىپ تاۋەكەلدەردى باسقارۋدىڭ پايدالانىلاتىن ادىستەرىنە 2 (ەكى) جىل ىشىندە كەمىندە 1 ء(بىر) رەت تالداۋ جۇرگىزەدى. تالداۋ ناتيجەلەرى بويىنشا تاۋەكەلدەردى باسقارۋ ادىستەرىن ساقتاۋ نەمەسە وزگەرتۋ تۋرالى شەشىم قابىلدانادى. 9. جۇيەنىڭ مونيتورينگى جانە قاداعالاۋ (وۆەرسايت) 53. ۇلتتىق بانك جۇيەگە ناقتى ۋاقىت رەجىمىندە مونيتورينگتى جانە جۇيەگە قاداعالاۋدى (وۆەرسايت) جۇزەگە اسىرادى. 54. جۇيەگە ناقتى ۋاقىت رەجىمىندەگى مونيتورينگتى ۇلتتىق بانك وپەراتسيالىق كۇن ىشىندەگى جۇيە پايدالانۋشىلارىنىڭ پوزيتسيالارىن قاداعالاۋ جولىمەن جۇزەگە اسىرادى. 55. جۇيەنى قاداعالاۋ (وۆەرسايت) ۇلتتىق بانك تۋرالى زاڭعا سايكەس جۇزەگە اسىرىلادى. 56. پايدالانۋشىلار وزدەرىنىڭ جۇيەدەگى پوزيتسياسىنىڭ جاي-كۇيىنە, ونىڭ ىشىندە, ورتالىقتان ءۇزىندى-كوشىرمەلەر الۋ جولىمەن مونيتورينگ جۇرگىزەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 15 اقپانداعى نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە № 13068 بولىپ ەنگىزىلدى.