ىنتىماقتاستىق ءورىسى كەڭەيۋدە

كەشە سىرتقى ىستەر ءمينيسترى ەرلان ىدىرىسوۆ يسپانيا سىرتقى ساياسات ۆەدومستۆوسىنىڭ باسشىسى حوسە مانۋەل گارسيا-مارگالومەن كەزدەستى. كەزدەسۋدە ەكىجاقتى ساۋدا-ەكونوميكالىق جانە ينۆەستيتسيالىق ىنتىماقتاستىقتى نىعايتۋ ماسەلەلەرى ءسوز بولدى. كەزدەسۋدەن كەيىن مينيسترلەر ءباسپاسوز ءماسليحاتىن ءوت­كىزىپ, باق وكىلدەرىنە ەكى مەملەكەت اراسىنداعى ءوزارا ىنتىماقتاستىقتىڭ جوعارى دەڭگەيدە دامىپ كەلە جاتقانىن ايتىپ بەردى. «يسپانيا قازاقستاننىڭ ساۋدا-ەكونوميكالىق جانە ين­ۆەستيتسيالىق سالاداعى ءىرى سەرىكتەسى بولىپ تابىلادى. داعدارىسقا دەيىنگى جىلداردا اتالعان مەملەكەتپەن ساۋدا-ساتتىعىمىز 3 ملرد. دوللارعا دەيىن جەتتى. بۇل – اۋىز تولتىرىپ ايتارلىقتاي كورسەت­كىش. الداعى ۋاقىتتا دا دوستىق جانە ىسكەرلىك قارىم-قاتىناستى ودان ءارى دامىتۋعا مۇمكىندىك مول. بۇگىنگى كەزدەسۋىمىزدى سو­نىڭ ءبىر ساتىسى دەسەك, ارتىق ايتقاندىق ەمەس. سونداي-اق, يسپانيا قازاقستاننىڭ بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ءوتۋ ۇمتىلىسىن قولدايتىنىن ەرەكشە اتاپ وتكەن ءجون», – دەدى ە.ىدىرىسوۆ. سونىمەن قاتار, مينيستر قازاقستان پرەزيدەنتى نۇرسۇلتان نازارباەۆتىڭ يسپانيا كورولى IV ءفيليپپتى ەكسپو-2017 حا­لىقارالىق كورمەسى اياسىندا ەلىمىزگە رەسمي ساپار جاساۋعا شاقىرۋى تۋرالى ءسوز ەتىپ: «ءبىز مەملەكەت باسشىسىنىڭ اتىنان يسپانيا كورولىنە جىبەرىلگەن شاقىرۋىن ناقتىلادىق. اتالعان ساپار 2017 جىلى استانادا وتەتىن ەكسپو كورمەسى كەزىندە جۇزەگە اسادى دەگەن ۇمىتتەمىز», – دەدى. ودان بولەك, ۆەدومستۆو باسشىسى يسپانيانىڭ كولىك لوگيس­تيكاسى, اۋىل شارۋاشىلىعى, ماشينا جاساۋ, قايتا وڭدەۋ, يننوۆاتسيا, جاسىل تەحنولوگيا جانە تەلەكوممۋنيكاتسيا سالالارىندا مول تاجىريبەسى بار ەكەنىن ايتىپ, قازاقستاننىڭ وسى باعىتتار بويىنشا ىنتىماقتاستىقتى نىعايتۋعا مۇددەلى ەكەنىن جەت­كىزدى. ە.ىدىرىسوۆتىڭ ايتۋىنشا, يسپانيا سىرتقى ىستەر ءمينيسترىنىڭ رەسمي ساپارى اياسىندا وتكەن قازاقستان-يسپانيا بيزنەس-فورۋمىندا اتالعان باعىتتارعا باسىمدىق بەرىلمەك. سونداي-اق, كەزدەسۋدە ەكى­جاقتى قۇجاتقا قول قويىلىپ, «جاسىل كوپىر» سەرىكتەستىك باعدارلاماسى بەكىتىلدى. اتالعان قۇجاتقا ح.گارسيا-مارگالومەن قاتار, قازاقستان تاراپىنان ەنەرگەتيكا ءمينيسترى قانات بوزىم­باەۆ قول قويدى. ءوز كەزەگىندە, ح.گارسيا-مارگالو بۇل باعدارلامانىڭ ماڭىزدىلىعىنا توقتالدى. «ءبىز بۇگىن ەكى تاراپتىڭ باي­لا­نىسىنا جاڭاشا سەرپىن بەرەتىن قۇجاتقا قول قويدىق. بۇل تىڭ باستاماعا قازاقستان جا­عىنىڭ مۇرىندىق بولعانىن اتاپ وتكىم كەلەدى. سىزدەر ءۇشىن ينفراقۇرىلىم, قۋات كوزى, سۋ رەسۋرستارى جانە تۋريزم سالالارىندا يسپانيالىق كاسىپورىندار ۇلكەن رولگە يە. ال بىزدەر ءۇشىن قازاقستان ورتالىق ازياداعى ەڭ جاقىن سەرىكتەسىمىز», – دەگەن ح.گارسيا-مارگالو يسپانيالىق كاسىپكەرلەردىڭ 17 ملن. تۇتىنۋ­شىسى بار قازاقستاندا ءوز ىستەرىن جۇرگىزۋگە قىزىعۋشىلىق تانىتىپ وتىرعانىنا نازار اۋداردى. ايتا كەتەيىك, اتالعان بيز­نەس-فورۋمعا يسپانيا تاراپى­نان 20-دان استام كومپانيا قاتىسسا, قازاقستاندىق بيزنەس-دەلەگاتسيانىڭ قۇرامىندا 90 كومپانيا بولدى. ولار اۆياتسيا, اسكەري تەحنيكا, مۇناي-گاز, تەحنولوگيالار ترانسفەرتى جانە مەملەكەتتىك-جەكەمەنشىك ارىپتەستىك, سونداي-اق, تاعى باسقا سالالار بويىنشا ىنتىماقتاسۋ ماسەلەلەرىن قاراستىردى. ەلامان قوڭىر, «ەگەمەن قازاقستان»