«جۇلدىزدار توعىسقاندا»

ەل ەكراندارىندا ەلباسى تۋرالى فيلم كورسەتىلەدى كەشە پرەزيدەنت جانىنداعى ورتالىق كوممۋنيكاتسيالار قىزمەتىندە «جۇلدىزدار توعىسقاندا» ءفيلمى بويىنشا ءتۇسىرىلىم توبىنىڭ قاتىسۋىمەن ءباسپاسوز كونفەرەنتسياسى بولىپ ءوتتى. فيلم مادەنيەت جانە سپورت مينيسترلىگىنىڭ تاپسىرىسىمەن قازاقستان تاۋەلسىزدىگىنىڭ 25 جىلدىعىنا وراي تۇسىرىلگەن. كينوتۋىندى الەم تاريحىن­داعى ەڭ قيىن كەزەڭ – كەڭەس ودا­عىنىڭ قۇلاۋى, جاڭا تاۋەلسىز مەملەكەتتەردىڭ پايدا بولۋى, ونىڭ ىشىندە قازاقستان رەس­پۋبليكاسى تۋرالى باياندايدى. فيلم 1984-1991 جىلدار ارا­لىعىن قامتيدى. اتالمىش كوركەم فيلم ەل تاري­حىنداعى ەلەۋلى وقيعالارعا زەر سالىپ, قازاقستان رەسپۋبليكاسى­نىڭ تۇڭ­عىش پرەزيدەنتى – ەلباسىنىڭ قوعام ءومىرىنىڭ بار سالاسىندا ات­قارعان ءرولىن, سونداي-اق, مەم­لەكەت باسشىسىنىڭ ءدۇ­نيە­­جۇزىلىك اۋقىمدا ىنتى­ماق­تاستىقتى ارت­تىرۋداعى ايرىق­شا قىزمەتىن سارالايدى. – «ەلباسى جولى» كينو­تۋىن­دىسىنىڭ تابىستى بولۋىنىڭ باستى سەبەبىنىڭ ءبىرى – ونىڭ پرەزيدەنت ن.ءا.نازارباەۆتىڭ شىنايى ءومىر­بايانىنىڭ نەگىزىندە ءتۇسىرىلۋى. «ەلباسى جولى» تۋىندىسى قاي كە­زەڭدە دە وزەك­تىلىگىن جويماق ەمەس, ويتكەنى, بۇل شىعارمادا نۇرسۇلتان ءابىش ۇلىنىڭ جەكە ۇلگىسىندە الدىنا قويعان ماقساتتارىنا جەتە بىلگەن جانە شىن مانىندە, ەڭبەك ادامى­نىڭ ازاماتتىق قىزمەت جولى كورسەتىلگەن», – دەپ اتاپ ءوتتى مينيستر ا. مۇحامەدي ۇلى. ونىڭ سوزىنشە, فيلم ءتۇ­سى­رىلىمىنە قازاقستان مەن رەسەيدىڭ ەڭ مىقتى كينەما­توگرافيستەرىنىڭ شىعارما­شىلىق توبى تارتىلدى. ءتۇسىرىلىم قازاقستان جانە رە­­سەي اۋماعىندا ءتورت اي بويى جۇرگىزىلدى. فيلم رەجيسسەرى جانە ستسە­ناريىنىڭ اۆتورى – رەسەي حالىق ءارتىسى, رەسەي فەدەراتسياسى مەملەكەتتىك سىيلىعىنىڭ لاۋرەاتى – سەرگەي ولەگوۆيچ سنەجكين. «جۇلدىزدار توعىسقاندا»  كور­كەم ءفيلمى الەمدىك تاريح­تاعى ەڭ كۇردەلى ۋاقىت – كەڭەس وداعىنىڭ ىدىراۋى جانە تاۋەل­سىز قازاقستاننىڭ پايدا بولۋىن كورسەتەدى. كينوتۋىندى ەل تاريحىنداعى ەڭ جارقىن وقيعالارعا ساراپتاما ۇسىنىپ,  قازاقستان رەسپۋبليكاسى تۇڭعىش پرەزيدەنتىنىڭ مەملەكەتتىك قۇرىلىمنىڭ ءتۇرلى سالالارىن رەفور­مالاۋداعى ءرولىن باياندايدى. باستى ءرولدى قازاقستاندىق تانىمال اكتەر بەرىك ايتجانوۆ سومدادى. سونداي-اق, فيلمگە التىناي نوگەربەك, الدابەك شال­باەۆ, ازامات ساتىبالدى, عاني قۇلجانوۆ, ەركەبۇلان دايىروۆ, جانەل ماقاجانوۆا, دينارا باقتىباەۆا, قارلىعاش مۇحامەدجانوۆا جانە باسقالار ءتۇستى. باسقا دا كەيىپكەرلەردىڭ بەينەسىن يگور ۋگولنيكوۆ, سەرگەي گارماش, داريا موروز, الەكسەي گۋسكوۆ, حيۋ فرەيزەر, ريچارد كوردەري, ستيۆەن پەيسي سياقتى رەسەيلىك جانە شەتەلدىك اكتەرلەر سومدادى. «جۇلدىزدار توعىسقاندا» فيل­مى 2016 جىلدىڭ 28 ساۋىرىنەن باستاپ جالپىۇلتتىق پروكاتقا شى­عادى, ەلىمىزدىڭ بارلىق كينو­تەاتر­لا­رىندا كورسەتىلەتىن بولادى. راۋشان تاۋىرحانقىزى, «ەگەمەن قازاقستان»