پرەزيدەنت جارلىعىمەن باس پروكۋرور تاعايىندالدى

استانا. 25 ءساۋىر. قازاقستان پرەزيدەنتى نۇرسۇلتان نازارباەۆتىڭ جارلىعىمەن جاقىپ اسانوۆ باس پروكۋرور بولىپ تاعايىندالدى. بۇل تۋرالى akorda.kz-كە سىلتەمە جاساعان egemen.kz ءتىلشىسى حابارلادى. جاقىپ اسانوۆ 2012 جىلى قىركۇيەك ايىنان بەرى باس پروكۋروردىڭ ورىنباسارى قىزمەتىن اتقاردى. ول 1963 جىلى 17 تامىزدا قىزىلوردا قالاسىندا تۋعان. س.م. كيروۆ اتىنداعى قازاق مەملەكەتتىك ۋنيۆەرسيتەتىن بىتىرگەن. ۇزاق جىلدار بويى قىزىلوردا قالاسىنىڭ پروكۋراتۋراسىندا جۇمىس ىستەگەن. سونداي-اق, پرەزيدەنت اكىمشىلىگى زاڭناما, قۇقىقتىق ءتارتىپ جانە سوت رەفورماسىن قامتاماسىز ەتۋ ءبولىمىنىڭ سەكتور مەڭگەرۋشىسى قىزمەتىن اتقاردى. 1997-2005 جىلدارى – باس پروكۋروردىڭ اعا كومەكشىسى, الەۋمەتتىك-ەكونوميكالىق سالاداعى زاڭدىلىقتى قاداعالاۋ باسقارماسىنىڭ باستىعى, باس پروكۋراتۋرانىڭ مەملەكەتتىك ورگاندار ءىس-ارەكەتىندەگى زاڭدىلىقتى قاداعالاۋ دەپارتامەنتىنىڭ باستىعى, الماتى قالاسى پروكۋرورىنىڭ ءبىرىنشى ورىنباسارى, پاۆلودار وبلىسىنىڭ پروكۋرورى, ادىلەت ۆيتسە-ءمينيسترى. 2007 جىلى پارلامەنت ءماجىلىسىنىڭ IV شاقىرىلىمىنا دەپۋتات بولىپ سايلانعان. 2012 جىلعى قاڭتاردان باستاپ «نۇر وتان» پارتيالىق ءتىزىمى بويىنشا V سايلانعان پارلامەنت ءماجىلىسىنىڭ دەپۋتاتى بولدى. تالعات رايىمبەك. دەرەك: akorda.kz. فوتو: prokuror.gov.kz.