قوستاناي. 21 ءساۋىر. قوستاناي وبلىسىنىڭ دەلەگاتسياسى تاتارستان رەسپۋبليكاسىندا بولىپ قايتتى. دەلەگاتسيا قۇرامىندا «توبول» الەۋمەتتىك كاسىپكەرلىك كورپوراتسياسى وكىلدەرى, ءىرى ونەركاسىپ جانە اۋىل شارۋاشىلىق كاسىپورىندارىنىڭ جەتەكشىلەرى, قازقستاقستان حالقى اسسامبلەياسىنىڭ وبلىستىق فيليال مۇشەلەرى بولدى. بۇل تۋرالى قوستاناي وبلىستىق اكىمدىگىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ەكى كۇندىك ساپاردا وبلىس اكىمى ارحيمەد مۇحامبەتوۆ باستاعان دەلەگاتسيا مۇشەلەرى تاتارستان حالقى دوستىق ۇيىندە قازاقتاردىڭ ۇلتتىق-مادەني اۆتونومياسى اكتيۆتەرىمەن كەزدەستى. تاتارستاندا 1800 قازاقتار تۇرادى, تاعى 800 قازاقستاندىق ستۋدەنت قازانداعى جوعارى وقۋ ورىندارىندا ءبىلىم الىپ ءجۇر.
وبلىس اكىمى ارحيمەد مۇحامبەتوۆ: «وسى ساپارىمىزدا الەۋمەتتىك-ەكونوميكالىق ماسەلەلەر ەكى جاقتىڭ جەتەكشىلەرىمەن, بيزنەس قوعامداستىعىمەن تالقىلاندى. دەلەگاتسيا, ءوزىم ءۇشىن دە قازانداعى وتانداستارىمىزبەن كەزدەسۋ ۇلكەن ماڭىز الادى. ءبىز تاتارستانمەن ءبىزدىڭ وبلىستاعى تاتار دياسپوراسىمەن تىعىز بايلانىس ورناتامىز», – دەدى. ارحيمەد مۇحامبەتوۆ 2017 جىلى رەسپۋبليكالىق سابانتويدى قوستاناي وبلىسىندا تاتارستان دەلەگاتسياسىنىڭ قاتىسۋىمەن وتكىزۋدى ۇسىندى. بۇل ۇسىنىس وبلىس اكىمى مەن تاتارستاننىڭ پرەزيدەنتى رۋستام ميننيحانوۆ اراسىندا بولعان اڭگىمەدە تاعى دا قارالىپ, قولداۋ تاپتى.
قازاقستان مەن تاتارستانداعى دياسپورالار اراسىنداعى ءوز ارا قارىم-قاتىناستىڭ دامۋىن, ولاردىڭ اتامەكەنىمەن بايلانىسىنىڭ ۇزىلمەۋىن قازانداعى دوستىق ءۇيىنىڭ ديرەكتورى يرەك شاريپوۆ تە قولدادى.
يرەك شاريپوۆ: «قازاق دياسپوراسى بىزدە ۇلكەن بەدەلگە يە. دوستىق ءۇيى نۇرسۇلتان نازارباەۆ اتىنداعى كوشەدە تۇر. مۇندا قازاقتاردىڭ ۇلەسى ۇلكەن», – دەدى.
ءنازيرا جارىمبەتوۆا.
دەرەك, فوتو: قوستاناي وبلىسى اكىمدىگىنىڭ ءباسپاسوز قىزمەتى.
