بەلگىلى كاسىپكەرگە قازاقستاننان شىعۋعا تىيىم سالىندى

قوستاناي. 21 ءساۋىر. قوستانايدا كاسىپكەر, «يۆولگو-حولدينگ» جاۋاپكەرشىلىگى شەكتەۋلى سەرىكتەستىگىنىڭ ديرەكتورى, وليگارح ۆاسيلي روزينوۆتىڭ جەكە شوتىنا جانە قازاقستاننان تىس جەرگە شىعۋىنا تىيىم سالىندى. بۇل تۋرالى ng.kz-گە سىلتەمە جاساعان egemen.kz ءتىلشىسى حابارلادى. قوستاناي قالالىق سوتى «يۆولگا-حولدينگ» كومپانياسىنان ەۋرازيالىق بانكتىڭ پايداسىنا 3000 مىڭ دوللار وندىرۋگە ۇكىم شىعارعاننان كەيىن ۆاسيلي روزينوۆتىڭ جەكە شوتى مەن ءوزىنىڭ سىرتقا شىعۋىنا تىيىم سالىندى. 2014 جىلى كومپانيا ەۋرازيالىق بانكتەن 80 ميلليون دوللار زاەم الادى, بىراق نەگىزگى قارىزدى ۋاقىتىسىندا تولەمەيدى. قىركۇيەك ايىندا ونىڭ كولەمى 50 ميلليون دوللار, ۇستەمەسى 7 ميلليون دوللاردى قۇرادى. ونىڭ سىرتىندا تۇراقسىزدىق ايىبى 27 ميلليون دوللار, شىعىندى ورنىنا كەلتىرۋ 26 ميلليون دوللاردان اسىپ ءتۇستى. مۇنىمەن قوسا سوتتىڭ وزىنە تولەيتىن باج سالىعى تاعى بار. قارىزعا بەلشەسىنەن باتىپ, بانكروت بولىپ جاتقان «يۆولگا-حولدينگ» 2015 جىلى رەسەيدەگى ەڭ ءىرى لاتيفۋنديست سانالدى. ونىڭ يەلىگىندە 550 000 گەكتار جەر بولدى. «يۆولگانىڭ» 2010 جىلعى قۋاڭشىلىقتان كەيىن شارۋاسى شايقالا باستادى, ول قازاقستاندىق بيزنەسىن رەسەيلىك بيزنەس ەسەبىنەن قارجىلاندىرۋعا ءماجبۇر بولدى. الايدا, بۇل ناتيجە بەرگەن جوق, جۇرداي قىلىپ, تاقىرعا وتىرعىزدى. ۆاسيلي روزينوۆ قازاقستاندىق ەڭ ىقپالدى كاسىپكەرلەردىڭ ءبىرى بولدى. Forbes جۋرنالىنىڭ مالىمەتىنشە, ول 2015 جىلى بايلىعى جونىنەن 41 ورىن الدى. 2015 جىلى ونىڭ بايلىعى 329 ميلليون دوللار بولىپ ەسەپتەلگەن. ءنازيرا جارىمبەتوۆا. دەرەك, فوتو: ng.kz.