«كەرەمەتتىڭ» كەرەمەتتەرى

ءال-فارابي اتىنداعى قازاق ۇلتتىق ۋنيۆەرسيتەتىندە بىرەگەي يننوۆاتسيالىق «Al-Farabi university smart city» جوباسى اياسىندا «كەرەمەت» ستۋدەنتتەرگە قىزمەت كورسەتۋ ورتالىعى بوي كوتەردى.  ورتالىق  ۇلى عۇلاما ءابۋ ناسىر ءال-ءفارابيدىڭ «قايى­رىمدى قالا تۋرالى» تراك­تاتى­نىڭ يدەولوگياسىنا نەگىز­دەلىپ ومىرگە كەلدى. بۇگىندە وقۋ-اعارتۋ­شىلىق, الەۋمەتتىك-تۇر­مىستىق, مەديتسينالىق, مادەني-دەمالىستىق باعىتتاعى قىز­مەت­تەر ۇسىناتىن ورتالىقتىڭ قىز­مەتىنە ۋنيۆەرسيتەتتىڭ وقىتۋ­شى-پروفەسسورلىق قۇرامى, قىز­مەت­كەرلەرى مەن ستۋدەنتتەرى ءدان ريزا. وقۋ-اعارتۋشىلىق باعىت بويىن­شا «ءبىر تەرەزە» قاعيداسى نەگىزىندە تىركەۋشى كەڭسەسى مەن ستۋدەنت كەڭسەسى ءوز قىزمەتتەرىن كور­سەتەدى. قۇرىلىمى جاعىنان ستۋدەنت كەڭسەسىندە ستۋدەنتتىك ءبولىم, حالىقارالىق اكادەميالىق ۇتقىرلىقتى قامتاماسىز ەتۋ سەكتورى, اسكەري-جۇمىلدىرۋ ءبولىمى, تولقۇجات ۇستەلى, بۋحگالتەريا, بيزنەس جانە مانساپ ورتالىعى, سونداي-اق, حقو موبيلدىك ءبولىم­شەلەرى بار. ستۋدەنتتەر قالاشىعى – ۇلت­تىق ۋنيۆەرسيتەت قابىرعاسىندا 17000-نان استام ستۋدەنت ءبىلىم الادى. قالاشىقتاعى «كەرەمەت» ستۋدەنتتەرگە قىزمەت كورسەتۋ ورتالىعىندا الەۋمەتتىك دۇكەننىڭ ىسكە قوسىلعانىن اتاپ وتكەن ءجون. الەۋمەتتىك دۇكەن ستۋدەنتتەر مەن وقىتۋشىلارعا تاۋارلار مەن ونىمدەردى جانە الەۋمەتتىك-تۇر­مىستىق قىزمەتتەردى نارىق­تاعىدان تومەن باعادا ساتىپ الۋعا مۇمكىندىك بەرەدى. بۇگىنگىدەي, كۇردەلى ەكونوميكالىق جاعدايدا, وسىنداي دۇكەننىڭ اشىلۋى, جاس­تارعا قولداۋ كورسەتۋدىڭ وڭتايلى جولى بولماق. بۇل الەۋمەتتىك دۇكەن ورتالىقتىڭ بارلىق الەۋمەتتىك-تۇرمىستىق باعىتتا كورسەتەتىن جالپى قىزمەتتەرىن كورسەتەدى. الەۋمەتتىك-تۇرمىستىق باعىت­تا كورسەتىلەتىن قىزمەتتەردىڭ سانى الۋان ءتۇرلى. ولاردىڭ قاتارىندا بانك, ءدارىحانا, زاڭگەر, نوتاريۋس, اۋە, تەمىرجول كاسساسى مەن تۋريستىك فيرما قىزمەتتەرى بار. كىتاپ دۇكەنى, فوتوستۋديا, ءسان سالونى مەن كىر جۋاتىن ورىن, سۋپەرماركەت, ستۋدەنتتىك اسحانا, اتەلە قىزمەتتەرى بۇگىندە بارلىق قاۋىمنىڭ ىقلاسىنا بولەنىپ وتىر. ءوز جۇمىستارىن جاڭا باستاپ, جاندانىپ كەلە جاتقان بۇل نىساندار ءارى قاراي دا ساپالى قىزمەت كورسەتە بەرەتىنى انىق. ستۋدەنتتەردىڭ كوڭىلدى دە, پايدالى  دەمالىسىن ۇيىمداستىرۋ ماقساتىندا ورتالىقتا مادەني-دەمالىستىق باعىتتا قىزمەت كورسە­تەتىن كينوتەاتر جۇمىس ىستەيدى. مەديتسينالىق باعىتتاعى قىز­مەت­تەردى ۇلتتىق ۋنيۆەرسيتەتتىڭ وڭتۇستىككورەيالىق سەرىكتەستەرى – سەۋل ۇلتتىق ۋنيۆەرسيتەتى جانە ەنسە ۋنيۆەرسيتەتتەرىمەن جاسالعان اراداعى تابىستى ارىپتەستىكتىڭ ناتيجەسى بولعان دياگنوستيكالىق ورتالىق كورسەتەدى. دياگنوس­تيكالىق ورتالىق پاتسيەنتتەرگە دياگنوستيكا جاساۋدىڭ ەڭ جوعارعى دەڭگەيىن قامتاماسىز ەتە الاتىن جاڭا مەديتسينالىق قۇرال-جابدىقتارمەن جابدىقتالعان. اتالمىش ورتالىق ۋنيۆەرسيتەتتە جاقىندا اشىلعان قوعامدىق دەنساۋلىق ساقتاۋ جوعارى مەكتە­بىنىڭ مەديكو-بيولوگيالىق كلاس­تەرىنىڭ ماڭىزدى قۇرامداس بولىگى بولىپ تابىلادى. بۇگىندە  «كەرەمەت»  قىزمەت كورسەتۋ ورتالىعى «اتى زاتىنا ساي», ستۋدەنتتەرگە بارلىق وقۋ-اعارتۋشىلىق, الەۋمەتتىك-تۇر­مىستىق, مەديتسينالىق, مادە­ني-دەمالىستىق باعىتتاعى قىزمەت­تەردى  ورتالىقتاندىرىلعان ءبىر ورىندا كورسەتەتىن بىردەن-ءبىر تاپتىرماس ورىن بولىپ وتىر. سون­دىقتان دا بولار, جاقىندا ورتالىقتا ساپارمەن بولىپ قايت­قان قازاقستان رەسپۋبليكاسىنىڭ  ۆيتسە-پرەمەرى د.ن.نازارباەۆا: «ۇلت­تىق ۋنيۆەر­سيتەتتە باستاما كوتەرگەن بۇل مودەلدىڭ ستۋدەنتتەر ءومىرىنىڭ قو­لايلى جاعدايىن قامتاماسىز ەتۋگە ۇمتىلعان قازاقستاندىق جوعارى وقۋ ورىندارى ءۇشىن ۇلگى» بولاتىنىن اتاپ ءوتتى. «كەرەمەت» – ول ستۋدەنتتەر مەن وقىتۋشى-پروفەسسورلىق قۇرامىنا ساپالى قىزمەتتەر ۇسىنۋشى, الەۋمەتتىك ماڭىزدى قىزمەتتەردىڭ كەڭ سپەكترىن بىرىكتىرگەن ۋنيۆەرسيتەت قابىرعاسىندا قۇرىلعان الەمدەگى بىردەن-ءبىر بىرەگەي ورتا­لىق. ەندەشە, بىرەگەي ورتالىقتىڭ بىرەگەي باستامالارعا اينالا بەرە­تىنىنە سەنىم مول. سايران باياندينوۆا, «كەرەمەت» ستۋدەنتتەرگە قىزمەت كورسەتۋ ورتالىعىنىڭ ديرەكتورى الماتى