بەيبىت ءومىردىڭ ورنىقتى وشاعى

مەن  –  قازاقستاندىق ازەرباي­جان­­دار­دىڭ وكىلىمىن. ءبىزدىڭ اتالارىمىز 1937 جىلعى قۋعىن-سۇرگىندە قا­زاقستانعا كەلگەن ەكەن. سودان بەرى وتباسىمىزدىڭ ءتورت ۇرپاعى وسىندا ومىرگە كەلدى. ازەربايجاندا الىس تۋىستارىمىز بولعانىمەن, ەڭ جاقىن-جۇراعاتتارىمىزدىڭ ءبارى وسىندا. ءبىز تال­دىقورعان ايماعىندا تۇردىق. سون­داعى كوكسۋ اۋدا­نىنىڭ بالپىق بي كەنتىندە وستىك. ءبىزدىڭ وتباسىمىزداعى اعا ۇرپاق قازاق تىلىندە تازا سويلەيتىن ەدى. وكىنىشكە قاراي, ءبىزدىڭ بۋىن قازاق ءتىلىن بىلمەي قالدى. ءتىپتى, ءوزىمىزدىڭ ازەربايجان ءتىلىن دە سونداي جاقسى بىلمەيمىز. ءسويتىپ, ءبىز قازاق زامانداستارىمىز سياقتى, كەڭەستىك سولاقاي ساياساتتىڭ قۇرباندارى بولدىق. «بولاشاقتا كوممۋنيزم بولادى, وندا حالىقتار ءبىر-اق تىلدە سويلەيدى» دەلىنەتىن ومىرمەن ەش بايلانىسى جوق ۇردا-جىق يدەولوگيا دەگەنىن ىستە­دى. سون­دىقتان, ورىس ءتىلىن­دە عانا ءسوي­لەۋگە تى­رىس­تىق. ال قازىرگى ۇر­پاقتا­رى­مىز قازاق جانە ورىس تىلدەرىنە دە سۋداي. ءما­سەلەن, مەنىڭ قىزىم ازەربايجان ءتىلىن شالا بىلگەنىمەن, قازاق, ورىس تىلدەرىندە تازا سويلەيدى. مەن قوعامدىق ءومىر­دە قازاق­ستان حال­قى اسسام­بلەيا­سى­نىڭ جۇمى­سىنا بەلسەندى تۇردە ارالاس­قان ادام ەمەسپىن. بىراق, ونىڭ قاجەت­تى­لىگىن ومىردە سەزىنىپ, كوزىممەن كورىپ جۇرگەن اداممىن. مۇنى ءبىزدىڭ پرەزي­دەن­تىمىز نۇرسۇلتان نازارباەۆتىڭ دانا شەشىمىنىڭ ناتيجەسى دەپ سانايمىن. كوپەتنوستى قازاقستان تۇرعىندارى اسسامبلەيا ارقىلى ءبىر حالىق بولىپ, ءبىر ۇجىمعا ۇيلەسىپ, ءبىر ءۇيدىڭ وتىن جاعىپ, سۋىن ءىشىپ وتىر. بارلىق ەتنوسقا دا بەيبىتشىلىك, تىنىشتىق, كورشىلەرىمەن تاتۋلىق, ءوزارا تۇسىنىستىك پەن كەلىسىم اۋاداي قاجەت. بۇل – ادامزات قاۋىمىنىڭ ەجەلدەن اڭساعان ارمانى. تاتۋلىق پەن ءتۇ­سى­نىستىك بولماسا, بەي­بىت ءومىر دە الىس­تاي تۇسەدى. ون­دايدى الەمنىڭ بارلىق تۇك­پىرلەرىنەن كورىپ ءجۇر­مىز. تاڭەرتەڭ امان-ەسەن جۇمىسقا كەتكەن ادامدار ءۇي­لەرىنە باسى ءبۇتىن, تولىق قايتا الماي نەمەسە قانسىراپ, اياعىنان زورعا باسىپ كەلىپ جاتاتىن جەرلەر از با؟ ۇيدە قالعان جاندار دالاعا شىققاندارىمىز امان كەلسە ەكەن دەپ جۇرەكتەرى دىرىلدەپ وتىرادى. ال ءبىز, قۇدايعا شۇكىر دەپ ايتايىق, وندايدىڭ ءبىرىن دە بىلمەيمىز. ۇيلەرىمىزگە قۋانىشپەن كەلەمىز. باعالاي بىلگەنگە وسىنىڭ ءوزى باقىت. سول كۇنگە ءبىزدى جەتكىزىپ وتىرعان ەلباسىمىزدىڭ بەيبىتسۇيگىش ساياساتى جانە ونى ىسكە اسىرىپ جاتقان قازاقستان حالقى اسسامبلەياسى. قوعامدىق ومىردە مەن كوممۋ­نيستىك پارتيانىڭ يدەو­لوگياسىن دۇرىس دەپ سانايمىن. 2001 جىلدان بەرى كوم­پارتيانىڭ ىسىنە بەلسەنە قا­تىسۋدامىن. ال 2004 جىلدان باس­تاپ الماتى وبلىسى وبكومىنىڭ, 2015 جىلدان الماتى قالاسى پارتيا كوميتەتىنىڭ ءبىرىنشى حاتشىسى, قازاقستان كوممۋنيستىك حالىق پارتياسى (قكحپ) ورتالىق كوميتەتى ساياسي بيۋروسىنىڭ مۇشەسىمىن. مەن كوممۋنيستىك پار­تيانىڭ ناعىز حا­لىقشىل, قاراپايىم حالىقتىڭ جوق-جىتىگىن قولدايتىن, قورعايتىن جولىن بۇلدىرگەن كەڭەستىك توعىشار فۋنكتسيونەرلەر دەپ سانايمىن. ايتپەسە, كوم­مۋنيستىك پارتيانىڭ تۇپكى ماقسا­تى وتە دۇرىس ەدى. قازاقستان حالقى اسسامبلەيا­سىنىڭ بەيبىتسۇيگىش ماقساتى مەنىڭ كوممۋنيستىك كوزقاراسىما دا ساي كەلەدى. سوندىقتان, مەن ونىڭ قادامدارىن قولدايمىن, قولىمنان كەلىپ جاتسا, ونىڭ ىسىنە كومەك بەرۋگە دە ءازىرمىن. ماگەررام ماگەرراموۆ, پارلامەنت ءماجىلىسىنىڭ دەپۋتاتى استانا