ءبىرىنشى كەڭەس اياسىنداعى كەزدەسۋلەر

قازاقستان رەسپۋبليكاسى پارلامەنتى سەناتىنىڭ توراعاسى قاسىم-جومارت توقاەۆ ماسكەۋدە ەۋرازيا ەلدەرى پارلامەنتتەرى سپيكەرلەرىنىڭ ءبىرىنشى كەڭەسىنىڭ اياسىندا يران پارلامەنتىنىڭ توراعاسى الي لاريدجانيمەن كەزدەستى, دەپ حابارلادى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى جۇزدەسۋشىلەر پرەزيدەنت ن.نازارباەۆتىڭ تاياۋدا يرانعا بارعان رەسمي ساپارىنىڭ ەرەكشە ماڭىزىن جانە ونىڭ بارىسىندا ساۋدا-ەكونوميكالىق سالاداعى ءىرى ۋاعدالاستىقتارعا قول جەتكەنىن اتاپ ءوتتى. ارقاشان دوستىق پەن ءوزارا قولداۋ رۋحىندا دامىپ كەلە جات­قان قازاقستان مەن يران قاتى­ناس­تارى قازىرگى كەزدە جاڭا ساتىدا ورىستەۋ ۇستىندە. توراعالار تەررورلىق ۇيىمدار ارەكەتىنىڭ ۇدەي تۇسۋىنە بايلانىستى ايماقتىق قاۋىپسىزدىكتىڭ وزەكتى ماسەلەلەرىن تالقىلادى. ەكست­رەميزممەن كۇرەستە ايماق ەل­دەرى­نىڭ ۇيلەسىمدى ءىس-قيمىلىنىڭ قاجەتتىگى اتاپ ءوتىلدى. ق.توقاەۆ يران پار­لامەنتشىلەرىن 31 مامىر­دا استانادا بولاتىن «دىندەر تەرروريزمگە قارسى» كونفەرەنتسياسىنا قاتىسۋعا شاقىردى. سول كۇنى سەنات توراعاسى ق.توقاەۆ رەسەي فەدەراتسياسى فە­دە­رال­دىق جينالىسى فەدەرا­تسيا كەڭەسىنىڭ ءتورايىمى ۆالەن­تي­نا ماتۆيەنكومەن كەزدەستى. تاراپ­تار پارلامەنتارالىق ىنتى­ماق­تاستىقتىڭ قازىرگى جاعدايى, ايماقتىق ىقپالداستىق ۇدەرىستەرى جانە الەمدەگى احۋال تۋرالى پىكىر الماستى. 11 مامىردا فەدەراتسيا كەڭەسى ءتورايىمىنىڭ قازاقستانعا رەسمي ساپارى باستالادى.