جايىلىم تۋرالى زاڭ

جوباسى بويىنشا قورىتىندى ازىرلەنەتىن بولدى كەشە پارلامەنت ماجىلىسىندە پالاتا سپيكەرى باقتىقوجا ىزمۇحامبەتوۆتىڭ توراعالىعىمەن كەزەكتى جالپى وتىرىس بولدى. كۇن تارتىبىنە ءتورت ماسەلە شىعارىلعان ەدى سونىڭ ىشىندە «جايىلىمدار تۋرالى» زاڭ جوباسى بويىن­شا قورى­تىندى ازىرلەۋ ماسەلەسى ءبىرىن­شى بولىپ قارالدى. بۇل زاڭ جوبا­سى دەپۋتاتتاردىڭ باس­­تا­ماشى­لىعىمەن بەسىنشى شا­قى­­رىلىمدا ازىرلەنگەن ەكەن. جوبانىڭ اۆتورى – دەپۋتات جەكسەنباي دۇيسەباەۆ. «ەگەمەننىڭ» جىلجابار ايدارىنا بەرگەن سۇحباتىندا ول وسى كۇنگە دەيىن ەلىمىزدە جايى­لىمدار تۋرالى زاڭ جوق ەكەنىن, سول ءۇشىن اتالعان زاڭدى ءازىر­لەگەنىن ايتقان. ەندى زاڭ جوباسى ۇكىمەتتە قارالىپ, قابىل­دانۋ ءۇشىن پارلامەنتكە كەلىپ وتىر. زاڭ جوباسى تۋرالى پالاتانىڭ اگرارلىق ماسەلەلەر كوميتەتىنىڭ توراعاسى ساپارحان وماروۆ باياندادى. ونىڭ ايتۋىنا قاراعاندا, بۇگىنگى تاڭدا رەسپۋبليكادا شامامەن 188 ملن. گەكتار جايىلىم بار. سونىڭ 80 ملن. گەك­تارى, ياعني 43 پايىزعا جۋىعى عانا پايدالانىلا­دى. ونىڭ ىشىندە 27 ملن. گەكتار توزعان جانە ولار­دىڭ باسىم بولىگى ەلدى مەكەندەرگە جاقىن ورنالاسقان جەرلەرگە تيەسىلى. بۇۇ-نىڭ حا­لىق­ارالىق ساراپشىلارىنىڭ دەرەگىنە قاراعاندا, ودان كەلەتىن شىعىن جىلىنا 1 ملرد. دوللاردى قۇرايدى ەكەن. ەلىمىزدە وسى ۋا­قىتقا دەيىن جايىلىمدار تۋرالى زاڭ بولماعاندىقتان, ولاردىڭ قۇنارىن ساقتاۋدىڭ, ءتيىمدى پايدالانۋدىڭ قۇقىقتىق نورمالارى جوق. مىنا زاڭ جوباسى سولاردىڭ ءبارىن ەسكەرگەن, دەدى بايانداماشى. دەپۋتاتتار زاڭ جوباسى تۋرالى قورىتىن­دى ازىرلەۋ ءۇشىن جەلتوقسان ايىنا دەيىن مەرزىم بەرۋگە كەلىستى. سونداي-اق, ءماجىلىس دەپۋتاتتارى «جايى­­لىمدار تۋرالى» زاڭ جوباسىنىڭ ىلەس­پە قۇجاتىن دا جۇمىسقا قابىلدادى. جالپى وتىرىستا قازاقستان مەن حا­لىق­­ارالىق قايتا قۇرۋ جانە دامۋ بانكى اراسىنداعى قارىز تۋرالى كەلىسىمدى (ماكرو­ەكونوميكالىق باسقارۋ جانە ەكونومي­كانىڭ باسەكەگە قابىلەتتىلىگىن ارتتىرۋ سالاسىنداعى دامۋ ساياساتىن قارجىلاندىرۋ بويىنشا ءبىرىنشى كرەديت) راتيفيكاتسيالاۋعا ارنالعان زاڭ جوباسى بويىنشا قورىتىندى ازىرلەۋ مەرزىمى دە بەلگىلەندى. كۇن تارتىبىندەگى سوڭعى ماسەلە قازاق­ستان مەن ماكەدونيا اراسىنداعى ينۆەس­تي­تسيا­لاردى كوتەرمەلەۋ جانە ءوزارا قورعاۋ تۋرا­لى ۇكىمەتارالىق كەلىسىمدى راتيفي­كاتسيا­­لاۋعا قا­تىستى زاڭ جوباسى جونىندە بولا­تىن. بۇل كەلى­سىمگە سايكەس ءاربىر تاراپ ءوز اۋما­عىندا ەكىن­­شى تاراپ ينۆەستورلارىنىڭ ينۆەس­تيتسيا­لارى مەن ينۆەستيتسيالارىنان ءتۇس­كەن كىرىس­تەرى­نە ءادىل جانە تەڭ قۇقىلى رەجى­مىن, سو­نداي-اق, ولاردىڭ تولىق قور­عالۋىن قامتاماسىز ەتەدى. زاڭ جوباسى بويىنشا ينۆەستيتسيالار جانە دامۋ ءمينيسترى اسەت يسەكەشەۆ بايانداما جاسادى. ول كەلىسىمنىڭ ەكى جاققا دا ءتيىمدى ەكەندىگىن دالەلدەپ بەردى. قوسىمشا بايانداما جاساعان ءماجىلىس دەپۋتاتى, حالىقارالىق ىستەر, قورعانىس جانە قاۋىپسىزدىك كوميتەتىنىڭ مۇشەسى ەرسۇلتان بەكتۇرعانوۆ زاڭ جوباسى ينۆەستيتسيالىق احۋالدى جاقسارتۋعا, ءوزارا ساۋدا-ەكونوميكالىق بايلانىستى نىعايتۋعا ىقپال ەتەتىنىن جەتكىزدى. بۇل – ءبىزدىڭ ەلدەگى ينۆەستيتسيالاردى كوتەرمەلەۋگە جانە قور­عاۋعا ارنالعان 49-شى قۇجات. سوندىقتان, اتالعان زاڭ جوباسىن راتيفيكاتسيالاۋ قازاق­ستانعا تاعى ءبىر مەملەكەتتەن ينۆەستي­تسيا تارتۋعا ىقپال ەتەدى دەپ كۇتىلۋدە, دەدى ول. زاڭ جوباسى ءبىراۋىزدان ماقۇلداندى. كۇن تارتىبىندەگى ماسەلەلەر قارالىپ بول­عان سوڭ دەپۋتاتتار ورتالىق بيلىك ورگان­دارى­نا ار­ناعان وزدەرىنىڭ دەپۋتاتتىق ساۋال­دارىن جاريا ەتتى. جاقسىباي سامرات, «ەگەمەن قازاقستان»