جامبىل وبلىسىندا 23 465 ادامعا اقشالاي كومەك كورسەتىلدى

تاراز. 20 ءساۋىر. «جامبىل وبلىسىندا 2014-2015 جىلدار ارالىعىندا «ورلەۋ» سەرپىندى» باعدارلاما ەنگىزىلىپ, سونىڭ اياسىندا 2014 جىلدان بەرى اقشالاي كومەك تاعايىندالۋدا. بۇل تۋرالى egemen.kz ءتىلشىسى حابارلادى. شارتتى اقشالاي كومەك از قامتىلعان وتباسىنداعى ەڭبەك جاسىنداعى ازاماتتاردىڭ مىندەتتى تۇردە مەملەكەتتىڭ جۇمىسپەن قامتۋ شارالارىنا قاتىسقان جاعدايدا عانا تاعايىندالادى. وڭىرلىك كوممۋنيكاتسيالار قىزمەتىندە وتكەن بريفينگتە جامبىل وبلىسى اكىمدىگى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ الەۋمەتتىك كومەك جانە الەۋمەتتىك نورماتيۆتەر ءبولىمىنىڭ باسشىسى عازيزا سادىرباەۆا وبلىستا «ورلەۋ» باعدارلاماسى ەنگىزىلگەلى شارتتى اقشالاي كومەكپەن 23465 ادام قامتىلعانىن ايتتى. باعدارلاما اياسىندا 5511 ادام نەمەسە جۇمىسقا جارامدى جاستاعى شارتتى اقشالاي كومەك الۋشىلاردىڭ 92,3 پايىزى, جۇمىسپەن قامتۋ شارالارىنا تارتىلدى. ناتيجەسىندە وبلىستا تابىسى كەدەيلىك شەگىنەن تومەن تۇراتىن ازاماتتاردىڭ ۇلەسى 2014 جىلدان بەرى ەكى ەسە قىسقارىپ, 0,4 پايىز بولدى. اتاۋلى الەۋمەتتىك كومەك الۋشىلار ىشىندەگى جۇمىسقا جارامدى ازاماتتاردىڭ ۇلەسى 27,2 پايىزعا دەيىن تومەندەدى. ورالحان ءداۋىت. دەرەك, فوتو: egemen.kz