جامبىل وڭىرىندە يگەرىلمەگەن جەرلەر قايتارىلادى

تاراز. 20 ءساۋىر. جامبىل وبلىستىق جەر پايدالانۋ جانە قورعاۋ باسقارماسى تاراپىنان وتكەن جىلى 324 تەكسەرۋلەر جۇرگىزىلىپ, 186 زاڭبۇزۋشىلىق انىقتالدى. بۇل تۋرالى egemen.kz ءتىلشىسى حابارلادى. زاڭبۇزۋشىلىقتار بويىنشا 128 ەسكەرتۋ جانە 58 ادامعا 8,3 ملن.تەڭگە كولەمىندە ايىپپۇل سالىندى. ونىڭ ىشىندە: اۋىل شارۋاشىلىعى ماقساتىنداعى جەرلەرىن پايدالانباعان 127 ادامعا ءبىر جىلدىق ەسكەرتۋ بەرىلدى. ال ايىپپۇل سالىنعان 20 زاڭبۇزۋشى 2,6 ملن.تەڭگە ايىپپۇلدى تولەسە, 5 ادامعا قاتىستى سالىنعان 892 مىڭ تەڭگە ايىپپۇلدى ماجبۇرلەپ ءوندىرۋ شارالارى قولدانىلۋدا. وتىنىشتەر مەن سۇرانىستار نەگىزىندە وسى زاڭبۇزۋشىلىقتاردىڭ ىشىندە 3 ادامعا نىسانالى ماقساتىن بۇزعانى ءۇشىن ايىپپۇل سالىندى. بۇدان بولەك تاراز قالاسى اكىمدىگىنىڭ جەر قاتىناستارى ءبولىمىنىڭ سۇرانىس حاتىنا سايكەس جەر ۋچاسكەلەرىن پايدالانباي وتىرعان 69 جەر ۋچاسكەلەرى بويىنشا تولىق زەردەلەۋ جانە تەكسەرۋ شارالارى اتقارىلدى. ناتيجەسىندە زاڭبۇزۋشىلىق انىقتالعان 23 جەر ۋچاسكەسى بويىنشا 1 جىلدىق حابارلاما بەرىلىپ, ادىلەت مەكەمەسىمەن اۋىرتپاشىلىق قويىلدى. جالپى تاراز قالاسى بويىنشا وسىنداي 27 كاسىپكەرلىك ماقساتتاعى جانە مەركى اۋدانىندا 2 جەر ۋچاسكەسى انىقتالىپ جانە شارا قولدانىلىپ, ءتيىستى مەملەكەتتىك كىرىستەر باسقارماسىنا اعىمداعى جىلدىڭ 15 اقپانىندا وسى جەر ۋچاسكەلەرىنە جەر سالىعىنىڭ 10 ەسە كوبەيتىلگەن بازالىق مولشەرلەمەسىن قولدانۋ ۇسىنىلدى. «ال بيىلعى جىلى 39 تەكسەرۋ جۇمىستارى اتقارىلىپ, 29 زاڭبۇزۋشىلىق فاكتىلەرى تىركەلدى. 15 ادامعا 4,3 ملن. تەڭگە كولەمىندە ايىپپۇل سالىنسا, اۋىل شارۋاشىلىعى جەرلەرىن پايدالانباعان 13 ادام مەن نىسانالى ماقساتىن بۇزعانى ءۇشىن ءبىر جەر پايدالانۋشىعا ەسكەرتۋ جانە قۇرىلىس ءۇشىن ارنالعان جەرىن پايدالانباعان ءبىر ادامعا ءبىر جىلدىق حابارلاما بەرىلدى»,  دەدى بۇل تۋرالى وڭىرلىك كوممۋنيكاتسيالار قىزمەتىندە وتكەن بريفينگتە جامبىل وبلىستىق جەر پايدالانۋ جانە قورعاۋ باسقارماسىنىڭ باسشىسى سەرىكباي تاپەەۆ. ورالحان ءداۋىت.   دەرەك, فوتو: egemen.kz