ءوزىڭدى ءوزىڭ تانى

قازاق مەملەكەتتىك قىزدار پەداگوگيكالىق ۋنيۆەرسيتەتىندە «ءوزىن ءوزى تانۋ» ءپانى بويىنشا IV رەسپۋبليكالىق پاندىك وليمپيادا ءوتتى. وتكەن جىلى استانا قالاسىندا وتكەن وليمپيادانىڭ باس جۇلدەگەرى اتانعان قىزدار ۋنيۆەرسيتەتى بيىلعى سايىستى وتكىزۋ مارتەبەسىنە يە بولىپ, ءوز دوس­تارىن كيەلى شاڭىراقتا قارسى الدى. ءبىلىم جانە عىلىم مينيسترلىگى, قازاق مەملەكەتتىك قىزدار پەداگوگيكالىق ۋنيۆەرسيتەتى جانە «بوبەك» ۇلتتىق عىلىمي-تاجىريبەلىك, ءبىلىم بەرۋ جانە ساۋىقتىرۋ ورتالىعىنىڭ ۇيىمداستىرۋىمەن وتكەن ءبىلىم سايىسىنا ەلىمىزدەگى جوو-لاردىڭ الەۋمەتتىك پەداگوگيكا جانە ءوزىن ءوزى تانۋ ماماندىعى بويىنشا وقىپ جاتقان 3-ءشى كۋرس ستۋدەنتتەرىنەن 9 كوماندا قاتىستى. وسىمەن ءتورتىنشى رەت وتكى­زىلىپ وتىرعان رەسپۋب­ليكالىق وليمپيادانىڭ جاستاردىڭ جاقسى مەن جاماندى اجىراتا ءبىلۋ قابىلەتتەرىن دامىتۋدا ەلىمىزدىڭ ءبىرىنشى حانىمى س.ا.نازارباەۆانىڭ اۆتورلىق «ءوزىن ءوزى تانۋ» رۋحاني ادامگەرشىلىك ءبىلىم بەرۋ باعدارلاماسىنىڭ ورنى ەرەكشە ەكەندىگىن اتاپ وتكەن قىزدار ۋنيۆەرسيتەتىنىڭ ءبىرىنشى پرورەكتورى باحودير اليەۆ قاتىسۋشىلارعا ءسات­تىلىك تىلەدى. وليمپياداعا قاتىسۋ­شىلار «جۇرەكتەن جۇرەككە» تانىستىرۋ سايىسى, «وقى, وقى جانە وقى!» تەوريالىق جانە پراكتيكالىق بىلىمدەر, سۇراق-جاۋاپ بايقاۋى, «ءبىز الەمدى جاقسارتامىز» دەگەن تاقىرىپتا الەۋمەتتىك-پەداگوگيكالىق جوبا قورعاۋ سايىسى, «جالپىادامزاتتىق قۇندىلىقتاردى ءتۇرلى كوركەم شىعارمالارعا ينتەگراتسيالاۋ» ساحنالىق قويىلىمدار بايقاۋى, «ۇستاز, ءسىز قۇر­مەت­تى اتقا لايىقسىز!» ەسسە جا­زۋ ءۇي تاپسىرماسى سىندى بەس كەزەڭنەن تۇراتىن سايىس­تا باق سىناسىپ, ۇلكەن دايىندىقپەن كەلگەندەرىن كورسەتتى. «ءداستۇرلى تۇردە ءوت­كى­زى­لىپ كەلە جاتقان وليمپيا­دا – «ءوزىن ءوزى تانۋ» ءپانى بويىن­شا ءبىلىم الىپ كەلە جاتقان ستۋدەنتتەرگە جاق­سىلىق, مەيىرىمدىلىك, تى­نىشتىق, راقىمشىلىق دەگەن قاسيەتتەردى تەرەڭىرەك تۇسىنۋگە, ىزدەنۋگە, جاڭا شى­­عار­ماشىلىق ويلار تۋدىرۋعا, ءوزىمىزدىڭ تا­ري­حي قالىپتاسقان ءىز­گى­لىك باعىتىنداعى وي­لار­عا تەرەڭىرەك ءۇڭىلىپ قا­­راۋ­عا, ءوزىنىڭ ومىرىمەن ساباق­تاستىرۋعا جانە كەيىنگى ۇر­پاققا جەتكىزۋدە كوپ ءمۇم­­­كىندىك بەرەتىن ءىس-شارا. ەكىن­­­شىدەن, بۇل وليمپيادا ارقىلى بولاشاق ۇستازدار تەوريالىق بىلىمدەرىن پراكتيكامەن ۇشتاستىرىپ, كا­سىبي بىلىكتىلىكتەرىن جو­عا­رىلاتادى. ءبىزدى قاتى­سۋ­­­شىلاردىڭ وتە جو­عارى داي­ىن­­دىقپەن كەل­گەندەرى قۋانت­­تى», – دە­دى ۋني­ۆەر­سي­تەتتىڭ پەدا­گوگيكا جانە پسي­حولوگيا فا­كۋل­تەتىنىڭ دە­كانى, قازىلار القاسىنىڭ ءمۇ­شەسى سايرا جيەنباەۆا. بايقاۋ قورىتىندىسىندا ءى ورىندى ق.جۇبانوۆ اتىن­­داعى اقتوبە وڭىرلىك مەم­لەكەتتىك ۋنيۆەرسيتەتىنىڭ «ىزگىلىك شۋاعى», ءىى ورىندى اباي اتىنداعى قازۇپۋ-ءدىڭ «مەيىرىم» جانە تاراز مەملەكەتتىك پەداگوگيكالىق ينستيتۋتىنىڭ «اينا­لاي­ىن», ءىىى ورىن­دى قا­زاق-ورىس حالىق­ارا­لىق ۋني­ۆەر­سي­تەتى, ش.ءۋا­لي­حانوۆ اتىن­دا­عى كوك­شەتاۋ مەم­لەكەتتىك ۋني­­ۆەر­سيتەتى مەن پاۆ­لودار مەملەكەتتىك پە­داگوگيكالىق ينس­­تي­تۋ­تىنىڭ توپتارى ءوزارا ءبو­لىستى. جە­ڭىمپازدار ديپلومدارمەن جانە ارنايى سىي­لىق­تارمەن ماراپاتتالدى. توپتاردى دايىنداعان جەتەك­شىلەرگە دە العىس حاتتار مەن سىيلىقتار تابىستالدى. گۇلزەينەپ سادىرقىزى, «ەگەمەن قازاقستان» الماتى