اباي مۇراجايى

اقىن زامانىنداعى ەر-توقىممەن تولىقتى ۇلى اقىن ابايدىڭ «جي­دەباي-ءبورىلى» مەملەكەتتىك قورىق-مۇراجايى تاريحي, اسا قۇندى جادىگەر – ەر-تو­قىممەن تولىقتى. كو­نەنىڭ كو­زىندەي بولعان بۇل ات ابزەلىن قاراعاندى وب­لىسىنداعى, بۇقار جىراۋ اۋدانىنىڭ 85 جاس­تا­عى تۇرعىنى رامازان قۇ­سايىن ۇلى مۇراجايعا تاپ­سىرعان. قاريانىڭ ايتۋىنشا, باعالى دۇنيە ابايدىڭ ناعاشى اتاسى, ياعني ۇلجان­نىڭ اكەسى تۇرپان بيتەن­ ۇلىنا تيەسىلى. ول قايتىس بولار شاعىندا ەر-توقىمدى ۇلى تونتايعا قالدىرعان. الايدا, حح عاسىردا قۋعىن-سۇرگىنگە ۇشىراعان تونتاي ۇرپاعى اتادان قالعان مۇ­رانى تاۋ ۇڭگىرلەرىنىڭ ءبى­رىنە جاسىرۋعا ءماجبۇر بولادى. ارادا ءبىراز ۋاقىت وتكەننەن كەيىن, 1939 جىلى اۋىلدىق كەڭەس توراعاسى قۇندى زاتتى رامازاننىڭ اكەسى قۇسايىن سادىق ۇلىنا اماناتتايدى. كوزى تىرىسىندە ءبىراز جوندەۋدەن وتكىزىپ, قارتايعان شاعىندا ۇلى رامازانعا تاپسىرعان. وسى­لايشا, ۇرپاقتان-ۇرپاققا ساقتالىپ كەلگەن جادىگەر ەندى مۇراجاي تورىنەن ورىن الدى. – ابايدىڭ ناعاشى اتا­سىنان قالعان ەر-تو­قىم­نىڭ بۇگىنگە دەيىن ساق­تالىپ كەلگەنىن ەستى­گەنىمىزدە ەرىكسىز تاڭ قال­دىق. ۋاقىت جوعالتپاي, را­مازان قۇسايىن ۇلىمەن باي­لانىسقا شىعىپ, قۇندى دۇنيەنى مۇراجايعا تاپسىرۋىن سۇرادىق. ول كىسى دە كەلىسە كەتتى. اكەدەن قال­­عان مۇرانى كوزىنىڭ قا­راشىعىنداي ساقتاعانى كورىنىپ تۇر. الداعى ۋا­قىتتا رەستاۆراتسيالاپ, عي­­ماراتىمىزدىڭ تورىنە قويامىز, – دەدى مۇراجاي دي­رەكتورىنىڭ ورىنباسارى مەيرامگۇل قايرانباەۆا. ايان ءابدۋالي, «ەگەمەن قازاقستان»