بىرلىگى بەرىك ەلدىڭ ەڭسەسى بيىك

كەشە استانادا قازاقستان حال­قى اسسامبلەياسى توراعاسىنىڭ ورىنباسارى – حاتشىلىق مەڭگەرۋشىسى ەرالى توعجانوۆ پرەزيدەنت جانىن­داعى ۇلتتىق جاڭعىرتۋ كوميسس­ياسى جۇمىس توبىنىڭ ساراپ­شىلارىمەن كەزدەستى. پرەزيدەنتتىك رەفورمالاردى تالقىلاۋعا ارنالعان بۇل باسقوسۋ­دا ەلىمىزدە جوسپارلانعان رەفور­ما­لار تۋرالى اقپاراتتارمەن قام­تاماسىز ەتۋ, سونداي-اق, ساراپ­شى­­لارمەن كەرى بايلانىس تەتىگىن قا­لىپ­تاستىرۋ ماسەلەلەرى كەڭىنەن ءسوز بولدى. جيىندا ەرالى توعجانوۆ بەس ينستيتۋتتىق رەفورمانىڭ ءتورتىنشى – «بولاشاعى ءبىرتۇتاس ۇلت» رەفورماسىن جۇزەگە اسىرۋعا ەرەكشە كوڭىل ءبولىنىپ وتىرعانىنا توقتالدى. وسى ورايدا ە.توعجانوۆ: «قوعامدىق كەلىسىم جانە ۇلتتىق بىرلىك سالاسىنداعى مەملەكەتتىك ساياساتتى كۇن تارتىبىندەگى وزەك­تى ماسەلەلەر بويىنشا عىلى­مي ۇسى­نىستارمەن جانە ازىرلەنىم­دەر­مەن قامتاماسىز ەتۋ قاجەت», – دەدى. ودان ءارى قازاقستان حالقى اسسامبلەياسى ءتور­­­اعا­­سىنىڭ ورىنباسارى قوعامىمىزدا قولعا الى­نۋى ءتيىس ناقتى شارالار جونىندە ايتىپ بەردى. «وزدەرىڭىزگە بەلگىلى, قازاقستان حالقى اسسامبلەياسىنىڭ جانىنان عىلىمي-ساراپ­تامالىق كەڭەس قۇرىلعان بولاتىن. ونىڭ جۇمىس ىستەپ جاتقانىنا 5 جىلدان استام ۋاقىت ءوتتى. سونىمەن قاتار, ەلىمىزدىڭ ءاربىر وبلىسىنداعى جوعارى وقۋ ورىندارىندا قازاقستان حالقى اسسامبلەياسىنىڭ كافەدرا­سىن اشتىق. مۇنداعى ماقساتىمىز – جوعارى وقۋ ورىندارىندا ءبىلىم الىپ جاتقان جاستارعا ەلىمىزدىڭ بىرلىك جونىندەگى ساياساتىن ءتۇسىندىرۋ. قوعامدىق كەلىسىم مەن ۇلتارالىق تاتۋلىق­ت­ىڭ قازاقستاندىق مودەلىن ەڭ الدىمەن جاستارىمىز ءبىلۋى قاجەت. سونىمەن قاتار, كوپۇلتتى قازاقستاننىڭ قالىپتاسۋ تاريحىن دا بۇگىنگى جاستارىمىز, حالقىمىز بىلگەنى ءجون. بۇل باعىتتا اتقارىلىپ جاتقان جۇمىستاردى جۇرتىمىز ۇعىپ ءجۇرۋى ءتيىس», – دەدى ول. ونىڭ ايتۋىنشا, مەملەكەتتىك قىزمەتتە جۇمىس ىستەيتىن بارلىق ازامات قوعامدىق كەلىسىم مەن ۇلتتىق بىرلىك ماسەلەسىنە وراي ارنايى دايىندىقتان وتكەنى دۇرىس. ول ءۇشىن پرەزيدەنت جانىنداعى مەملەكەتتىك قىزمەت اكادەمياسىندا ارنايى ورتالىق قۇرىلعان. اتالعان ورتالىقتان 3 جىلدىڭ ىشىندە 2700-گە جۋىق ازامات ءدارىس العان. ايتا كەتەيىك, كەزدەسۋگە بەلگىلى ساراپشىلار, ساياساتتانۋ سالاسىنداعى بەلگىلى ماماندار, پرەزيدەنت جانىنداعى باسقارۋ اكادەمياسىنىڭ, ەۋرازيالىق ينتەگراتسيا ينستيتۋتىنىڭ جانە «قوعامدىق پىكىر» زەرتتەۋ ينستيتۋتىنىڭ وكىلدەرى قاتىستى. جولدىباي بازار, «ەگەمەن قازاقستان»