سەمەيدىڭ ەكى قىزى

كاردەننىڭ كوللەكتسياسىن كورسەتۋگە قاتىستى سەمەي قالاسىنىڭ ەكى بىردەي وقۋشى قىزى ايدى اسپانعا ءبىر-اق شىعارىپ, ماسكەۋدە وتكەن جوعارى مودا اپتالىعىندا ۇزدىكتەر قاتارىنان تابىلدى. وسى سىندا دينارا بايمۇراتوۆا مەن ديانا باقتيارقىزى فرانتسۋزدىڭ اتاقتى مودەلەرى پەر كاردەننىڭ كيىم ۇلگىلەرىن كيىپ كورسەتەتىن سۋپەرمودەلدەر قاتارىنان ورىن الدى. رەسەي استاناسىنىڭ قىزىل الاڭ جيەگىندە ورنالاسقان «قوناقتار اۋلاسى» اۋماعىنداعى باستى تۇعىرىندا وتكەن اپ­تالىقتا 200 ەلدىڭ وكىلدەرى باق­تارىن سىنادى. سول سايىستا سەمەيدىڭ 15 جانە 16 جاستارداعى ەكى وقۋشى قىزى ءسان ۇلگىلەرىن كورسەتەتىن قىزدار اراسىنداعى تاڭداۋلى 20 مودەلدىڭ قاتارىنا كىردى. جيۋري مۇندا قىزداردىڭ مودەلدىك پارامەترلەرىنە عانا ەمەس, سونىمەن قاتار ولاردىڭ تابيعي سۇلۋلىقتارىنا دا قاراعان كورىنەدى. ناتيجەسىندە كورسەتىلىمدە تاماشا ونەر كورسەتكەن سەمەيلىك قىزدار بارىنشا قاتاڭ سىناق وتكەلەگىنەن ءساتتى ءوتىپ, پەر كاردەننىڭ ءوزىنىڭ كوللەكتسيالارىن تانىستىرۋ سالتاناتى تورىنەن ورىن الدى. ەندى ولاردىڭ الدارىندا ءپاريجدى باعىندىرۋ ماقساتى تۇر. مۇرات ايتقوجا.