جارىستار جاڭعىرىعى

قازاق  كۇرەسى. استا­نادا قازاق كۇرەسىنەن ەلباسى نۇرسۇلتان نازارباەۆتىڭ ءجۇل­دەسى ءۇشىن «قا­زاقستان بارىسى» رەسپۋب­ليكالىق ءتۋرنيرىنىڭ قالالىق ىرىكتەۋ جارىسى ءوتتى. سايىسقا 38 بالۋان قاتىستى. بەلدەسۋلەر كۇنى بويى ءوتىپ, كەشكە قاراي ەكى با­لۋان انىقتالدى. فينالدا ايبات سەيتەن مەن ايتۋار ابدۋلوۆ «قازاقستان بارىسى» رەسپۋبليكالىق تۋر­نيرىنە جولداما الدى. ەندى ولار بىرنەشە جىلدان بەرى جىل سايىن ءداستۇرلى تۇردە وتكىزىلىپ, حالىقتىڭ قىزىعۋشىلىعىنا بولەنگەن تۋرنيرگە استانا قالاسىنىڭ اتىنان قاتىساتىن بولادى. شاحمات. بىرىككەن اراب امىرلىكتەرىنىڭ ابۋ دابي قا­لا­سىندا ازيا كۋبوگى ءۇشىن كوماندالىق جارىس ءوتىپ جاتىر. بۇل سىنعا قازاقستان قۇ­را­ماسى ساپىندا ري­نات جۇ­ماباەۆ, ءانۋار ەسما­عامبەتوۆ, مۇر­تاس قاجى­عاليەۆ, رۋس­تام حۋس­نۋتدينوۆ, پيوتر كوس­تەنكو, دي­نارا ءسادۋا­قا­سوۆا, جانسايا ءاب­دى­مالىك, ءما­دينا داۋلەتباەۆا, گۇل­ميرا ءداۋ­لەتوۆا مەن شول­پان جى­ل­­قايداروۆا قا­تىسۋدا. دۇيسەنبى كۇنى قازاقستان كو­مانداسى ۇپاي سانى بويىن­شا ءبىرىنشى ورىندا كەلە جات­قان وزبەكستاندى 3:1 ەسەبىمەن ۇتتى. قازىر تۋرنير كەستەسىندە وزبەكستان, قىتاي, ۆەتنام, قازاقستان, ءۇندىستان ءبىر-ءبىر­لەرىنىڭ وكشەسىن باسىپ كەلە جا­تىر. ەرلەر جارىسىندا ءۇن­­دىستان, قىتاي, موڭعوليا, يران مەن قازاقستان شاحماتشىلارى جۇلدەلى ورىنعا تالاسۋدا. كاراتە-دو. پولشانىڭ بىدگوشش قالاسىندا VII الەم چەم­پيوناتى اياقتالدى. بۇل دودادا ءمولدىر جاڭبىرباي مەن نۇرجان اقپانبەت الەم چەمپيونى اتاندى. قازاقستان سپورتشىلارى تاعى ءبىر جارىستا ەلىمىزدىڭ نامىسىن قورعاپ, ءانۇرانىمىزدى شىرقاتتى. اقش-تىڭ لاس-ۆەگاس قالاسىندا ءوت­كەن حالىقارالىق Junior Chempionship, USA Open جانە Ozawa Cup تۋرنيرلەرىندە كارا­تەشىلەرىمىز 3 التىن, 6 كۇمىس جانە 5 قولا مەدالدى جەڭىپ الدى. كۇرەس. ەستونيانىڭ تال­­لين قالاسىندا جاستار ارا­­سىندا كۇرەس تۇرلەرىنەن حالىقارالىق تۋرنير ءوتتى. وعان 20 ەلدەن 1800 سپورتشى قاتىستى. گرەك-ريم كۇرەسىنەن ايدوس سۇلتانعالي 60 كيلو سالماق دارەجەسىندە جەڭىمپاز اتانسا, 84 كيلودا باعدات ۇسەنوۆ قولا مەدالدى يەلەندى. ال, 74 كيلودا ايدوس مۇحان بەسىنشى ورىننان كورىندى. «ەگەمەن-اقپارات».