مالايزيانىڭ «جاسىل» تەحنولوگيالارى

جاقىندا ەكسپو-2017 حالىقارالىق ما­مان­داندىرىلعان كورمەسىنىڭ كوميسسارى ءراپىل جوشىباەۆتىڭ مالايزياعا ساپارى بولدى. ساپار بارىسىندا مالايزيا مينيسترلەر كا­بي­نەتىنىڭ باس حات­شىسى الي حام­سامەن, ەنەرگەتيكا, جاسىل تەحنو­لوگيالار جانە سۋ رەسۋرس­تارى مينيسترلىگىنىڭ باس حاتشىسى – «ەكسپو-2017» مالايزيا بولىگىنىڭ كوميسسارى لۋ دجيمەن, جەرگىلىكتى عىلىمي جانە ىسكەر توپتاردىڭ وكىلدەرىمەن كەزدەسۋلەر ۇيىمداستىرىلدى. مالايزيا ۇكىمەتىنىڭ عي­مارا­تىندا وتكەن كەزدەسۋدە ا.حام­سا مەن ر. جوشىباەۆ ەكى ەل­­دىڭ ساۋدا-ينۆەستيتسيالىق جانە عى­لىم سالالارىنداعى ىنتى­ماقتاستىعىنا قاتىستى وزەكتى ماسەلەلەردى, ونىڭ ىشىندە «جاسىل» تەحنولوگيالار مەن «ەكسپو-2017»-گە مالايزيالىق تۋريس­تەردى تارتۋ باعىتى بويىنشا ماسەلەلەردى, سونداي-اق, حالىق­ارالىق مامانداندىرىلعان كور­مەگە مالايزيالىق كومپانيالاردى كەڭىنەن قاتىستىرۋ مۇمكىندىكتەرىن تالقىلادى. باس حاتشى استانادا كورمەنىڭ ءوتۋى تەحنولوگيالىق اعىن مەن عى­لىمي بازانىڭ نىعايۋىنا سەپ­تىگىن تيگىزىپ, قازاقستاننىڭ حالىق­ارالىق ساحناداعى بەدەلىن ارتتى­رۋعا وڭ ىقپال ەتەتىنىن اتاپ ءوتتى. مالايزيانىڭ ەنەرگەتيكا, «جاسىل» تەحنولوگيالار جانە سۋ رەسۋرس­تارى مينيسترلىگىندەگى كەزدەسۋدە ل.دجي مالايزيانىڭ بيوماسسادان ەكو­لوگيالىق تازا وتىن ءوندىرۋ سالاسىن­داعى سوڭعى تەحنولوگيالىق تالداما­لارى مەن كۇن ەنەرگەتيكاسىنداعى شەشىم­دەرىن ۇسىنۋعا دايىندىعىن جانە قا­زاقستاندا كۇن پانەلدەرى مەن ولار­دىڭ كومپونەنتتەرىن بىرلەسىپ ءوندىرۋ مۇمكىندىگىن, سونداي-اق ءوز ەلى­نىڭ جاڭارتىلمالى ەنەرگيا كوزدەرى سالا­سىنداعى بىرلەسكەن عىلىمي زەرتتەۋلەر جۇرگىزۋگە مۇددەلى ەكەندىگىن حابارلادى. باس حاتشىنىڭ ايتۋىنشا, مالايزيادا ەنەرگوتيىمدى قۇرىلىس پەن تۇرمىستىق جانە ونەركاسىپتىك قالدىقتاردى قايتا وڭدەۋ, «جاسىل» كولىكتەردى, ونىڭ ىشىندە قوعامدىق كولىكتەردى دامىتۋ سالالارىندا جاڭا تەحنولوگيالار ءساتتى ىسكە اسىرىلۋدا. ساپار اياسىندا «SEDA» بالامالى ەنەرگەتيكا كوزدەرىن دامىتۋ بويىنشا اگەنتتىگى, «GreenTech» عىلىمي-زەرتتەۋ ورتالىعى, «Petronas» مەملەكەتتىك مۇ­ناي-گاز كومپانياسى, «MATRADE» سىرت­قى ساۋدانى دامىتۋ كورپوراتسيا­سى, «MIDA» ينۆەستيتسيالاردى دامىتۋ اگەنتتىگى, «ماتتا» ۇلتتىق تۋريس­تىك قاۋىمداستىعى جانە ت.ب. قۇرى­لىم­دار وكىلدەرىنىڭ قاتىسۋىمەن دوڭگە­لەك ۇستەل وتكىزىلدى. دوڭگەلەك ۇستەل باسىن­داعى تالقىلاۋلار بارىسىندا ەكسپو-2017 كەزەڭىندە ىسكەر توپتار­دىڭ ءوز قىزمەتتەرىن تانىستىرۋ ءراسىمىن وتكىزۋگە جوعارى قىزىعۋشىلىعى بار ەكەنى اتاپ كورسەتىلىپ, مالايزيالىق تۋريستىك وپەراتورلارمەن ىنتىماقتاستىقتى كەڭەيتۋدىڭ مۇمكىندىكتەرى قاراستىرىلدى جانە كورمەگە وسى ەلدەن تۋريستەر تارتۋ ماسەلەسى ەگجەي-تەگجەي ءسوز بولدى. كەزدەسۋ قورىتىندىسى بويىن­شا, «ماتتا» ۇلتتىق تۋريستىك قاۋ­ىم­­داس­تىعىمەن جانە «GreenTech» عى­لىمي-زەرتتەۋ ورتالىعى مەن ىن­تى­ماق­تاستىق تۋرالى مەموراندۋمدارعا قول قويىلدى. «GreenTech-پەن» ىنتىماقتاستىق استانادا بۇۇ-نىڭ «جاسىل تەحنولو­گيالار» مەن ينۆەستيتسيالىق جوبالار ورتالىعىن قۇرۋ اياسىندا ەرەكشە ماڭىزدى بولىپ تابىلادى. مەم­لە­كەت-جەكەمەنشىك ارىپتەستىگى تەتىگىن قول­دانۋ, جوبالاردىڭ تيىمدىلىگىن باعا­لاۋ مەن ونى ودان ءارى «جاسىل» تەحنولوگيالار سالاسىندا كوممەرتسيالاندىرۋ بويىنشا مالايزيا تاراپىنىڭ ۇلكەن تاجىريبەسى بار ەكەندىگىن اتاپ وتكەن ءجون. ر.جوشىباەۆ مالايزيادا وقي­تىن قازاقستاندىق ستۋدەنتتەرمەن كەزدەسۋىندە ولاردى شەتەلدەردە حالىق­ارالىق كورمەنى ناسيحاتتاۋعا بەل­سەندى تۇردە اتسالىسۋعا شاقىردى. كەزدەسۋدەن كەيىن قازاقستاندىق ستۋدەنتتەر حالىقارالىق مامانداندىرىلعان كورمەسىن قولداۋ فلەش-موبىن وتكىزدى. ساپار ناتيجەلەرى بويىنشا ەكسپو-2017 كوميسسارى ما­لاي­زيا­نىڭ ەڭ ءىرى جانە بەدەلدى «ASTRO AWANI» تە­لەارناسىنىڭ جاڭالىقتار باع­­دار­لا­ما­سىنا سۇحبات بەردى. «ەگەمەن-اقپارات».