ەلىمىزدىڭ باسىم بولىگىندە جەل كۇشەيىپ, تۇمان تۇسەدى

استانا. 3 ءساۋىر. بۇگىن قازاقستان اۋماعىنىڭ باسىم بولىگىندە اتموسفەرالىق فرونتالدى بولىكتەردىڭ وتۋىنە بايلانىستى كەي جەرلەردە جاۋىن-شاشىن, تۇمان, كوكتايعاق بولادى دەپ كۇتىلەدى. بۇل تۋرالى ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. سولتۇستىك قازاقستان وبلىسىنىڭ كەي جەرلەرىندە تۇمان, كوكتايعاق, جەلدىڭ كۇشى سەكۋندىنا 15-20 مەترگە دەيىن بارادى. اقتوبە, قوستاناي, پاۆلودار, قاراعاندى, شىعىس قازاقستان, اقمولا وبلىستارىنىڭ كەي جەرلەرىندە تۇمان ءتۇسىپ, جەلدىڭ جىلدامدىعى 15-20 مەترگە دەيىن كۇشەيەدى. جامبىل وبلىسىنىڭ كەي جەرلەرىندە نايزاعاي, تۇمان كۇتىلەدى. جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى. الماتى وبلىسىنىڭ كەي جەرلەرىندە تۇندە تۇمان كۇتىلەدى. ماڭعىستاۋ, باتىس قازاقستان وبلىستارىنىڭ كەي جەرلەرىندە تۇمان تۇسەدى, كۇندىز جەلدىڭ كۇشى سەكۋندىنا 15-20 مەتر بولادى. وڭتۇستىك قازاقستان وبلىستارىنىڭ كەي جەرلەرىندە جەلدىڭ كۇشى سەكۋندىنا 15-20 مەترگە دەيىن كۇشەيەدى. ايان ءابدۋالي. دەرەك: ىشكى ىستەر مينيسترلىگى توتەنشە جاعدايلار كوميتەتىنىڭ ءباسپاسوز قىزمەتى. فوتو: egemen.kz.