ۆەنگەر جازۋشىسى يمرە كەرتەس قايتىس بولدى

استانا. 31 ناۋرىز. ۆەنگەر جازۋشىسى, نوبەل سىيلىعىنىڭ 2002 جىلعى لاۋرەاتى يمرە كەرتەس ۇزاققا سوزىلعان ناۋقاستان كەيىن, 86 جاسىندا قايتىس بولدى. بۇل تۋرالى ras.kz-كە سىلتەمە جاساعان egemen.kz ءتىلشىسى حابارلادى. يمرە كەرتەس 1930 جىلى كەدەي ەۆرەي وتباسىندا تۋعان. ول ءجاسوسپىرىم شاعىندا, ەكىنشى دۇنيەجۇزىلىك سوعىس كەزىندە وسۆەنتسيم جانە بۋحەنۆالد كونتسلاگەرلەرىندە وتىرعان. وسىندا كورگەندەرى كەيىن قالامگەردىڭ بۇكىل ومىرىنە اسەر ەتىپ, شىعارماشىلىعىنىڭ نەگىزگى وزەگى بولدى. جازۋشىنىڭ مەيلىنشە كەڭىنەن تاراعان ەكى رومانى – «تاعدىرسىز» (1975) جانە «تۋماعان بالاعا ارنالعان دۇعا» (1990) الەمنىڭ كوپتەگەن تىلدەرىنە اۋدارىلعان. بۇدان بولەك, «حولوكوست – مادەنيەت» (1993), «اتۋ كەزىندەگى قارۋدى قايتا وقتاۋدى كۇتۋدىڭ تىنىشتىق ءساتى» (1998) جانە «قۋعىن ءتىلى» (2001) دەپ اتالاتىن جيناقتارعا ونىڭ لەكتسيالارى مەن ەسسەلەرى ەنگىزىلگەن. جازۋشى نوبەل سىيلىعىن «جەكە تۇلعا مەن تاريحتىڭ جابايى ارسىزدىعى تەكەتىرەسىن كورسەتەتىن ادەبيەت» جاساعان ءۇشىن دەگەن انىقتاما بويىنشا العان. تالعات رايىمبەك. دەرەك: ras.kz. فوتو: liventernet.ru.