«جۇلدىزاي» جۇلدىزداردى ىزدەيدى

كەشە قازاقستان رەسپۋبليكاسى تۇڭعىش پرەزيدەنتىنىڭ مۋزەيىندە «BI جۇلدىزاي-2016» مۇمكىندىگى شەكتەۋلى بالالار شىعارماشىلىعىنىڭ XI رەسپۋبليكالىق فەستيۆالىنىڭ باستالۋىنا ارنالعان ءباسپاسوز ءماسليحاتى بولىپ ءوتتى. فەستيۆالدىڭ نەگىزگى ماق­ساتى – ءمۇم­كىندىگى شەكتەۋلى بالا­لار­­دىڭ شىعارماشىلىق قابى­لە­تىن شىڭ­داپ, ولاردىڭ ۇلكەن ساح­نادان كورىنۋىنە كومەك كور­سەتۋ. وسى ون ءبىر جىل ىشىندە فەس­تي­ۆال­گە 36 583 بالا قاتىسىپ, ودان ءجۇل­دەگەر اتان­عاندار Bala Turkvisyon باي­قاۋى­ندا باق سى­ناپ, بەلايا تروست فەستيۆالىنە جول­­­دا­ما الىپ, ەندى ءبىرى, 2015 جىل­­­عى مۋز-تۆ سىي­لى­عىنا قول سوز­­عان­دارمەن بىرگە ونەر كور­­­­سە­­تىپ جاتسا, سولاردىڭ قاتا­­رىن­­­دا وسى فەستيۆالدىڭ ار­قا­سى­ن­­­­دا قازاق ۇلتتىق ونەر ۋني­ۆەر­سي­­تەتى­نىڭ ستۋدەنتى اتانىپ ءۇل­گەر­­­گەن دا­رىندى جاستار دا بار. فەس­­تي­ۆال جىل سايىن قازاقستان رە­­س­پۋب­­­ليكاسى ءبىلىم جانە عىلىم مي­­نيستر­لىگىنىڭ, سونداي-اق, وب­لىس­­تىق جانە قالالىق ءبىلىم بەرۋ باس­قار­­ما­­لارىنىڭ قولداۋىمەن وتكى­زىلىپ كەلەدى. بيىلعى جىلى ءبىرىنشى ىرىكتەۋ كەزەڭى 5 ساۋىردە باستالادى دەپ جوس­پارلانۋدا. قازىلار القا­سى­نىڭ قۇرامىندا قور جەتەكشىلەرى مەن قازاقستاندىق ەسترادا جۇل­­دىز­دارى بولادى. ولار ەلىمىز­دىڭ 16 قالا­سىن, دالىرەك ايتساق, الماتى, تال­­دىقورعان, شىمكەنت, تاراز, قى­زىل­وردا, اتىراۋ, اقتاۋ, اقتوبە, ورال, وسكەمەن, پاۆلودار, كوك­شە­تاۋ, پەتروپاۆل, قوستاناي, قارا­عان­دى جانە اس­تانانى ارالاپ شىعادى. قازىلار القاسى قا­­تى­­­سۋ­­­شى­لا­ر­­دىڭ ونەرىن «حورەو­گرا­­فيا», «ۆوكال­دىق ورىنداۋ», «اس­­پاپتىق ورىنداۋ», «ءاندى يشا­رامەن ورىن­داۋ», «ساندىك-قول­دانبالى شى­عار­ماشىلىق», «بەي­نەلەۋ ونەرى» اتالىمدارى بو­يىن­شا باعا­لايدى. ارالىق قورى­تىن­دى­لار مەن جەڭىمپازدار پلەنەرى رەس­پۋب­لي­كالىق «بال­داۋرەن» بالالار لاگەرىندە وتكىزىلەتىنىن ەستەرىڭىزگە سالامىز. ەكىنشى ىرىكتەۋ تۋرىنا ءوت­كەن قا­­تى­سۋ­­شىلاردى قىزىق ماز­مۇن­دى با­عدارلاما – ەلىمىز­دىڭ باس­تى ساحنا­سىندا ونەر كور­سەتۋ, شە­بەر­لىك سى­نىپتارى, ەكسكۋر­سيا­لار, كور­مەلەر, تانىمال وتان­دىق جۇل­دىز­دارمەن كەز­دەسۋ, جاڭا دوستارمەن تانىسۋ جانە تاماشا مەرەكەلىك اۋان كۇتىپ تۇر. بالالار شىعارماشىلىعىن ورىستەتۋگە باعىتتالعان ونەر باسە­كەسى ءداستۇر بويىنشا بالا­لار­­دى قورعاۋ كۇنى – 1 ماۋسىمدا «ق­از­اق­ستان» ورتالىق كونتسەرت زالىن­دا ءتامامدالادى. راۋان قايدار, «ەگەمەن قازاقستان».