اۋلا كلۋبىنداعى اۋقىمدى ىستەر

جاستار ساياساتىن جۇزەگە اسىرۋدا جەرگىلىكتى بيلىك ءتيىمدى شارالار قابىلداۋدا. وسى ورايدا جاستاردىڭ بوس ۋاقىتىن ۇيىمداستىرۋ ماسەلەسىمەن اينالىسىپ, دارىندى وسكەلەڭ ۇرپاقتىڭ الەۋەتىن اشاتىن «اقتوبە جاستارى» كمك ءوز جۇمىسىن باس­تادى. وبلىس ورتالىعىنداعى اۋلا كلۋبى مەملەكەت باسشىسىنىڭ تاپسىرماسىن ورىنداۋ ماقساتىندا قۇرىلعان بولاتىن. اۋلا كلۋبىنىڭ عيماراتىن «باتىس-2» اۋدانى «ستەپ­نوي» تۇرعىن ءۇي الابى №6 «گ» ءۇيىنىڭ قۇرىلىسىن سالعان «سول­لەرس» جشس مەملەكەتتىك مەن­شىككە تەگىن بەردى. كلۋبتىڭ اۋما­عى 450 شارشى مەتردى قۇراي­دى, «قيك» باعدارلاماسىمەن سا­لىنعان اۋلا كلۋبى تۇرعىن ءۇيدىڭ ءبىرىنشى قاباتى مەن جەرتولەسىندە ورنالاسقان. ورتالىقتا جاتتىعۋ زالى, حورەو­گرافيا, شاحمات, دويبى, توعىزقۇمالاق, سۋرەت, دومبىرا ۇيىرمەلەرى, سونداي-اق, قالاداعى جاستار ۇيىمدارى مۇشەلەرىنىڭ باس قوسىپ, ارنايى سەمينار-ترەنينگتەر وتكىزەتىن بولمەلەرى ورنالاسقان. اشىلۋ سالتاناتىنا قاتىسقان وبلىس اكىمى بەردىبەك ساپارباەۆ ءاربىر وسكەلەڭ ۇرپاق جەكە قابىلە­تىنە جانە كاسىبي بىلىمىنە ساي قوعامىمىزدا ءوز ورنىن تابۋى قاجەتتىگىن اتاپ ءوتتى. – ءبىزدىڭ الەۋمەتتىك-ەكونومي­كالىق دامۋ جولىنداعى قارقى­نىمىز, جاستاردىڭ قوعامدىق-ساياسي ومىردەگى ۇستانىمىنا, ولاردىڭ ەر­تەڭگى كۇنگە دەگەن سەنىمى مەن بەل­سەندىلىگىنە تىكەلەي بايلانىس­تى. مەملەكەت باسشىسى نۇرسۇلتان نازارباەۆ ەل بولاشاعىنىڭ باياندى بولۋى جولىندا جاستارعا ەرەكشە سەنىم ارتىپ, جاعدايىن جاساۋعا باسا نازار اۋدارادى. ەلباسى­نىڭ جىل سايىنعى جولداۋ­لارىندا, ماڭىزدى ستراتەگيالىق قۇجاتتارىندا باسىم باعىتتاردى جاستارمەن بايلانىس­تىرۋى وسى­نىڭ ايقىن دالەلى, – دەدى ءوڭىر باسشىسى. سونىمەن قاتار, اعىمداعى جىلى اقتوبەدەگى ەكى تۇرعىن ءۇي كەشە­نىندە جاستار ورتالىعىن اشۋ جوسپارلانىپ وتىر. اتاپ ايتقاندا, «نۇر-اقتوبەدەگى» كلۋبقا بەرىلىپ وتىرعان عيماراتتى بەيىمدەپ, جابدىقتاۋ ءۇشىن 34 ميلليون تەڭگە كولەمىندە قارجى ءبولىندى. №11 شاعىن اۋدانىنداعى 2 قاباتتى عيماراتقا كۇردەلى ءجون­دەۋ جۇمىستارىن جۇرگىزۋ ءۇشىن 65 ميلليون تەڭگە باعىتتالادى. وسى جۇمىستاردىڭ ناتيجەسىندە وبلىس ورتالىعىندا تاعى دا ەكى اۋلا كلۋبىن اشۋ كوزدەلۋدە. ساتىبالدى ءساۋىرباي, «ەگەمەن قازاقستان». اقتوبە وبلىسى.