وكىلمەن جانە ەلشىمەن كەزدەستى

پارلامەنت سەناتىنىڭ توراعاسى قاسىم-جومارت توقاەۆ بۇۇ-نىڭ جاڭا رەزيدەنت-ۇيلەستىرۋشىسى – بۇۇ دامۋ باعدارلاماسىنىڭ قازاقستانداعى تۇراقتى وكىلى نوريماس شيمومۋرانى, سونداي-اق, ازەربايجاننىڭ قازاقستانداعى ەلشىسى راشاد ماممادوۆتى ولاردىڭ وتىنىشتەرى بويىنشا قابىلدادى, دەپ حابارلادى سەناتتىڭ ءباسپاسوز قىزمەتى. بۇۇ دامۋ باعدارلاماسىنىڭ تۇراقتى وكىلىمەن كەزدەسۋ كەزىندە ق.توقاەۆ قازاقستان مەن بۇۇ اراسىنداعى, ەڭ الدىمەن, پرەزيدەنت ن.نازارباەۆتىڭ جاھاندىق قاۋىپسىزدىكتى جانە تۇراقتى دامۋدى قامتاماسىز ەتۋ جونىندەگى باستامالارىن ىسكە اسىرۋ بولىگىندەگى ىنتىماقتاستىقتىڭ كۇن ءتارتىبى مازمۇندى ەكەنىن اتاپ ءوتتى. قازاقستان قازىرگى زامانداعى وزەكتى ماسەلەلەردى شەشۋدەگى بۇۇ-نىڭ ءرولىن نىعايتۋدى جاقتايدى. بۇۇ-نىڭ رەزيدەنت-ءۇي­لەس­تىرۋشىسى بۇۇ دامۋ باعدارلا­ماسى­نىڭ قازاقستانداعى جوبالارى تۋرالى حاباردار ەتتى. ديپلومات ەلىمىز­دەگى جاھاندىق ۇيىم ينستيتۋت­تارىنىڭ جۇمىس ىستەۋى ءۇشىن جا­سالعان جاقسى جاعدايعا ريزا­شىلىق ءبىلدىرىپ, ورنىقتى دامۋ سالاسىنداعى كۇن ءتارتىبىن ىسكە اسى­رۋدا پارلامەنتپەن ءوزارا ءىس-قي­مىلدى قولداۋ نيەتى بار ەكە­نىن مالىمدەدى. ازەربايجان ەلشىسىمەن كەزدەسۋدە ق.توقاەۆ قازاقستان مەن ازەربايجان ارىپتەستىگىنىڭ سترا­تە­گيالىق سيپاتىن اتاپ ءوتتى. سە­نات توراعاسىنىڭ پىكىرىنشە, ەكى ەل­دىڭ پارلامەنتشىلەرى ەكىجاقتى دەڭگەي­دە دە, تمد پاا اياسىندا دا جە­مىستى قىزمەت ەتىپ كەلەدى. ازەربايجان ەلشىسى ەكى مەملەكەت اراسىنداعى جان-جاقتى ىنتى­ماق­تاستىقتى نىعايتۋعا ىقپال ەتۋ نيەتىن جەتكىزدى. كاسىپكەر­لەر اراسىنداعى بايلانىستار­دى ورىستەتۋ, كاسپيدەگى ءوزارا ءىس-قي­مىلدى دامىتۋ, ترانزيت-تاسىمال سا­لاسىنداعى ىنتىماقتاستىقتى نىعايتۋ جايىندا اڭگىمە بولدى.