قوعامدىق كەڭەستىڭ مىندەتى ايقىن

«نۇر وتان» پارتياسى توراعاسىنىڭ ءبىرىنشى ورىنباسارىنىڭ قاۋلىسىمەن پارلامەنت ءماجىلىسىنىڭ دەپۋتاتى مەيرام پىشەمباەۆ «نۇر وتان» پارتياسى جانىنداعى كاسىپكەرلىكتى قولداۋ جونىندەگى رەسپۋبليكالىق قوعامدىق كەڭەستىڭ توراعاسى بولىپ تاعايىندالدى. مەيرام پىشەمباەۆ سەمەي زووتەحنيكالىق-مالدارىگەرلىك ينس­تيتۋتىن بىتىرگەن, ەكونوميكا عى­لىمدارىنىڭ دوكتورى. 1989-2004 جىلدار ارالىعىندا «اق­سۋ» اق باسقارماسىنىڭ توراعا­سى, قازاقستانداعى «روس­نەفت» كومپانياسىنىڭ وكىل­دى­گى باسقارماسىنىڭ باسشىسى, «قاز­مۇ­نايكوم» جشس-ءنىڭ ۆي­تسە-پرەزي­دەنتى, پاۆلودار ءموز-ءىن­دە «قازاق­ويل» ۇك» جاق-تىڭ باس مەنەد­جەرى قىزمەتتەرىن اتقاردى. 2004-2006 جىلدارى «قا­زاقسەلماش» كورپوراتسياسى جشس ديرەكتورلار كەڭەسىنىڭ توراعاسى, «قازاقستان ماشينە جاساۋشىلار وداعى» زتب باسقارماسىنىڭ توراعاسى بولدى. 2007 جىلدان بەرى پارلامەنت ءماجىلىسىنىڭ دەپۋتاتى. ايتا كەتەيىك, رەسپۋبليكالىق كەڭەستىڭ مىندەتى – وتاندىق كاسىپ­كەرلىككە باسەكەلەستىكتى ارتتىرۋ ءجو­نىندەگى پارتيانىڭ, ۇلتتىق كاسىپ­كەرلەر پالاتاسىنىڭ, بيزنەس­تىڭ, قوعامدىق بىرلەستىكتەر مەن مەمورگانداردىڭ كۇش-ءجى­گەرىن جۇمىلدىرۋ. كەڭەس تۇجى­رىم­دامالىق ۇسىنىستاردى, وتاندىق بيزنەستىڭ باسەكەگە قابىلەتتىلىگىن ارتتىرۋ جونىندەگى ناقتى كاسىبي شەشىمدەردى پىسىقتايتىن قو­عامدىق ۇنقاتىسۋ الاڭىنا اينالۋدى كوزدەيدى. «ەگەمەن-اقپارات».