«قازاقمىس» كورپوراتسياسىنىڭ جاڭا باسشىسى تاعايىندالدى

الماتى. 24 ناۋرىز. «قازاقمىس» كورپوراتسياسى جاۋاپكەرشىلىگى شەكتەۋلى سەرىكتەستىگىنىڭ (جشس) باس ديرەكتورى باقتيار قىرىقپىشەۆ 2016 جىلدىڭ 1-ءشى ساۋىرىنەن باستاپ اتالعان كورپوراتسيانىڭ باسقارما توراعاسى قىزمەتىنە تاعايىندالدى. بۇل تۋرالى قازاقستان ءباسپاسوز كلۋبىنا سىلتەمە جاساعان egemen.kz ءتىلشىسى حابارلادى. باقتيار قىرىقپىشەۆ قازاقستان رەسپۋبليكاسىنىڭ بارلىق وكىلەتتى ورگاندارىمەن, ۇكىمەتپەن, پارلامەنتپەن, ورتالىق جانە جەرگىلىكتى اتقارۋشى ورگاندارمەن, كومپانيا اتىنان, كومپانيا قىزىعۋشىلىعىن قورعاي وتىرىپ, تىعىز قاتىناستا جۇمىس جۇرگىزەدى. وندىرىستىك, قارجىلىق, شارۋاشىلىق جانە تالاپقا ساي جالپى قىزمەتىن قامتاماسىز ەتۋ ماقساتىندا سوت جانە تاعى دا باسقا مەملەكەتتىك ورگاندارمەن جۇمىستار جۇرگىزەدى. سونىمەن قاتار «قازاقمىس» كورپوراتسياسى جشس-ءنىڭ وندىرىستىك قىزمەتىن, ينۆەستيتسيالىق ساياساتىن جانە ستراتەگيالىق (كەشەندى) دامۋىن باسقارۋعا جانە قاتىستى سۇراقتاردى شەشۋگە قۇقىلى. باقتيار قىرىقپىشەۆ 1995 جىلى قاراعاندى پوليتەحنيكالىق ينستيتۋتىن, 2012 جىلى قاراعاندى مەملەكەتتىك تەحنيكالىق ۋنيۆەرسيتەتىن تاۋ-كەن ءوندىرىسى ەكونوميكاسى ماماندىعى بويىنشا تامامداعان. ەڭبەك جولىن 1996 جىلى «قازاقمىس» كومپانياسىندا باستادى. شىعىس جەزقازعان كەنىشىندەگى جەزقازعان ءتۇستى مەتاللۋرگيا كاسىپورنىندا بارلىق قىزمەت ساتىسىنان ءوتتى. 2008 جىلدان باستاپ «جەزقازعانتۇستىمەت» وندىرىستىك بىرلەستىگىنىڭ باس ديرەكتورى قىزمەتىن اتقاردى. 2010 جىلى بوزشاكول كەنىشىنىڭ باس ديرەكتورى, 2011 جىلى «قاراعاندىتۇستىمەت» جانە «بالقاشتۇستىمەت» وندىرىستىك بىرلەستىكتەرىن باسقارعان. 2012 جىلى «قازاقمىس» كورپوراتسياسى» جشس-نىڭ ءوندىرىس جونىندەگى ديرەكتورى, ال سول جىلدىڭ جەلتوقسان ايىنان باستاپ كومپانيانىڭ تاۋ-كەن وڭدەۋ كەشەنىنىڭ باس ديرەكتورى بولىپ تاعايىندالدى. 2013 جىلدىڭ جەلتوقسان ايىنان «قازاقمىس» كورپوراتسياسى جشس-نىڭ باس ديرەكتورى قىزمەتىن اتقاردى. ايناش ەسالي. دەرەك, سۋرەت: قازاقستان ءباسپاسوز كلۋبى.