ورنى بولەك ورتالىق

قازاقستاندا جاڭا مادەني مەكەمە – «مادەنيەتتەردى جاقىنداستىرۋ ورتالىعى» مەملەكەتتىك مۋزەيى» رمقك قۇرىلدى. بۇل عىلىمي مەكەمەنىڭ ديرەكتورى قىزمەتىن اتقارۋشى بولىپ ۇلتتىق عىلىم اكادەمياسىنىڭ اكادەميگى, يۋنەسكو-نىڭ حالىقارالىق ساراپشىسى كارل بايپاقوۆ تاعايىندالدى. مادەنيەتتەردى جاقىن­داس­تىرۋ ورتالىعى قىزمەتىنىڭ باستى ماقساتى مۋزەي قۇندىلىقتارى مەن تاريحي-مادەني مۇرانى انىق­تاۋ, جيناقتاۋ, تولىقتىرۋ, ساقتاۋ, زەردەلەۋ جانە ناسيحاتتاۋ بولىپ تابىلادى. سون­داي-اق مەكەمە ۇلتتىق مۇرانى, ونىڭ ىشىندە قازاقستان رەس­پۋبليكاسىنىڭ مادەني مۇرا نىساندارىن ساقتاۋ جانە پايدالانۋ سالاسىندا قولدانبالى, جوبالىق, ىزدەنىستىك, عىلىمي زەرتتەۋلەردى جۇرگىزەدى. جاڭا عىلىمي مەكەمەنىڭ باسشىسى كارل مولداحمەت ۇلى باي­­پاقوۆ – قازاقستان مەن و­رتالىق ازياداعى ورتا عاسىر ارحەولوگياسى سالاسىنىڭ مامانى. ول ارحەولوگيا جادىگەرلەرىنىڭ ساقتالۋى مەن قورعالۋىنا زور ۇلەس قوسقان بىلىكتى مامان. كارل بايپاقوۆ حالىقارالىق عىلىمي ىزدەنىستەرىنىڭ باستى باعىتىنا ۇلى جىبەك جولىن ونىڭ ەۋ­را­زيا مەملەكەتتەرىمەن ساياسي, ەكو­نوميكالىق جانە مادەني باي­لانىستار اياسىندا زەرتتەۋ ماسە­لە­لەرى جاتادى. 2006 جىلدان بەرى « ۇلى جىبەك جو­لى» ترانس­شە­كارالىق نوميناتسياسىن دايىنداۋ بويىنشا يۋنەسكو-نىڭ حالىق­ارالىق ساراپشىسى بولىپ كەلەدى.  راۋان قايدار, «ەگەمەن قازاقستان».