استانا. 17 ناۋرىز. اتاقتى Apple كومپانياسى ايفوننىڭ جاڭا ۇلگىسىن باتىرماسىز ەتىپ شىعارماقشى. بۇل تۋرالى appleinsider.ru پورتالىنا سىلتەمە جاساعان egemen.kz ءتىلشىسى حابارلادى.
الەۋمەتتىك جەلىلەردىڭ بىرىندە iPhone 7 سمارتفونىنىڭ سۋرەتى جاريالاندى. قۇرىلعىنىڭ ارتقى جاعىندا ايتارلىقتاي وزگەرىس جوق. وسىعان دەيىن حابارلانعانداي وزگەشەلىگى قوس فوتو ءتۇسىرۋ ءمودۋلى ورنالاسقان. ال ۇيالى تەلەفوننىڭ بەتكى جاعىنداعى باتىرماسى قورعانىس اينەگىنىڭ استىندا قالدى. ول جەردە Touch ID سەنسورى دا بار.
سونداي-اق, ايفوننىڭ جەتىنشى ۇلگىسىندە قۇلاققاپ جالعايتىن ورنى بولماۋى مۇمكىن. الدىن الا بولجام بويىنشا, ونىڭ ورنىنا Apple Lightning جالعاعىشى قولدانىلادى.
ايتا كەتەيىك, 21 ناۋرىزدا Apple كومپانياسى جاڭا ونىمدەرىن تانىستىرادى. الايدا, iPhone 7 سمارتفونىنىڭ بولاتىنى تۋرالى ناقتى اقپارات جوق.
ايان ءابدۋالي.
دەرەك, سۋرەت: appleinsider.ru.
