استانادا جىل باسىنان بەرى 26 جوبا ماقۇلداندى

استانا. 17 ناۋرىز. استانادا جىل باسىنان بەرى «جۇمىسپەن قامتۋ جول كارتاسى - 2020» باعدارلاماسى اياسىندا 26 جوبا ماقۇلداندى. بۇل تۋرالى قالالىق اكىمدىكتىڭ رەسمي سايتى – astana.gov.kz-كە سىلتەمە جاساعان egemen.kz ءتىلشىسى حابارلادى. استانا قالاسىنىڭ ۇدەمەلى يندۋستريالدى دامۋىنىڭ ۇيلەستىرۋ كەڭەسى «جۇمىسپەن قامتۋ جول كارتاسى-2020» بيزنەستى قولداۋ جانە دامىتۋدىڭ بىرىڭعاي باعدارلاماسى اياسىندا بانكتەردىڭ, ليزينگتىك كومپانيالاردىڭ نەسيەلەرىنىڭ پايىزدىق مولشەرلەمەلەرىن سۋبسيديالاۋ بويىنشا 26 جوبانى ماقۇلدادى. نەسيە جەلىسىنىڭ جالپى سوماسى – 3,4 ملرد. تەڭگە, سونىڭ ىشىندە 9 جوباعا 549,3 ملن. تەڭگە كولەمىندە نەسيەلەردى جارتىلاي كەپىلدەندىرۋ بويىنشا قولداۋ كورسەتىلدى. جالپى العاندا باعدارلاما جۇزەگە اسىرىلا باستاعالى 88 107,9 ملن. تەڭگەنىڭ 506 جوباسى ماقۇلداندى. جالپى قۇنى 85 316,7 ملن. تەڭگەنى قۇرايتىن 451 جوبا پايىزدىق مولشەرلەمەنى سۋبسيديالاۋ بويىنشا ماقۇلداندى, 100 ادامعا 4 417,4 ملن. تەڭگە كولەمىندە نەسيەلەر بويىنشا كەپىلدەر بەرىلدى. وندىرىستىك ينفراقۇرىلىمعا كەلسەك, ەلەكتر قۋاتىمەن جابدىقتاۋ, جول جوندەۋ, كارىز جۇيەلەرى, سۋمەن جابدىقتاۋ, بۋ تراسساسىن اۋىستىرۋ بويىنشا رەسپۋبليكالىق بيۋدجەت ەسەبىنەن جالپى سوماسى 2 791,23 ملن. تەڭگەنى قۇرايتىن 35 جوبا ماقۇلداندى. مۇنىمەن قوسا, 59,9 ملن. تەڭگەنىڭ 20 جوباسىنا گرانت اياسىندا رۇقسات بەرىلدى. ەلامان قوڭىر. دەرەك, سۋرەت: astana.gov.kz.