قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ بۇيرىعى  №4 

2016 جىلعى 6 قاڭتار, استانا قالاسى ورالمانداردى قابىلداۋدىڭ وڭىرلىك كۆوتاسىنا ەنگىزۋ جونىندەگى كوميسسيانىڭ ۇلگىلىك ەرەجەسىن بەكىتۋ تۋرالى «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭى 11-بابىنىڭ 9-1-تارماعىنا سايكەس بۇيىرامىن: 1. كوسا بەرىلىپ وتىرعان ورالمانداردى قابىلداۋدىڭ وڭىرلىك كۆوتاسىنا ەنگىزۋ جونىندەگى كوميسسيانىڭ ۇلگىلىك ەرەجەسى بەكىتىلسىن. 2. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك, الەۋمەتتىك قورعاۋ جانە كوشى-قون كوميتەتى: 1) وسى بۇيرىقتى قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە ونىڭ كوشىرمەسىن مەرزiمدi باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا جىبەرۋدى; 3) وسى بۇيرىقتى قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ينتەرنەت-رەسۋرسىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن ون جۇمىس كۇنى ىشىندە قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ زاڭ قىزمەتى دەپارتامەنتىنە وسى تارماقتىڭ 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ۆيتسە-ءمينيسترى ب.ب. نۇرىمبەتوۆكە جۇكتەلسىن. 4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشى ە.ءبىرتانوۆ. قازاقستان رەسپۋبليكاسى دەنساۋلىق ساقتاۋ جانە الەۋمەتتىك دامۋ ءمينيسترىنىڭ مىندەتىن اتقارۋشىنىڭ 2016 جىلعى 6 قاڭتارداعى №4 بۇيرىعىمەن بەكىتىلگەن ورالمانداردى قابىلداۋدىڭ وڭىرلىك كۆوتاسىنا ەنگىزۋ جونىندەگى كوميسسيانىڭ ۇلگىلىك ەرەجەسى 1. جالپى ەرەجەلەر 1. وسى ورالمانداردى قابىلداۋدىڭ وڭىرلىك كۆوتاسىنا ەنگىزۋ جونىندەگى كوميسسيانىڭ ۇلگىلىك ەرەجەسى «حالىقتىڭ كوشى-قونى تۋرالى» 2011 جىلعى 22 شىلدەدەگى قازاقستان رەسپۋبليكاسىنىڭ زاڭى 11-بابىنىڭ 9-1-تارماعىنا سايكەس ازىرلەندى جانە ورالمانداردى قابىلداۋدىڭ وڭىرلىك كۆوتاسىنا ەنگىزۋ جونىندەگى كوميسسيانىڭ (بۇدان ءارى – كوميسسيا) مىندەتتەرى مەن فۋنكتسيالارىن ايقىندايدى. 2. كوميسسيا ءتيىستى اكىمشىلىك-اۋماقتىق بىرلىكتەردىڭ اۋماعىندا تۇراقتى ارەكەت ەتەتىن القالىق ورگان بولىپ تابىلادى. 3. كوميسسيا ءوز قىزمەتىندە قازاقستان رەسپۋبليكاسى-نىڭ كونستيتۋتسياسىن, زاڭدارىن جانە وزگە دە نورماتيۆتىك قۇقىقتىق اكتىلەرىن باسشىلىققا الادى. 4. كوميسسيا توراعادان, توراعا ورىنباسارىنان, كوميسسيا مۇشەلەرىنەن جانە كوميسسيا حاتشىسىنان تۇرادى, ونىڭ جالپى قۇرامى 5 ادامنان كەم بولماۋعا ءتيىس. حاتشى كوميسسيانىڭ مۇشەسى بولىپ تابىلمايدى. 5. كوميسسيانى كوميسسيا مۇشەلەرى سايلاعان توراعا باسقارادى. كوميسسيا قۇرامىن وبلىستىڭ, رەسپۋبليكالىق ماڭىزى بار قالانىڭ, استانانىڭ اكىمى بەكىتەدى. كوميسسيا قۇرامىنا ءماسليحات دەپۋتاتتارى, مەملەكەتتىك ورگاندار مەن قوعامدىق ۇيىمداردىڭ وكىلدەرى كىرەدى. 6. كوميسسيا توراعاسى ونىڭ قىزمەتىنە باسشىلىق جاسايدى, كوميسسيا وتىرىستارىندا توراعالىق ەتەدى, ونىڭ جۇمىسىن جوسپارلايدى, ونىڭ شەشىمدەرىنىڭ ىسكە اسىرىلۋىنا جالپى باقىلاۋدى جۇزەگە اسىرادى جانە قولدانىستاعى قازاقستان رەسپۋبليكاسى زاڭناماسىنا سايكەس كوميسسيانىڭ جۇزەگە اسىراتىن قىزمەتى جانە كوميسسيا شىعاراتىن شەشىمدەر ءۇشىن دەربەس جاۋاپتىلىقتا بولادى. توراعا بولماعان ۋاقىتتا ونىڭ فۋنكتسيالارىن ورىنباسارى ورىندايدى. 7. كوميسسيا مۇشەلەرى ولاردىڭ قىزمەتىنە اۋىسۋ قۇقىعىنسىز قاتىسادى. 8. شەشىم قابىلداۋ كەزىندە كوميسسيا مۇشەلەرى تەڭ داۋىسقا يە. داۋىستار تەڭ بولعان جاعدايدا, كوميسسيا توراعاسىنىڭ داۋسى شەشۋشى بولىپ سانالادى. 9. كەلىسپەۋشىلىك جاعدايىندا كوميسسيا مۇشەلەرى ءوزىنىڭ ەرەكشە پىكىرىن جازباشا تۇردە ءبىلدىرىپ, ونى كوميسسيا وتىرىسىنىڭ حاتتاماسىنا تىركەيدى. 2. كوميسسيانىڭ مىندەتى مەن فۋنكتسيالارى 10. كوميسسيانىڭ مىندەتى ورالمان مارتەبەسىن العان ەتنيكالىق قازاقتار مەن ولاردىڭ وتباسى مۇشەلەرىنىڭ ورالمانداردى قابىلداۋدىڭ وڭىرلىك كۆوتاسىنا ەنگىزۋ تۋرالى وتىنىشتەرىنىڭ ۋاقتىلى جانە ساپالى قارالۋىن قامتاماسىز ەتۋ بولىپ تابىلادى. 11. كوميسسيا وزىنە جۇكتەلگەن مىندەتكە سايكەس مىناداي فۋنكتسيالاردى ورىندايدى: 1) وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى بەرەتىن ورالماندار ءتىزىمىن كەلىسەدى; 2) ورالمانداردى قابىلداۋدىڭ وڭىرلىك كۆوتاسىنا ەنگىزۋ تۋرالى ءوتىنىش ءبىلدىرۋشى ورالمانداردىڭ وتىنىشتەرىن قارايدى; 3) مىناداي: ەتنيكالىق قازاقتار مەن ولاردىڭ وتباسى مۇشەلەرىن ورالمانداردى قابىلداۋدىڭ وڭىرلىك كۆوتاسىنا ەنگىزۋگە الدىن الا كەلىسىم بەرۋ تۋرالى; ورالمان مارتەبەسىن العان ەتنيكالىق قازاقتار مەن ولاردىڭ وتباسى مۇشەلەرىن ورالمانداردى قابىلداۋدىڭ وڭىرلىك كۆوتاسىنا ەنگىزۋ تۋرالى; باس تارتۋدىڭ سەبەپتەرىن ءۋاجدى تۇردە نەگىزدەي وتىرىپ, ورالمانداردى قابىلداۋدىڭ وڭىرلىك كۆوتاسىنا ەنگىزۋدەن باس تارتۋ تۋرالى شەشىمدەر قابىلدايدى; 4) مەملەكەتتىك ورگاندارمەن جانە باسقا دا ۇيىمدارمەن ءوزارا ءىس-قيمىل جاسايدى; 5) ءوتىنىش بەرۋشى ورالمانداردى قونىستاندىرۋ ءۇشىن باسقا ءوڭىردى تاڭداعان جاعدايدا جەرگىلىكتى اتقارۋشى ورگانعا ونىڭ قۇجاتتارىن بەرۋ جونىندە ۇسىنىس ەنگىزەدى. 12. كوميسسيا وتىرىسىن وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى ۇسىناتىن ورالمانداردىڭ ءتىزىمى الىنعان كۇننەن باستاپ ءۇش ءجۇمىس كۇنى ىشىندە ونىڭ توراعاسى شاقىرتادى. 13. كوميسسيانىڭ شەشىمى كوميسسيا وتىرىسىنا قاتىسقان ونىڭ مۇشەلەرى جالپى سانىنىڭ كوپشىلىك داۋسىمەن اشىق داۋىس بەرۋ ارقىلى قابىلدانادى. كوميسسيا شەشىمدەرى ونىڭ قۇرامى جالپى سانىنىڭ ۇشتەن ەكىسى بولعان كەزدە زاڭدى بولادى. 14. كوميسسيا شەشىمدەرى قورىتىندى تۇرىندە رەسىمدەلەدى جانە ولارعا كوميسسيا توراعاسى, حاتشىسى, قاتىسۋشى مۇشەلەرى قول قويادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 8 اقپاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №13013 بولىپ ەنگىزىلدى.