مىندەتتەرىنە مىعىم, قۇقىقتارىنا جەتىك

كۇن وتكەن سايىن پار­لا­مەنت ءماجىلىسى مەن ءماسلي­حات­تار سايلاۋلارى جاقىنداپ كەلەدى. سايلاۋدىڭ زاڭدى جانە ءادىل ءوتۋى باستى نازاردا ۇستالۋدا. كەشە «قازاقستان رەسپۋب­ليك­ا­سىنداعى سايلاۋدى بايقاۋ ءجونىن­دەگى رەسپۋبليكالىق قوعامدىق كوميسسيا» رەسپۋبليكالىق قوعامدىق بىرلەستىگى اقتوبە وبلىستىق ورتالىعىندا الدا بولاتىن سايلاۋ ناۋقانىندا بايقاۋشىلاردىڭ جۇمىسىنا بايلانىستى ەكىنشى مارتە بريفينگ ۇيىمداستىردى. بريفينگكە قالا, اۋدانداردان بايقاۋشىلار, باق وكىلدەرى قاتىستى. باسقوسۋدا ءسوز العان وبلىستىق ورتالىق جەتەكشىسى حالەل قۇ­سايىنوۆ بايقاۋشىلاردىڭ دەنى بۇرىنعى وتكەن سايلاۋلارعا باي­قاۋشى رەتىندە قاتىسقان تاجىريبەلى ادامدار – قوعامدىق ۇيىمدار وكىلدەرى, عالىمدار, وقى­­تۋشىلار, وبلىس جاستارى ەكە­نىن تىلگە تيەك ەتە كەلىپ, ولارعا باي­قاۋ­شىلار ءۇشىن ادىستەمەلىك قۇرالدار, جادىنامالار تابىس­تالعانىن جەتكىزدى. وبلىس بويىنشا 526 سايلاۋ ۋچاسكەسى قۇرىلعان, ونىڭ ىشىندە 133-ءى قالا اۋماعىندا, قالعان 393-ءى اۋدانداردا ورنالاسقان. بار­لىق سايلاۋ ۋچاسكەلەرى سايلاۋ ناۋ­قانىنا دايىن, قازاقستان زاڭ­دارى اياسىندا جۇمىس جاساۋدا. «شتابتىڭ 11 مۇشەسى بار. ساي­لاۋ­دىڭ ءادىل دە شىنايى ءوتۋىن 530 بايقاۋشى قاداعالايتىن بولادى. اۋدانداردا سەلەكتورلىق جينالىستار جانە بارلىعى 11 سەمينار-ترەنينگ وتكىزىلدى. ولاردا سايلاۋدى بايقاۋشىلاردىڭ نەگىزگى مىندەتتەرى مەن قۇقىقتارى ءتۇسىندىرىلدى. سونىڭ بىرىنە «قا­زاق­ستان رەسپۋبليكاسىنداعى ساي­لاۋدى بايقاۋ جونىندەگى رەسپۋب­ليكالىق قوعامدىق كوميسسيا» رقب توراعاسىنىڭ ورىنباسارى ءادىل احمەتوۆ قاتىستى, پارتيالاردىڭ وبلىستىق فيليالدارى شتابىنىڭ باسشىلارىمەن كەزدەسىپ, سايلاۋالدى ناۋقان بارىسى, سايلاۋعا قوعامدىق بايقاۋ ۇيىمدارىنىڭ قاتىسۋىنىڭ ماڭىزدىلىعى جونىندە اڭگىمەلەدى», – دەدى ورتالىق جەتەكشىسى ح. قۇسايىنوۆ. ول سايلاۋ كۇنىنە دەيىن ءالى دە بىرنەشە سەمينار وتكىزىلەتىنىنەن حاباردار ەتتى. وسى كەزگە دەيىن سايلاۋ ناۋقانىن ۇيىمداستىرۋ بويىنشا ەشقانداي ەسكەرتۋلەر مەن ۇسىنىستار جانە ساياسي پارتيالار نەمەسە ماسليحاتتارعا كانديداتتاردىڭ سايلاۋالدى ۇگىتتەرىن جۇرگىزۋ بارىسىندا قۇ­قىق بۇزۋشىلىقتار دەرەگى تۋرالى ارىز-شاعىم تۇسپەگەنىن ايت­تى. ونىڭ مالىمدەۋىنشە, وبلىس تۇرعىندارى تاراپىنان پار­لامەنت ءماجىلىسى مەن ءماسليحات­تار سايلاۋلارىنا ۇلكەن قىزىعۋ­شىلىق بايقالادى. ساتىبالدى ءساۋىرباي, «ەگەمەن قازاقستان». اقتوبە وبلىسى. سۋرەتتى تۇسىرگەن حايرەدەن راۋشانوۆ.