[caption id="attachment_29583" align="alignleft" width="262"]
سپۋسك.p65[/caption]
كەڭەس تۇسىندا, «بايلاردى, مولدانى قويداي قۋ قامشىمەن» دەگەن زاماندا تالاي كىتاپ ورتەلىپ كۇلگە اينالسا, تالاي كوزى اشىق جان اسىل مۇرانىڭ كوزىن جويۋعا قيماي, كومبەگە تىعىپ, جەر استىنا جاسىرعان-دى. سونداي كومبەنىڭ بىرنەشەۋىن ەتنوگراف-جازۋشى مارقۇم سەيىت كەنجەاحمەتوۆتىڭ جاسىرعان ادامنىڭ تۋىسقاندارىنىڭ كومەگىمەن قازىپ العانىن بىلەتىن ەدىك.
ۇلتتىڭ كادەسىنە مولىنان جاراپ, قىمبات جادىگەرگە اينالعان سونداي باعا جەتپەس قۇندىلىقتار بۇگىندە كومبەدە جاتپايدى, كىتاپحانالاردا قۇرمەتپەن ساقتالىپ, كەيىنگى ۇرپاق زەردەلەسىن دەپ ءىلىمنىڭ كوزىنە اينالىپ, ارا-تۇرا كورمەلەرگە قويىلادى. استاناداعى ۇلتتىق اكادەميالىق كىتاپحانادا ەلىمىز تاۋەلسىزدىگىنىڭ 25 جىلدىعىنا بايلانىستى «كىتاپ – ءداۋىر ايناسى» اتتى اشىق ەسىك كۇنىندە وتكىزىلگەن «كىتاپ – تاريح, كىتاپ – قازىنا» اتتى سيرەك كىتاپتار مەن قولجازبالار كورمەسىنىڭ اشىلۋىنا جينالعان حالىقتىڭ قاراسى اجەپتاۋىر كورىندى.
سالتاناتتا ءسوز سويلەگەن مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, مەملەكەت جانە قوعام قايراتكەرى مىرزاتاي جولداسبەكوۆ كىتاپتىڭ باعا جەتپەيتىن قازىنا ەكەندىگىن ايتىپ, قۇندىلىقتاردى قۇرمەتتەۋگە شاقىرسا, ءتىل جاناشىرى ورازكۇل اسانعازى ءوزىنىڭ جاس كەزىن ەسكە الىپ: «ءبىزدىڭ قىز-بوزبالا كەزدەرىمىزدە ءبىر-بىرىمىزبەن تانىساتىن, تابىساتىن ورنىمىزدىڭ ءبىرى كىتاپحانا ەدى. قىز بەن جىگىت كەزدەسۋدى كىتاپحاناعا بەلگىلەيتىن. ءبىزدىڭ بۋىننىڭ كىتاپقا, كىتاپحاناعا دەگەن قىزىعۋشىلىعى وراسان ەدى. جاستار, ءبىر ءسات سمارتفون, پلانشەتتەردى ىسىرىپ, تاسقا باسىلىپ, قاعازعا مارجان بولىپ ورىلگەن كىتاپقا ۇڭىلىڭىزدەر», – دەگەن اپالىق تىلەگىن جەتكىزدى.
كورمە سورەلەرىنەن شىن ءمانىندە باعا جەتپەس قازىنالار ورىن تەۋىپتى. اراب, تۇرىك, شاعاتاي, لاتىن تاڭبالارىمەن, كيريلليتسامەن جازىلعان سيرەك كىتاپتار مەن قولجازبالاردىڭ قاي-قايسىسى دا تاڭداندىرادى. احمەت بايتۇرسىنوۆتىڭ 1909 جىلى جارىق كورگەن «قىرىق مىسالى» مۇحتار اۋەزوۆتىڭ قولتاڭباسىمەن 1942 جىلى شىققان «اباي» رومانى, سيرەك قولجازبالار ايتەۋىر ءار قىمبات قازىنا كورمەگە كەلۋشىنى ءوز قاسىنا ۇزاق ايالداتادى.
كورمەگە قويىلعان ءاربىر كىتاپ وزىنە وسىلاي تارتسا, كىتاپحانانىڭ قورىندا جيناقتالعان قۇندى دۇنيەلەر اۋقىمى دا بولەكشە. زەرتتەۋشىلەرىن كۇتىپ جاتقان حالىقارالىق «الاش» سىيلىعىنىڭ لاۋرەاتى حاسەن ورالتايدىڭ 6441 قۇجاتى, اكادەميك زاكي احمەتوۆتىڭ 876 قۇجاتى سىندى دۇنيەلەردىڭ تالاي تالاپتى جاسقا ازىق بولاتىنى انىق. الەكساندر بلوكتىڭ قولتاڭباسى بار «زا گرانيۋ پروشلىح» اتتى جىر جيناعى, بامبۋك تاقتايشاعا جازىلعان ەجەلگى قىتاي قولجازباسى, الاقانعا سىياتىن كىتاپ دەيسىز بە, قورداعى قازىنا ءالى تالاي كورمەنىڭ تورىنەن ورىن الىپ, تالاي جاندى بىلىمنەن سۋسىنداتپاق.
ايتپاقشى, كورمەنىڭ اشىلۋىنا استانالىق جازۋشى قاۋىم تارتۋ-تارالعى جاسادى. جازۋشى, جۋرناليستەر تابىل ق ۇلىياس, اعايدار ىسىم, تولىمبەك ءابدىرايىم سيرەك كەزدەسەتىن كىتاپتار مەن ءوز شىعارمالارىن كىتاپحاناعا ۇسىندى.
انار تولەۋحانقىزى,
«ەگەمەن قازاقستان».
سپۋسك.p65[/caption]
كەڭەس تۇسىندا, «بايلاردى, مولدانى قويداي قۋ قامشىمەن» دەگەن زاماندا تالاي كىتاپ ورتەلىپ كۇلگە اينالسا, تالاي كوزى اشىق جان اسىل مۇرانىڭ كوزىن جويۋعا قيماي, كومبەگە تىعىپ, جەر استىنا جاسىرعان-دى. سونداي كومبەنىڭ بىرنەشەۋىن ەتنوگراف-جازۋشى مارقۇم سەيىت كەنجەاحمەتوۆتىڭ جاسىرعان ادامنىڭ تۋىسقاندارىنىڭ كومەگىمەن قازىپ العانىن بىلەتىن ەدىك.
ۇلتتىڭ كادەسىنە مولىنان جاراپ, قىمبات جادىگەرگە اينالعان سونداي باعا جەتپەس قۇندىلىقتار بۇگىندە كومبەدە جاتپايدى, كىتاپحانالاردا قۇرمەتپەن ساقتالىپ, كەيىنگى ۇرپاق زەردەلەسىن دەپ ءىلىمنىڭ كوزىنە اينالىپ, ارا-تۇرا كورمەلەرگە قويىلادى. استاناداعى ۇلتتىق اكادەميالىق كىتاپحانادا ەلىمىز تاۋەلسىزدىگىنىڭ 25 جىلدىعىنا بايلانىستى «كىتاپ – ءداۋىر ايناسى» اتتى اشىق ەسىك كۇنىندە وتكىزىلگەن «كىتاپ – تاريح, كىتاپ – قازىنا» اتتى سيرەك كىتاپتار مەن قولجازبالار كورمەسىنىڭ اشىلۋىنا جينالعان حالىقتىڭ قاراسى اجەپتاۋىر كورىندى.
سالتاناتتا ءسوز سويلەگەن مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, مەملەكەت جانە قوعام قايراتكەرى مىرزاتاي جولداسبەكوۆ كىتاپتىڭ باعا جەتپەيتىن قازىنا ەكەندىگىن ايتىپ, قۇندىلىقتاردى قۇرمەتتەۋگە شاقىرسا, ءتىل جاناشىرى ورازكۇل اسانعازى ءوزىنىڭ جاس كەزىن ەسكە الىپ: «ءبىزدىڭ قىز-بوزبالا كەزدەرىمىزدە ءبىر-بىرىمىزبەن تانىساتىن, تابىساتىن ورنىمىزدىڭ ءبىرى كىتاپحانا ەدى. قىز بەن جىگىت كەزدەسۋدى كىتاپحاناعا بەلگىلەيتىن. ءبىزدىڭ بۋىننىڭ كىتاپقا, كىتاپحاناعا دەگەن قىزىعۋشىلىعى وراسان ەدى. جاستار, ءبىر ءسات سمارتفون, پلانشەتتەردى ىسىرىپ, تاسقا باسىلىپ, قاعازعا مارجان بولىپ ورىلگەن كىتاپقا ۇڭىلىڭىزدەر», – دەگەن اپالىق تىلەگىن جەتكىزدى.
كورمە سورەلەرىنەن شىن ءمانىندە باعا جەتپەس قازىنالار ورىن تەۋىپتى. اراب, تۇرىك, شاعاتاي, لاتىن تاڭبالارىمەن, كيريلليتسامەن جازىلعان سيرەك كىتاپتار مەن قولجازبالاردىڭ قاي-قايسىسى دا تاڭداندىرادى. احمەت بايتۇرسىنوۆتىڭ 1909 جىلى جارىق كورگەن «قىرىق مىسالى» مۇحتار اۋەزوۆتىڭ قولتاڭباسىمەن 1942 جىلى شىققان «اباي» رومانى, سيرەك قولجازبالار ايتەۋىر ءار قىمبات قازىنا كورمەگە كەلۋشىنى ءوز قاسىنا ۇزاق ايالداتادى.
كورمەگە قويىلعان ءاربىر كىتاپ وزىنە وسىلاي تارتسا, كىتاپحانانىڭ قورىندا جيناقتالعان قۇندى دۇنيەلەر اۋقىمى دا بولەكشە. زەرتتەۋشىلەرىن كۇتىپ جاتقان حالىقارالىق «الاش» سىيلىعىنىڭ لاۋرەاتى حاسەن ورالتايدىڭ 6441 قۇجاتى, اكادەميك زاكي احمەتوۆتىڭ 876 قۇجاتى سىندى دۇنيەلەردىڭ تالاي تالاپتى جاسقا ازىق بولاتىنى انىق. الەكساندر بلوكتىڭ قولتاڭباسى بار «زا گرانيۋ پروشلىح» اتتى جىر جيناعى, بامبۋك تاقتايشاعا جازىلعان ەجەلگى قىتاي قولجازباسى, الاقانعا سىياتىن كىتاپ دەيسىز بە, قورداعى قازىنا ءالى تالاي كورمەنىڭ تورىنەن ورىن الىپ, تالاي جاندى بىلىمنەن سۋسىنداتپاق.
ايتپاقشى, كورمەنىڭ اشىلۋىنا استانالىق جازۋشى قاۋىم تارتۋ-تارالعى جاسادى. جازۋشى, جۋرناليستەر تابىل ق ۇلىياس, اعايدار ىسىم, تولىمبەك ءابدىرايىم سيرەك كەزدەسەتىن كىتاپتار مەن ءوز شىعارمالارىن كىتاپحاناعا ۇسىندى.
انار تولەۋحانقىزى,
«ەگەمەن قازاقستان».
