كوسەگەم كوگەرسىن دەسەڭ, كووپەراتيۆكە كەل

كەشە ورتالىق كوممۋنيكاتسيالار قىزمەتىندە «اتامەكەن» ۇكپ اوك كوميتەتى حاتشىلىعى حاتشى­سىنىڭ ورىنباسارى دىنمۇحامەد ءابساتتاروۆ باسپا­سوز ءماسليحاتىن وتكىزدى. ول اۋىل شارۋاشىلىعى سالاسىندا قۇرىلىپ جاتقان كووپەراتيۆتەر مەن اۋىلدى جەرلەردەگى بيزنەستى دامىتۋعا قاتىستى ماسەلەلەر جونىندە اڭگىمەلەدى. بيىل جىل باسىندا اۋىل­شارۋا­شىلىق كووپەراتيۆتەرىنە قاتىستى زاڭ كۇشىنە ەنگەنىن ايتقان سپيكەر, بۇل شارا سالا­نىڭ دامۋىنا تىڭ سەرپىن بە­رە­تىنىن جەتكىزدى. «وسى زاڭ كۇ­شىنە ەنگەن سوڭ مەملەكەت باس­شى­سىنىڭ تاپسىرماسىنا وراي, «اتامەكەن» ۇكپ اعىمداعى جىلدىڭ وزىندە 100 كووپەراتيۆ ۇيىمداستىرۋدى ماقسات ەتىپ وتىر. ونىڭ 11-ءى اۋىل شارۋا­شى­لىعى مينيسترلىگىمەن ءبىر­لە­سە وتىرىپ, قاناتقاقتى جوبا رە­تىندە قۇرىلادى. سالانىڭ ما­ڭىزدىلىعىنا وراي, پالاتا باس­شىلىعىنىڭ بەكىتۋىمەن با­سىم باعىت بولىپ وتىرعان شارا مۇمكىندىگىنشە تەزىرەك ءجۇ­زەگە اسىرىلادى. وسىعان وراي جەر­گىلىكتى جەرلەردىڭ بارىندە كاسىپ­كەرلەر پالاتاسىنىڭ ار­نايى وكىلدەرى جۇمىس ىستەيتىن بو­لا­دى. ولار كووپەراتيۆتەردىڭ ءجون-جورىعىمەن قاتار, ونى ءارى قا­راي دامىتۋ جولدارى جونىندە زاڭ­­دىق كەڭەس بەرىپ وتىرادى», دەدى. جوبانى قولعا الماس بۇرىن ۇلتتىق كاسىپكەرلەر پالاتا­سىنىڭ ماماندارى بىرقاتار جۇمىس اتقارعان. ماسەلەن, ءۇش باعىتتا زەرتتەۋ جۇمىستارىن جۇرگىزگەن. ونىڭ ءبىرىنشىسى – ىشكى نارىقتى زەرتتەۋ. ەلىمىزدە كەڭ تاراعان «رامستور», «ارزان», «ماگنۋم», «مەترو» سىن­­دى ساۋدا ورىندارىنىڭ باس­­شىلارىمەن كەزدەسىپ, ولار­­داعى ءما­سەلەلەردى ەگجەي-تەگ­جەيلى انىقتادىق. ەكىن­شى, اۋىلشارۋاشىلىق تا­ۋار­­­­لارىن ءوندىرىپ وتىرعان كا­سى­پ­­ورىنداردىڭ قانداي قۋات­تى­­لىقتا جۇمىس ىستەپ تۇرعانىن زەرتتەدىك. ءۇشىنشى, اۋىل تۇر­عىن­دارىمەن كەزدەسىپ, مۇڭ-مۇق­تاجىن تىڭداپ, ولاردىڭ ءونىمىن ارتتىرۋ جولدارىن تالقىلادىق. جالپى, جىل باسىنان بەرى التى ءوڭىردى ارالاپ ۇلگەردىك. ولار – الماتى وبلىسى, الماتى قالاسى, اقتوبە, قىزىلوردا, وڭ­­تۇستىك قازاقستان, جامبىل وب­ل­ىستارى. شامامەن 50-شاق­تى اۋداندا بولىپ, بار­لىق اۋىلدارعا اتباسىن ءتى­رەپ, اۋىل تۇرعىندارىمەن ءجۇز­بە­-ءجۇز كەز­­دەسىپ قايتتىق. ولار­دىڭ كو­بىسىن ەلىمىزدە وتان­دىق تاۋار ءون­دىرۋشىلەردىڭ تاۋار­لارى نا­رىقتا كوپتەپ ساتىل­ماي­تىن­دىعى الاڭداتادى ەكەن», دەدى سپيكەر. ونىڭ ايتۋىنا قاراعاندا, وتاندىق ونىمدەرمەن ىشكى نا­رىقتى تولىق قاناعاتتاندىرۋ ءۇشىن بىرقاتار كۇردەلى ماسەلەلەر بار كورىنەدى. پالاتا ماماندارى ۇلكەن ساۋدا جەلىلەرىمەن كەز­دەسىپ, ماسەلەنى تالقىلاعاندا, وتاندىق تاۋار وندىرۋشىلەر ساۋ­دا ورتالىقتارىن جىل بويى, ياعني 362 تاۋلىكتە ۇزدىكسىز قام­تا­­ما­سىز ەتىپ وتىرۋعا قابى­لەتسىز ەكەنى ايتىلعان. ءتىپتى, ال­ما­تى­داعى ءىرى ءسۇت ءونىمىن ءون­دىرۋشى زاۋىتتاردىڭ ءوزى قىس مەزگىلىندە تەك 20 پايىزدىق قۋاتتىلىعىمەن عانا جۇمىس ىستەۋگە ءماجبۇر ەكەن. سەبەبى, شي­كىزات جەتكىلىكسىز. ال جاز, كۇز ايلارىندا قور جيناۋعا سا­پالى قويمالار جوقتىڭ قا­سى. كارتوپ جانە دە باسقا كوكونىس ونىمدەرىمەن دە ءىرى ساۋ­دا جەلى­لەرىن جىل ون ەكى اي تولاس­سىز قامتاماسىز ەتۋ مۇمكىن ەمەس كورىنەدى. سەبەبى, جازدىڭ سوڭى مەن كۇز ايلارىندا ارزان باعاعا اعىلاتىن باقشا ونىمدەرى قىس ايلارىندا شارىقتاپ قىم­بات­تاۋى ىقتيمال. مۇنداعى ماسەلە دە ارنايى قويمالاردىڭ تاپ­شى­لىعىنا بايلانىستى ورىن الادى. د.ءابساتتاروۆ سالاداعى كوپ­­­تەگەن ءتۇيىندى ماسەلەلەر ءجونىن­­دە ايتا كەلىپ, اتالعان زاڭ وسىنىڭ ءبا­رىن رەتتەيتىنىن جانە اۋىل شا­رۋا­شىلىعىنىڭ سەرپىندى دا­مۋىنا جول اشا­تىنىن جەتكىزدى. نۇرباي ەلمۇراتوۆ, «ەگەمەن قازاقستان».