«سەنىڭ داۋىسىڭ – سەنىڭ بولاشاعىڭ!»

رەسپۋبليكالىق بايقاۋىنىڭ جەڭىمپازدارى انىقتالدى قازاقستان رەسپۋبليكاسى پرەزيدەنتى جانىنداعى ورتالىق كوممۋنيكاتسيالار قىزمەتىنىڭ الماتى بولىمشەسىندە جاس جۋرناليستەردىڭ «قالامگەر ازامات» قوعامدىق قورى ەلىمىزدە سايلاۋ قارساڭىندا جاريالاعان «سەنىڭ داۋىسىڭ – سەنىڭ بولاشاعىڭ!» اتتى پوستەرلەر بايقاۋىنىڭ جەڭىمپازدارىن ماراپاتتادى. كونكۋرستى ۇيىم­داس­تى­رۋ­شىلار بايقاۋعا استانا, الماتى, پاۆلودار, جامبىل جانە اتىراۋ ايماعىنىڭ 18 بەن 25 جاس ارالى­عىنداعى تۇرعىندارىنىڭ كوپتەپ قاتىسقانىن, جالپى ۇمىتكەرلەر سانى 300-دەن اسىپ كەتكەنىن جەتكىزدى. ولاردىڭ ايتۋىنشا, ەلى­مىزدە مەملەكەتتىڭ بولاشاعى ءۇشىن ءۇن قوساتىن جاستاردىڭ بەلسەن­دىلىگى ارتقان. EL.KZ الەۋمەتتىك جەلىسىندە اشىلعان Sailau2016.el.kz ينتەر­نەت-الاڭشاسى ارقىلى بۇل باي­قاۋعا قاتىسقان ۇمىتكەرلەردىڭ اراسىنان سۋىرىلىپ باس بايگەنى استانالىق ايدوس اناەۆ جەڭىپ الدى. ءبىرىنشى ورىن اقتاۋ قالا­سىنىڭ تۇرعىنى مۇرات ناۋرىز­بايعا بۇيىرسا, ال جۇلدەلى ەكىنشى ورىن­دى الماتىلىق ساعيدوللا اقتا­نوۆ پەن تارازدىق نۇرسەيىت قارا­باەۆ ءوزارا ءبولىستى. ءۇشىنشى ورىن­دى الماتى قالاسىنىڭ جاس تۇرعى­نى راۋل چۋكوباەۆ الدى. پاۆلو­دارلىق قاسەن ءۇمىتجان مەن اناس­تاسيا دەينا «كورەرمەن كو­ز­ايى­مى» نوميناتسياسىنا يە بولدى. وسى بايگە جاريالانعان ءسات­تەن باستاپ ينتەرنەت قولدا­نۋ­شىلار بايقاۋعا كەلىپ تۇسكەن تۋىندى­لارعا داۋىس بەرىپ, جەڭىمپاز­دى وزدەرى ىرىكتەگەن بولاتىن. تۋىندىسى وزىپ شىققان جەڭىمپازداردى قازاقستان ەستراداسىنىڭ ونەرپازدارى مەن بەلگىلى باق وكىلدەرىنەن جانە شىعارماشىل جاستاردان قۇرالعان قازىلار توبى انىقتاپ, باعالى سىيلىقتارمەن ماراپاتتادى. جۋىردا الماتى مەتروسىنىڭ بەكەتتەرىندە اتالعان بايقاۋعا كەلىپ تۇسكەن پوستەرلەردىڭ اشىق كورمەسى ۇيىمداستىرىلادى. قانات ەسكەندىر, «ەگەمەن قازاقستان». الماتى. سۋرەتتى تۇسىرگەن يۋري بەككەر.