پرەزيدەنت پاۆلوداردا ستۋدەنتتەر جاتاقحاناسىنا باردى

استانا. 16 ناۋرىز. مەملەكەت باسشىسى پاۆلودار مەملەكەتتىك پەداگوگيكالىق ينستيتۋتى جاتاقحاناسىنىڭ جاڭا عيماراتىنا باردى. بۇل تۋرالى akorda.kz حابارلادى. ەلباسى عيماراتتى ارالاپ كورىپ, وندا تۇرىپ جاتقان, «سەرپiن-2050» باعدارلاماسى بويىنشا وقيتىن ستۋدەنتتەرمەن اڭگىمەلەستى. قازاقستان پرەزيدەنتى جاتاقحانادا كۇندەلىكتى تۇرمىس پەن دەمالىس ءۇشىن بارلىق جاعداي جاسالعانىن ايتتى. سوعان وراي نۇرسۇلتان نازارباەۆ رەسپۋبليكادا جاستاردى قولداۋ مەن ولاردىڭ ءبىلىم الۋى ماسەلەلەرىنە ۇدايى كوڭىل بولىنەتىنىن, سونىڭ ىشىندە بۇل جۇمىس «سەرپiن-2050» مەملەكەتتىك باعدارلاماسى اياسىندا دا اتقارىلىپ جاتقانىن اتاپ كورسەتتى. 500 ادامعا ارنالعان پاتەر ۇلگىسىندەگى جاتاقحانا 2015 جىلى اشىلعان. وندا «سەرپىن» باعدارلاماسى بويىنشا وقيتىن 300 ستۋدەنت تۇرادى. عيماراتتا دەمالۋعا ارنالعان بولمەلەر, مەديتسينا كابينەتى, جاتتىعۋ زالى, جەكە زاتتاردى ساقتايتىن قويما, تەحنيكالىق ورىنجايلار جانە مۇمكىندىگى شەكتەۋلى ستۋدەنتتەر ءۇشىن ارنايى جابدىقتالعان بولمەلەر بار. ەلامان قوڭىر. دەرەك, سۋرەت: akorda.kz.