نيگەرياداعى لاڭكەستىك ارەكەتتەن 22 ادام قازا تاپتى

استانا. 16 ناۋرىز. نيگەريانىڭ سولتۇستىك-شىعىسىندا مايدۋگۋري قالاسىنداعى مەشىتتە بولعان جارىلىستان 22 ادام قازا تاپتى. سونداي-اق, 17 ادام ءتۇرلى دەڭگەيدە دەنە جاراقاتىن الدى. بۇل تۋرالى ريا «نوۆوستي» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى. پوليتسيا قىزمەتكەرلەرىنىڭ ايتۋىنشا, تەررورلىق ارەكەتتى ەكى جانكەشتى ۇيىمداستىردى. ولاردىڭ ءبىرى جارىلعىش زاتتى عيباداتحانانىڭ ىشىندە ىسكە قوسقان. وسىدان سوڭ جۇرتتىڭ ءبارى شىعا بەرىسكە ۇمتىلعان ساتتە ەكىنشى جانكەشتى ءوزىن ءوزى جارىپ جىبەرگەن. لاڭكەستىك ارەكەتتى جەرگىلىكتى اتىشۋلى «بوكو حارام» ۇيىمىنىڭ سودىرلارى جاسادى دەگەن بولجام جاسالدى. ايتا كەتەيىك, سوڭعى جەتى جىلدىڭ ىشىندە «بوكو حارام» سودىرلار ۇيىمىنىڭ قولىنان 13 مىڭنان استام بەيبىت تۇرعىن قازا تاۋىپ, ونداعان مىڭى جاراقات العان. اتالعان توپ كوبىنە نيگەريانىڭ سولتۇستىك-باتىسىندا, سونداي-اق, كامەرۋن مەن چاد ەلدەرىندە تەررورلىق شابۋىل جاسايدى. ايان ءابدۋالي. دەرەك, سۋرەت: ريا «نوۆوستي».