ۆتب بانكىنىڭ جاڭا توراعاسى تاعايىندالدى

الماتى. 16 ناۋرىز. ۆتب (قازاقستان) بانكىنىڭ ديرەكتورلار كەڭەسىنىڭ شەشىمىمەن 2016 جىلعى 15 ناۋرىزدان باستاپ ۆتب (قازاقستان) بانكىنىڭ جاڭا توراعاسى بولىپ ميحايل ەدۋاردوۆيچ وسەەۆسكي تاعايىندالدى. بۇل تۋرالى ۆتب بانكىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى. ميحايل وسەەۆسكي مەملەكەتتىك جانە قارجىلىق باسقارۋ سالاسىنداعى كوپجىلدىق كاسىبي تاجىريبەگە يە, ۆتب توبىنىڭ قۇرىلىمىندا 4 جىلدان بەرى جۇمىس ىستەپ كەلگەن. «بۇگىنگى كۇنى ۆتب ءساتتى دامۋ ۇستىندەگى حالىقارالىق قارجى توبى, الەمنىڭ 23 ەلىندە ءوز وكىلدىكتەرى بار. ولاردىڭ ءبىرى بانك ۆتب (قازاقستان) بولىپ تابىلادى, ول توپتىڭ ءىرى ەنشىلەس ۇيىمى. ءبىز قازاقستان رەسپۋبليكاسىنداعى توپتى دامىتۋدىڭ ۇزاق مەرزىمدى ستراتەگياسىن جۇزەگە اسىرا وتىرىپ, بۇل ەلدە بيزنەستى نىعايتۋدى جانە كەڭەيتۋدى كوزدەيمىز», – دەيدى ميحايل وسەەۆسكي. ميحايل وسەەۆسكيدىڭ تاعايىندالۋى جايىندا ايتا كەلە بانك ۆتب (قازاقستان) باسقارما توراعاسى دميتري زابەللو قازاقستانداعى ۆتب ەنشىلەس بانكىنىڭ بيزنەستى دامىتۋ بويىنشا ماڭىزدى جوسپارلارى جۇكتەلگەن توپتىڭ ستراتەگيالىق ماڭىزدى قۇرىلىمىنا اينالعانىن اتاپ ءوتتى. ايناش ەسالي. دەرەك, سۋرەت: ۆتب بانكىنىڭ ءباسپاسوز قىزمەتى.